انا معاك انه زوجتك غلطانه ومايحق لها انها تمد يدها عليك بسبب تافه(حضور حفلة تخرج)
ولكنك يااخي كمان انت غلطان انت منعتها من الذهاب لاهلها وبرضو كسرت كلمة عمك مااعترضنا ولكن انك تخليها تروح لاهلك عشان امك (ست الحبايب)ماتدري هل اهلك يقدروا يحلو المشكله احسن من اهلها ولا انت تبغاها تنظلم؟؟؟؟؟؟؟
حلو مشاكلكم في بيتكم والمفروض ماتروح لاحد نهائيا عشان تنحل الامور صح ماتخرج ابداااااا

__________________
اللهم اغفرلي ولوالدي وارحمني واسكني فسيح جناتك ياحي ياقيوم

شكرا لم ملفوف
اظن الأمور لا تحل هكذا و هي لم تمد يدها بل حاولت ولا تسترجيء أن تفعل ذلك .
اما قصة منعها من الذهاب فهو لأهداف عديدة يأتي من أهمها أن هذا البيت ليست محطة للروقان بل تمكث ببيتها وتصلح من حالها ولعلمك فإنها بسفرها لأهلها ستزيد الأمور سوءا لأنهم عائلة غير ملتزمة وسيرون أني متشدد بطلبي حفظ حقوق الله .
أما مسألة أن أهلي اخذوها فهي من طلبت ذلك و هل من المعقول أن أترجاها لتبقى فلتذهب وليكن الله معها .

انا نصيحتي لك ياخي الكريم (المذيع ) لاتدخل في مشاكل مع الزوجه على امور بسيطه
الزوجه امراة ضعيفه ماتحكم عقلهادائماتحركها العاطفه ويمكن تطلب الطلاق وتندم عليه لكن
خلها تروح لحفله اختها ولاتنسى ان عندكم ابن لابد من الرعايه واذا حصل لاقدر الله طلاق سوف يكون الطفل هو الضحيه وسوف تندمون والدين المعامله وأصبر على زوجك بقدر الاستطاع لكي تستمر الحياه وموضوعك بسيط هونه وتهون اتمنى لكما التوفيق والسداد

تروحين ماتروحين .. تلبيسين ماتلبسين ... ؟!

هات وخذ ... خذ وهات ..؟ّ!


اعطيها العلم .. وكلمتك .. وخليها تطرطع من نفسها ؟

اجل تقولها لاتروحين وهي تقولك لابروح وانت تقول لاتروحين .

خلااااااااااص يابو فلان انت عطها كلمتك لا يعني لا .. لاتناقش ولا تتكلم .. عشان تبعد نفسك عن المشاكل

بس الحين استهدوا بالله

وترا لحظه عندي نقطه ؟؟

شنو يعني لازم تدخل تحفيظ قرأن ؟ يعني اذا راحت خلاص بتصير الحرمه الي مافي احسن منها ؟

لا التحفيظ .. ولا اي شي تنغصب عليه .. اذا بتدخل التحفيظ بكيفها وبقناعتها ..

وبعدين لو تبيها ملتزمه وام ومتدينه ومادري شنو ؟ ليش ماشترط هالأشياء من بدري ايـام ماكنت تدور عروس ؟
ليش ماخليتها مواصفات مهمه وركزت عليها ؟

والحين جاي تضرب كف بكف وتبي الحل ؟!

اختـاروا صح عشان تعيشون صح ..


والله يسخرلكم ياااااارب ويهدي بالكم ..

__________________
{ احبــــ ـــكم بلا استثنـاء ~

بصراحة رغم أنه فات الفوت
أنت غلطان في اختيارك زوجتك
كيف لم تسأل عن تدينها و عن عباءتها و عن أبسط أخلاقياتها
بغض النظر عن من المخطئ فيكم و بغض النظر عن طريقتك القاسية و طريقتها العنيدة
أنتما مختلفان تماما , على أي أساس اخترتها و أنت تقول

اقتباس:

ولعلمك فإنها بسفرها لأهلها ستزيد الأمور سوءا لأنهم عائلة غير ملتزمة وسيرون أني متشدد بطلبي حفظ حقوق الله .

أنت تريد خلق منها أنسانة مختلفة تماما عن ما تعودت عليه و بالقوة الصارمة بدون حكمة
ابحث عن ايجابياتها و لين جانبك نوعا ما
على الأقل اعطها فسحة للتنفس , اسمح لها بالخروج لأهلها لكن بقيود و ارجاعها للعباءة مثلا ..
و لاتغصبها على حلقة التحفيظ , لازم هي تجي من نفسها
لازم يكون عندها قناعة و الأول رغبة
هل انت مشترك بحلقة تحفيظ و كل أصحابك مشتركين لايخطأون و كل أهلك ملتزمين!!!
التدين مطلوب من كلا الزوجين
و من البداية اختيارك خطأ

تحياتي
أم فاطمة

هاذا اللي كنت بقوله ... انت شخص ملتزم ومحافظ ... ليه ناسبتهم دامك تدري عنهم ..

الاختيار من الاول غلط وانت الحين تتحمل مسؤليه اختيارك ...

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

شايف معاملتك لها معامله ترضي ربك!!!!!!!!!!!!!!!!
هل الدين بالجبر والاكراه والقوه!!!!!!!!!!!!!!!!!!!
هل في شئ من الدين يجعل الرجل يمنع زوجته عن ذهاب لزيارة اهلها!!!!!!!!
مثل مو هي راكبها الخطاء حتى انت راكبك الخطاء راجع حساباتك اخوي صح!!!

صحيح انه الموضوع مايخصني لكن انا ابي ارد على هالكلام.

انا شخص مقبل على خطوبه ان شاء الله ولا اقول عن الناس اللي بخطب منهم انه فيهم شي او عيب لكن هذي تجربتي قبل اول مافكرت بالخطوبه

اهلي: يلله ابشر لقينالك وحده نفس طلباتك

انا: اخيرا, الحمدلله. (بعد كذا بديت اسأل ونا فرحان عن كل مافي خاطري الى ماوصلت لها الاسئله)

انا: هي تلبس عبايه مخصره؟

اهلي: وش هذا السؤال المتخلف؟ العبايه ماهي مقياس على الاخلاق وكل البنات الان يلبسون هالعبايه واذا هذى تفكيرك والله ماراح تلاقي احد واصلا احنا مابندور لك لانك بتفشلنا, وبعدين عيب نسأل البنت انتي وش عبايتك.

انا: بس هذا مقياس على اشياء ثانيه اهم وبعدين مو لازم تسألونهم شخصيا ممكن تسألو...

اهلي: بلا مقياس بلا هم, ياما بنات العبايه على الراس واهم خربانات وبعدين هذي اشياء تتفق فيها مع زوجتك بعدين, كل زميلاتنا اللي تزوجوا تغيروا بعيد الزواج, هذي فلانه كانت تكشف والان العبايه على الراس وهذي فلانه وهذي وهذي

انا:طيب مو مشكله (امري لله مالي غيركم), اذا تبي تتوظف بعدين, هل عادي عندها انها تتوظف في مكان مختلط؟

اهلي: لا؟ انت الظاهر ماتبي تعرس يلله بس خلاص مافيه بنات!!!

انا: -انواع الصياح-

واعرف ناس كثير مروا بنفس حالتي. ناهيييييييييييك عن الناس اللي يخبون ويخفون العيوب والافكار التعبانه يعني اذا قبل الزواج سم وابشر وكل شي حاضرين والبنت حتى تقولك لو تبي اصير عبده عندك ماعندي مانع بس بعد الزواج تبدى الحقيقه فالظهور. وهذا مو دايم يكون خداع ممكن تكون البنت فعلا ناويه تتوب وتتحسن لكن بعد الزواج تفتر او ترجع لرفيقات السوء. والعكس ايضا صحيح ياما ناس تعبانين ورأفنا على اللي انخدعوا فيهم حالتهم تحسنت بعد الزواج وصاروا افضل بالف مره.

للاسف الواحد مايضمن شي فالزواج. والله حتى لو اخذت بنت عمك اوخالك ممكن ان الواحد او الوحده تنصدم بشريك الحياة اللي يتغير 180 درجه بعد الزواج. والله الوضع كله توافيق من الله والواحد ماله الا انه يسوي اللي يقدر عليه ويتوكل على الله.

وبالنسبه للاخ مذيع انا ضد انك تستشير فهالامور على النت (اكره مواضيع الاستشاره فاشياء مهم عند العامه) ياخي النت مليان بالناس الحمقى والسفهاء -انا ما اتهم احد فالمنتدى انه احمق- اللي ممكن يخربون حياتك لان العقلاء فالدنيا هم الاقليه فما بالك بالطلاق؟ ناهيك عن مشكلة طرح الوضع من جهه وحده, كل قضيه لازم نسمع فيها من الطرقين وانا اذكرك بحديث المرأه اللي جت تشكي للرسول صلى الله عليه وسلم ان زوجها مايتركها تصوم ولا تصلي... ما اذكر الحديث بالظبط لكن زبدة الكلام انه طلع الحق مع الزوج رغم ان طرح الزوجه كان مقنع 100% انه هو الغلطان... كيف يمنعها من الصوم والصلاة؟

الله يفرج همك .. ان شاء الله .. ترجع الامور لمجاريها..
يا ريت تطمنا ما هي تطوراتكم

ان شاء الله ترجع لبيتك واموركم تكون تمام.. انت عشان تعفو عنها اتزكر انها كانت حبيبتك اتزكر الاشياء الحلوة اللي كانت بينكم هاي الاشياء اكيد بتحنن قلبك عليها.. وزكرها هي عشان يحن قلبها لك..

هالاشياء كلها من الشيطان يا اخي.. وهناك حديث عن الرسول صلى الله عليه وسلم

عن جابر أيضا قال: قال رسول الله صلى الله عليه و سلم : (( إن الشيطان يضع عرشه على الماء يبعث سراياه في الناس فأقربهم عنده منزلة أعظمهم عنده فتنة, يجيء أحدهم فيقول مازلت بفلان حتى تركته و هو يقول كذا و كذا، فيقول إبليس لا و الله ما صنعت شيئا. و يجيء أحدهم فيقول ما تركته حتى فرقت بينه و بين أهله. قال فيقربه و يُدْنيه و يقول نعم أنت)) .
الراوي: جابر بن عبدالله المحدث: مسلم - المصدر: المسند الصحيح - الصفحة أو الرقم: 2813
خلاصة الدرجة: صحيح



استعيذ بالله من الشيطان الرجيم هذا كله من عمل الشيطان يا اخي.. واصبر عليها عشان الطفل اللي بينكم

الله يهدي سركم وييسر اموركم

أكرمك الله بنوره
انا لم أطرح مشاكلي في خارج بيتي إلا وقد عادت الي من طريق آخر .
لكن في العالم الوهمي الإنترنت انت لا تعرفني ولا أعرفك وايضا تكون في حل من تشابهات القصص .
أما من ناحية الحمقى فهم صحيح يكثرون في النت لكن بالمقابل الكثير من العقول النقية تجتمع في هذا المنتدى الرائع و الأجمل من هذا هو التجرد من الخلافات الشخصية لجهلنا بذواتنا .
وصدقني إن الإنترنت أنظف من الواقع.