الله يعيني معاك..

كيف حالك اختي 0000000

اتمنى تكوني هدأت الآن 0000000000

وغيرتي رايك بموضوع الطلاق 0000

في الحقيقة أخي الفاضل كاره الرياضيات..
أنا التي سعت لتهديء الأمور..
مابيه يحس إني أفكر بالانفصال..

تدرون اشسويت..
هو رجع البيت متأخروراح على السرير بينام..
أنا لبست قميص نوم وتعطرت..
ورقدت عيالي..
ورقدت جنبه..
قلت له بهدوء:
ليش تضايقت لما قلت لك إني مب مرتاحة؟؟
المفروض إنك تدري بهالشي..
المفروض إنك تحس فيني..
كل هالوقت وإنت ماتدري إني متضااااايقة وماحسيت بطعم الراحة؟؟؟
قال: مادامج مب مرتاحة يعني تبين تنفصلين..
قلت له من قال لك؟؟
أنا قلت ماني بمرتاحة..
بس ماقلت إني مابيك..
((( بصراحة أنا حايرة وبروحي ما أدري شاللي أبيه بالضبط.. أنفصل أو لا )))
قلت له: أنا أشوفك إنت بعد مش مرتاح معاي..
يعني أنا دارية فيك..
لو قلت لي إنك مش مرتاح..
ماراح أنصدم وأزعل.ز
وبعدين الراحة هذا احساس داخلي ما أقدر أتحكم فيه..
وأصلا إنت السبب فيه.. مب أنا اللي جبته لنفسي..
تبيني لما سألتني أكذب وأقول مرتاحة؟؟
المهم..
تصالحنا..
بس أنا للحين بضيق.. لكن..
مابغيته ينام وعو زعلان بعدين الملائكة تلعني..
وفكرة الطلاق..
حاليا.. تراجعت عنها..
وفعلا مثل ماقلت يمكن أناكنت متوترة البارحة ومتسرعة..

لكن.. فعلا فعلا..
أخاف كل مرة أؤجل هالفكرة ويزيد ندمي..
لأني لما كانت عندي بنت.. وأجلت الفكرة..
جاتني البنت الثانية.. وصار التنفيذ أصعب..

اختي بحرينيه ...

تعوذي من الشيطان وانسي سالفه الطلاق ...

والله اني اعرف وحده يمر عليها ايام هي وعيالها مااكلوا شي من بخل زوجها ...

مع انه مليوووووووونييييير ....

صدق الشخص العصبي متعب اسأليني انا ... لكن ابي اسألك واعذريني على فضولي ...

هو يضربك والا لا في حالات العصبيه اللي تجيه ..؟؟؟

ونصيحتي لك من اللي قرأته بالمشكله هي ... جااامليه كثيير .. ولا تنتقدي تصرفاته ... وغرقيه بالمدح ...

صدق يمكن اللي تقوليه له غير رايك .. لكن جربي في البدايه لما تهدا الأمور بس وان شاء الله يتحسن ....وانتبهي يتعود على انك تصرفين علىالبيت .... يعني اكل وشرب وملابس ومنظفات ووو اشياء البيت الخاصه يعني لاتخلينه يتعود انتي تشرينها ....

واذا على التضحيه ياقلبي معروف ان المرأه اكثر تضحيه من الرجل ... لو لاقدر الله تطلقتي تضمنين يعني بيجيك رجل اقل اعصاب منه ؟؟؟؟ وبالنسبه للصلاه نصيحه صلي قدامه ..وصلي اخر الليل واقري قران قدامه ... ترا صديقني بأذن الله راح يتأثر .... لكن انتي ادعي له بالهدايه ....

وفيه مثل يعجبني ( عذرا اني راح اذكره ) يقول .. امسك قردك لايجيك اللي اقرد منه ....

الله يهدي بالك ويصلح لك زوجك يارب ......

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

عزيزتي لولو..
أشكرج على النصائح..
هو يضربني؟؟ لا.. مايرفع يده علي..
ويقول إنه يستحقر الرجال اللي يضرب زوجته..
وأثناء النقاش الحاد مايرفع صوته..
بتقولين لي عيل أشلون عصبي..
أقل شي ينرفزه..
مرة دخل الغرفة الظهر.. (وأنا هالوقت أحب أفتح الستارة وأطفي النور أريح لعيني )
دخل وشاف الليت مسكر..
عصب.. إنتي كله معيشتنا بظلام..والكهربا ببلاش.. وووو
قلت له ليش تكبر السالفة..
اضغط على الزر وتنتهي المشكلة..
قال: بس ليش ماتفتحين الليت وقاعدة بالظلام؟
أقول له كيفي.. قاعدة بروحي وأبغي أرتاح..
لما تجي افتحه..

لما أقعد بالصالة مع أهله وأنسى جوالي بالغرفة ويتصل ..
يرجع البيت وكأنه وحش..
ليش تنسينه.. وأنا أتصل يمكن أبغي شي ضروري.. وووو
(مع إنه دايما ينساه)


بالنسبة للصرف على البيت:
أنا ماصرف على البيت..
هو يبذر فلوسه على أشيا تافهة مثل جوال وسيارة ووو..
وآخر الشهر تخلص فلوسه..
ويحتاج تصليح سيارة مثلا..
ياخذ من عندي ويقول أرجعها أول الشهر..
أول شهر..يتناسى..
ثاني شهر..ينسى..
ثالث شهر..أنا أنسى..
ويضيع حقي.....
علما بأي ما أشتغل وهذي فلوسي قبل الزواج.. أستثمرتها في الأسهم..
يعني إذا انتهت خلاص ماراح تجيني غيرها..

أعووذ بالله !!!
اي طلاق يا اختي هدااك الله ..

لو ان كل اثنين متزوجين واجهتهم المشاكل في زواجهم انفصلوا لما وجدتي يا اختي العزيزة
عائلة واحدة مستقرة .. ولامتلات الدنيا بالاسر المفككة ...

اختي الغالية ..

هل تحلمين بحيااة خيالية او جنة من النعيم الدائم ..
عجبا لنا نحن البشر نعيش على هذه الارض فنخالها جنة خالية من النغصات
ونجتهد في بحثنا الدؤووب عن تلك الخيالات المبحرة
في عوالم المثالية والتفرد وكأننا ملائكة تسكن هذه الارض ..

لا يا اختي نحن بشر والبشر من طبيعتهم الخطأ
ولو بحثتي في شتى الاسر والعائلات الصغيرة والكبيرة
لوجدتي كل بيت يعج بالمشاكل والعواصف التي لا يجب ان نتركها تقتلع
غرس السنوات والعشرة ..

صحيح انك قد تعانين وان الانسان طاقة وتحمل انما يا عزيزتي
هل سيكون حالك بعد الطلاق افضل .. بالتاكيد لا
فهذا هو حال الحياة .. مزيج من السعادة والشقاء في ان واحد
اما الحياة المثالية فهي دار الاخرة في جنان الرحمن عسى الله ان
يكتبنا جميعا من عباده الصالحين ويحشرنا في جنانه ونعيمه المقيم ..

اذن عليك اختي ان تستبعدي تماما فكرة الطلاق مهما بلغت بك المشاكل مبلغا
واعتبري هذا الامر محسوما فلا تسمحي لتلك الفكرة بان تتسلل الى قلبك
فهي من نزغات الشيطان فتعوذي بالله منه وحاولي ان تصلحي زوجك وتتأقلمي
مع مشاكلك فلا حياة بلا مشاكل ...

وما تشتكين منه ليس قصرا عليك وحدك فثلاث ارباع الزوجات يعانين
وربما يعود الشح العاطفي من الرجل لطبيعة عمله ومسئولياته فلا تشغلي بالك بتلك الامور
ولاضير في ان تكوني المبادرة فهو سكن لك وانتي سكن له ولا داعي للتخاصم على مسألة المبادرة..

وبالنسبة للمصروف فكونك تساعدين زوجك فهذا امر طيب
وموقف تشكرين عليه وسيجزيك الله عليه الاجر والثواب
اضافة الى انه سيكبر قدرك في عيني زوجك ..
فحاولي الا تظهري له اسياءك من ذلك ..
واتفقا من جديد على مبدأ معين للصرف بحيث يضع نقوده في مكانها ...

في النهاية .. ارى يا اختي ان مشاكلك عادية ولا تستوجب طلب الطلاق نهائيا
وهي مشاكل عامة تمر بها كل الاسر فلا تفتحي للشيطان بابا ليفسد به عليك حياتك ..

تمنياتي لك بالتوفيق والحياة السعيدة .
تحياتي

بسم الله

أختي الفاضلة أنتي الى أخترتيه ما حد غضب عليك

لازم تتحملين نتيجة قرارك

بمى انك تعرفين اخلاقه قبل الزواج

الطلاق مب بسيط

تعرفين شنهو الطلاق

ضياع اسرة

تشتت ابناء

عدم استقرار

حمل لقب ( مطلقه) ونظرة المجتمع للمطلقه ما تحتاج شرح
تحاسب على اشياء ما تحاسب عليها البكر وغيييييييره

أعيدي التفكير ألف ألف مره

صحيح امساك بمعروف أو تسريح بأحسان

بس شنهو الى يترتب على ذلك

انتي الوحيده القادره على معرفة الافضل لك

بالتوفيق وتمنياتي لك بحياه مستقره وسعيده

بعد نظر .. جزاك الله خيرا..

قيمر]بسم الله

أختي الفاضلة أنتي الى أخترتيه ما حد غضب عليك
أنا لما وافقت عليه كان عمري 18 وكان الزواج بالنسبة لي حلم كل فتاة..

لازم تتحملين نتيجة قرارك

بمى انك تعرفين اخلاقه قبل الزواج
ماكنت أعرف أخلاقه قبل الزواج..
هو تقدم لي عادي..
وأنا لما جلست معاه أول مرة..
قال بيسوي وبيسوي.. وأعطاني آمال واهية ووعود كاذبة..
وحسسني أني ماراح ألقى أحسن منه..

الطلاق مب بسيط

تعرفين شنهو الطلاق

ضياع اسرة

تشتت ابناء

عدم استقرار

حمل لقب ( مطلقه) ونظرة المجتمع للمطلقه ما تحتاج شرح
تحاسب على اشياء ما تحاسب عليها البكر وغيييييييره
الناس اللي بيقولون عني هذي مطلقة..
خليهم يعيشون اللي أنا عشته شوي وبيندمون إنهم قالوا هالكلمة.. وبيشوفون أن معاي حق..

أعيدي التفكير ألف ألف مره

صحيح امساك بمعروف أو تسريح بأحسان

بس شنهو الى يترتب على ذلك

انتي الوحيده القادره على معرفة الافضل لك

بالتوفيق وتمنياتي لك بحياه مستقره وسعيده

شكرا لك..

أختي الغالية بحرينية ولكن :
اولا اصبري وعليكلي بالدعاء وترى أنا زوجي يمكن مو أحسن من زوجك وانا يمكن لي خبرة في السزواج أكثر منك على عدد سنوات الزواج والله صبرت وكنت دايما ادعي انوا ربنا يحسن في أخلاق زوجي والحمد لله تعدل كثير احسن من اول
ولا تنسي انوا مافي احد سعيد كل السعادة يعني كل وحده عندها مشاكل وهموم بكل الأنواع والأشكال
تفائلي وان شاء الله زوجك يتعدل

انا مصدومه ان الموضوع لك يا الغاليه بحرينيه ولكن
حسبتك من الناس اللي مستقرين ولو نوعا ما
يالله محد مرتاح الصراحه
يوم لك ويوم عليك


حبيبتي لا تنصدمين من اللي بقوله لك
بس زوجك احسه ما توصل معاك للطلاق
زوجك اهون بكثيييييييييييييييييييييييييييييييييير من غيره
ايش الحل اللي بتلاقينه في الطلاق؟
ايش اللي بيتحسن اذا انفصلتم
اذا هو مغلق عليك ترى اهلك بيغلقون عليك بحجة انك مطلقه
اذا بناتك مو مدللين الحين
فصدقيني مارح يتدللون اكثر وهم بعيدين عنه
اذا على مزاجيات سياراته فالاحسن انك تستمتعين وتدورين ايجابيات كل سياره
انتي تتضايقين لانه ما ياخذ رايك فيها
لكل رجل مساحه من الاستقلاليه واعتبري السيارات هي مساحة زوجك
زوجك اناني وانا اعرف رجل مثله ما جاب راسه الا المدييييييييييييييييييييييييييييييييييييييييييييح والمديح والمديح والكثير جدا من المديح
احمدي ربك انه ما يصبحك ويمسيك بعلقه
احمدي ربك انه مو بخيل والثلاجه فاضيه
احمدي ربك انه مو سكير عربيد
احمدي ربك على امور كثيره جدا فيه
صدقيني لو تاخذين ورقه وقلم
وتكتبين عيوبه اللي لو رحتي لشيخ وافق مباشره على طلاقك
وتكتبين محاسنه
حتطلع محاسنه اكثر
اذا على العلاقه الخاصه فمن رأيي ان تتصارحون وفي جو رومانسي ويجب ان تحببيه في اللقاء معك
يعني الحل 90 في الميه من هالناحيه عليك
ولازم ما تشدين عليه ابد
عامليه مثل الطفل الصغير
والله اني اعرف وحده زوجها العن من زوجك حبتين
وقاعده تمدح فيه صار لها سنتين
الحين تعالي شوفيه
يتصل عليها يقول ما تبين شي؟
ماكان كذا
يطلعهم الساعه 12 بالليل يروحون اي سوبر ماركت ويرجعون بحلويات
يعني ساعتها حتى في هذا الوقت لقي لهم مكان يطلعهم يوم حسهم زهقانين ولا هانوا عليه مع ان الوقت متأخر بس طلعهم
حاولي
والله يصبرك على طول الوقت
احمدي ربك انه يشتاق لك
مو خاين

والله اكلمك كأختي....حاولي والله يعينك يارب

__________________
[/IMG]