مهرة
هل سبق ان لمحتي له ان كلمة كنغ أزعجتك
و أوحت لك ب(الحرملك)؟

__________________

صحيح طبعاً.

لم يفتني هذا يا عزيزتي.

__________________


اللهم طِيبَ الأثر .. وحُسْنَ الرحيل.

لا أستطيع هذا يا مسز.

زوجي كتوم ولا يبوح بمشاعره أو رغباته بشكل جاد وواضح .. كما أنه متزن في سلوكه بشكل عام .. لذلك فحتى في وضعنا الطبيعي بدون زعل أو خلاف فإن دافعه الحقيقي من العلاقة لا يكون واضحاً لي.

قد يعبر أحياناً ببعض الكلمات .. ولكن هذا التعبير قد يكون له أكثر من تفسير .. لذلك لا أعوّل عليه كثيراً ولا أبني عليه قناعة أو تأكيد.

هو هكذا منذ بداية زواجنا.

__________________


اللهم طِيبَ الأثر .. وحُسْنَ الرحيل.

مافهمت فكرة الكنغ ممكن توضيح ؟

مب بالضبط.

لكن لما قال لي إنه ناوي ياخذ الثالثة قلت له أن فكرة إني أكون واحدة من ضمن الحريم تزعجني وما أقدر أتحملها.



أولاً (الكنغ) .. والآن صار (سي السيد)!!

وكم مرة يقول: (بوسي إيدي)!! .. ويرفع يده جدام ويهي عشان أبوسها.

المشكلة أنه يقول مثل هذه الأمور بشكل مازح وكأنه يشاكسني أو يلعب معاي.



والبدعة الجديدة:

له أكثر من أسبوع وبشكل يومي يطلب: هاتي لي طشت ماي وملح واغسلي ريولي .. أيضاً بنفس الأسلوب المازح وكأنه يلعب.


فعلياً ما عندي مشكلة أبداً في إني أغسل ريوله .. رغم إن ما حصلت مناسبة أو فرصة سابقاً لهذا .... ولا عندي مشكلة إني أبوس إيده وراسه .. بل إني كنت أفعلها زمان إذا اقتضى الموقف .. لكنها كانت تأتي عفوية وبمبادرة مني.


طبعاً ما قدرت أسايره وأستجيب لطلباته .. لكن في نفس الوقت ما قدرت أعمل منها قضية كبيرة وآخذ رد فعل جاد أو صارم .. لأنه ممكن يقول لي: حشا الواحد ما يمزح وياج؟!

فصرت أرد عليه بنفس الطريقة المازحة .. وأقول اللي في خاطري بدون ما ألبي طلبه.

بخصوص (سي السيد) قلت له: الظاهر إنك محتاج طبيب نفسي يعالجك من جنون العظمة اللي صابك فجأة .. أو: الظاهر إنك متعرف على صاحب جديد عامل لك غسيل مخ ومخرّب عقلك.

وبخصوص (بوسي إيدي) صرت أضربه على يده أو أبعدها عني وأقول له: أبوس إيدك لما أنا أبغي أبوسها .. أنا رايي تقطع علاقتك بهالصاحب اللي زارع في عقلك هالأفكار الهدامة.


وبخصوص الماي والملح .. جتني فرصة من الله وقلت أستغلها.

طول الفترة اللي كان يطلب مني الطشت ما كان يتأخر برا البيت عقب صلاة العشا .. ومن يومين طلع وتأخر .. وطبعاً نمت قبل ما يرجع.

ثاني يوم الصبح قال لي: هاا .. وين الماي والملح؟

رديت بإحباط: خلاص راحت عليك.

وتركته وطلعت من الغرفة.


في المسا لما دخلنا السرير وقت النوم رجع يطلب نفس الطلب .. قلت له: آسفة .. أنا سويت اللي عليّ وجهزته لك فعلاً وانت اللي تأخرت.

قال: يعني تبين تقولين لي إنج يبتي الطشت والماي فعلاً؟!!!

قلت: هيه .. وسخّنت لك ماي حار بعد .. وجهزت لك زيت عشان أدلك لك ريلك عقب حمام الماي.

قال: وينه عيل .. ما شفت شي لما رجعت.

قلت: انتظرتك لين الساعة 12 .. وعقب شلت كل شي .. مب معقول أخلي الطشت في الغرفة لين الصبح. (هو رجع حوالي 12,30)

ولعلمك كنت ناوية أشتري لك طشت مخصوص يناسب ريلك بدل الطشت الكبير اللي عندي.

سكت شوي وعقب قال: يعني الحين شو .. بتسوين لي الماي والملح؟

قلت: لا

قال: خلاص .. مب مشكلة.

وسكتنا على أساس ننام. (طبعاً كل كلامي ما كان صحيح .. أنا لا يبت طشت ولا جهزت ماي ولا ملح ولا زيت ولا شي)


توقعت بعد هالحوار إنه ينام زعلان أو ماخذ على خاطره .. لكن لما شافني ما نمت بسرعة قرّب مني وخذني في حظنه ومسح على راسي وتم يسولف معاي شوي. (ما طلب العلاقة الخاصة) .. وبعدين نمنا.

__________________


اللهم طِيبَ الأثر .. وحُسْنَ الرحيل.

مهره
تحسين انه طلب عفوي
ولا حاجة يحتاجها فعلاً في داخله


مهره
تذكرين يوم قلت لج ريلج كأنه شيخ !
شيخ مب قصدي شيخ دين
ولكن منصب قيادي !

هو فعلاً كمعدد يتصرف كأنه شيخ صاحب ملك
مادري ليش حضرتني هالفكرة مرة أخرى بكلامج عنه الأخير

__________________
الحمدلله الذي بنعمته تتم الصالحات

اعترض لما كان يرجع في الليل من برا ويلاقيني نايمة.

قال: لازم تنتظريني.

قلت: ما أعرف متى بترجع عشان أنتظرك.

قال: ولو .. لازم تنتظريني.

قلت: ليش؟

قال: لأني أنا الكينغ. (الملك)

__________________


اللهم طِيبَ الأثر .. وحُسْنَ الرحيل.

هي نفسها فكرة الكنج
الملك . الشيخ . سي السيد = نفس المعنى ونفس النتيجه

مهره
اذا عطاك ايده تبوسيها عطيه ايدك وقولي بوس وابوس

ما غابت عني هالفكرة من يوم قلتيها يا فوفو.

لكن هل هو طلب عفوي أو حاجة في داخله؟ .. صراحة صعب أفكر في هالسؤال أو أدوّر على إجابته الحين.

والله العظيم كنت زمان مستعدة أعمل أي شي يبغيه .. لكن الحين وبعد اللي سواه؟!!

فات الأوان صراحة.



بعدين .. لنا مع بعض أكثر من 12 سنة .. اشمعنى الحين صار يطلب هالطلبات؟!!
.
.
.
من كم يوم كنا يالسين مع بعض .. وكنا نرمس عن شي سويته في البيت وهو غايب .. سألني: ليش سويتيه؟ .. فقلت له: أنا راعية البيت وأعرف هالسوالف أكثر.

الحوار كان عادي جداً وهادي تماماً.

قال: لااااا .. أنا راعي البيت .. أنا الكنغ وإنتي الكوين .. إنتي تستمدين سلطتج مني وأنا ما أستمد سلطتي من حد!

قلت: اسمح لي .. أنت راعي البيت .. وانا بعد راعية البيت .. وسلطتي أستمدها من دوري في هالبيت ومسؤوليتي فيه .. والبيت هذا بيتي أسوي فيه اللي أباه.

ضحك وحاول يشاكسني على عبارة (البيت هذا بيتي) .. قال: طيب على الأقل قولي: بيتنا.

قلت له: لا .. البيت هذا بيتي.



أنا عارفة إن زوجي ريال قيادي ويحب تكون كلمته ماشية .. لكنه ما كان يتكلم جذي زمان!
.
.
.
لما جددت جواز سفر ولدي وهو مسافر .. ما كنت محتاجة فعلياً لتجديده .. والمركز الصيفي كان مستعد يسجل الولد مؤقتاً لين أبوه يرجع ويجدد الجواز .. لكني تعمدت أجدده وهو غايب.

سألت موظف الاستقبال فقال لي: لازم الأب هو اللي يجدد جواز الأبناء .. بس إذا حابة ادخلي على المدير وكلميه.

دخلت فعلاً على المدير .. والله سخره لي وعطاني موافقة على التجديد.


زوجي لما رجع وعرف اغتاظ .. قال: كيف يجددون لج الجواز وأنا مب موجود؟ .. أنا باشتكي عليهم.

طبعاً وكالعادة قالها بمزح .. بس بصراحة كان يهمني يعرف إني أقدر أصرّف أموري وأمور عيالي بنفسي بدون الحاجة لوجوده.

__________________


اللهم طِيبَ الأثر .. وحُسْنَ الرحيل.

لا أبداً.

رفضت أبوس إيده .. وعقب عطيته إيدي وقلت له: بوس.

وبصراحة باسها.



وصرت لما أعمل له شي .. مثلاً أحط له صحن غداه .. أو أسوي له قهوته .. أمد له إيدي عشان يبوسها وأنا أقول: تسلم إيدي.

وبعد يبوسها.

__________________


اللهم طِيبَ الأثر .. وحُسْنَ الرحيل.