الحلقه المليون!! خطبت منهم والى الأن ماردوا علي!!؟
السلام عليكم ورحمه الله
صباح الفل والياسمين والزمرد<<<وش جاب الزمرد هنا
هذه انا اعتبرها الحلقه المليون كل مره انزل فيها موضوع من البدايه الى النهايه من اول بدايه التفكير بالزواج الى ان وصلت للحظه الحاسمه لكن للأسف ماصارت حاسمه ):
هذي تعتبر اول خطبه اتقدم فيها لبنت ذكروها لي اهلي بعد مشاورات ومناقشات ولكن الحمدلله الأمور على مايرام مع ان المسأله الى الان ماصار فيها لارؤيه شرعيه ولا غيره مجرد كلام نواعم^_^ يعني انا انتظر منهم كلمه او موافقه مبدئيه ملييييت...
ولد عمي له صله قرابه فيهم وكلتمه وقلت له انا بتقدم للبنت وقال ابشر انا اكلمهم ولايصير خاطرك الا طيب !! تكلم مع ابوها تلفون بحكم انهم ماهم بنفس المدينه,,, ونقل لي ولد عمي بالحرف الواحد وقال انه يعرفني وان يشهد لي بالخير وابو البنت مايجامل لانه يعرفني حقيقه ,,,المهم قال اني بشاورها وبشاور اخوانها !! مر اسبوعين وكلمت ولد عمي قلت هاه بشر وش صار؟؟!! قال اني كلمته وقال لايستعجل الولد ولو كان الزواج بالعطله الصيفيه احسن لايستعجل!! ومر اسبوعين برضوا وكلمت ولد عمي وقلت وش صار قال ماتدري يمكن يستخيرون او يسألون ؟ قلت انا ماصارت تراني بدور بنت ثانيه قالي لااااا انتبه ليما نشوف وش ردهم اول !! المسأله طالت شهر وزياده وانا ابي كلمه بس مو مهم الزواج بالصيفيه او غيرها اهم شي يحسمون الأمر يا نعم يا لا!!
ياجماعه شهر وزياده هل هو تغلي او مشاوره او ايش قسم بالله قهر حتى كلمه ماردوا علي على الأقل انا ابغى ابحث من جديد على بنت ثانيه ومازالت متردد اخاف القى بنت ويردون اهل البنت الأولى بموافقه او غيره !! انا محتار ياجماعه وش الحل ؟؟
الله يعين
تحياتي
برب
التعديل الأخير تم بواسطة حبيب8الأمس ; 08-03-2008 الساعة 06:40 AM
08-03-2008, 06:35 AM
ضوابط المشاركة
العرض الشجري