اشكرك أختى على التعليق الجميل

ومدام انتى اصريتى تعرفين ايش حاط بالشنطه فأنا راح اقول ولو انى اعتبره سر من اسرارى الخاصه لكن تستاهلون يا اعضاء المنتدى الرائع ويمكن تستفيدون.

انا عندى ثلاث سيارات ولله الحمد والمنه عين الحسود فيها ............
سيارة العائله وسيارة العمل وسيارة المدام بحكم ان مسموح لدينا قيادة المرأه للسياره فى الكويت.

راح أبدأ بسيارة العائله لأنها الأهم عندى وخصوصا وقت السفر وهى من نوع الدفع الرباعى.
1-علبة اسعافات اوليه صغيره
2-طفاية حريق صغيره نسبيا (الله يكفينا ويكفيكم الحريق)
3-قفازات لزوم البنشر والأعطال وخصوصا فى الصيف.
4-مصباح تنوير (كشاف او تريك)
5-واير قلص او سحب للمساعده على الطريق او لزوم الكشتات والتغريز.
6-اشتراك لبطارية السياره.
7-سجادة للصلاه.
8-صندوق عده صغير .


باقى السيارتين مافيها شى يستحق الذكر وخصوصا سيارة المدام اكثر مافيها قفازات اليد الخاصه بالنساء طايحه بكل مكان بالسياره .