أرز بالجزر (بالصور) ~
السلام عليكم
صبحكم الله بالخيـــر 
الأرز بالجزر
أو
(المندي)
إحنا نسمي هالطبق مندي ,, ولا اعرف عندكم بالسعودية تسمونه جذي أو لا
من جذي سميته الأرز بالجزر حتى إذا كان المندي عندكم مختلف عنا لا تتخربطون
هذا الطبق طبعاً يصلح للغداء لأنه أرز !
وطريقة عمله سهلة جداً جداً ,, يعني اليوم إلي اكون مالي مزاج اطبخ
اسوي هالطبخة لأنها سهلة ,, وبتكون اسهل واسهل مع التكرار
والأهم إني أموت عليها وزوجي بعد يحبها 
والله كان خاطري اصور خطوات العمل ,, ولكن تعرفون الكسل ما يسوي 
المهم
أول شي راح تحتاجية ,,
- دجاج
- جزر
- ملح + فلفل أسود + زيت
- أرز
طريقة العمل //
- تقشر الجزرة وتبشر , وتحطينه بالقدر مع الدجاج وقليل من الزيت (تقدرين تحطين زبدة بدل الزيت) .. ولا تنسي الملح والفلفل الأسود.
- يقلب قليلاً حتى يأخذ الدجاج على جزر ,, ويكون الجزر ذابل قليلاً ..
- بعد التقليب اضيفي الماء لــ الجزر والدجاج حتى تسلق قطع الدجاج .
في هذه الأثناء ..
حضري الأرز واغسليه جيداً ...
بعد نضج الدجاج ,, شيلي الدجاج من القدر وحطيه في صحن خارجي
وبعدها اضيفي الأرز إلى ماء الدجاج والجزر بحيث يكون الماء يغطي الأرز بإرتفاع 1 سانتيمتر تقريباً
(لأن لن نتحتاج إلى تصفيه الأرز) .. ولا تنسي أن تضيفي الملح للأرز
وفي هذه الأثناء قومي بقلي قطع الدجاج ,, أنا أفضل أن اغطيها بالغصمات اولاً
وأقلي معها بطاطس وشرائح باذنحان ,, (ولكن هالمرة ما قليت باذنحان لأني كنت تعبانة شوي)
وهذه الصور ///
تقدم مع سلطة
وهذه الكعكة لأول رد طبعاً
(مسامحة ماقدرت اقاومها وكليت منها ) 
وبالعــــــــــافيــة على قلووووووبكم
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة منت عاجبني ; 26-10-2008 الساعة 02:37 AM
26-10-2008, 02:28 AM
ضوابط المشاركة
العرض الشجري