امرأة قاربت على الخمسين ...طبعا متزوجه وعندها 4بنات وولد وكلهم متزوجون وعندهم أطفال كبار...وهي مطلقة من زوجها..وفي يوم ذهبت لتحضر زواج ..
وجاءت إليها أحد الأخوات وقالت لها نبغى نخطب من عندكم فقالت لها الأم : ماعندي بنات للزواج كلهم زوجتهم .
فقالت لها الأخت فهمتيني غلط أنا أبغاكي انتي لأخي وهذه أمي تبغى تتعرف عليكي ..أخي عمره 23 سنه ويبغى يتزوج ومو طالب أي شروط ..لم تصدق طبعاًوقالت لهم أشوف وأستشير بناتي ,,وبعد ذلك وافقت وتزوجوا وسوت فرح ولبست فستان أبيض واتصورت وكل شي :كأنها عروس لأول مره.وهي الأن عايشه مع زوجها ومبسوطين آخر انبساط الله لا يغير عليهم ويزيدهم سعادة فوق سعادتهم وترى المرأة مافيها أي صفة من الجمال أو البياض ولا عندها مال أو وظيفه ولا شئ يطمع فيها هذا الشاب اللي تزوجها وطبعا بعد الزواج صار حمل ولكنه نزل وزوجها زعل شويه لأنها وصلت سن اليأس وما حتنجب بعد كده وزوجها حالته المادية كويسه ووظيفته تمام .وكل فترة أسأل عنها مشاء الله في أحسن حال .
أكيد هذه المرأة صبرت كثير على زوجها الأول عشان كده ربنا عوض عليها لأنها فعلاً قصة لا تصدق أبداً
زوجها أصغر منها بكثير وأمه التي خطبت له هذه المرأة ولم يسبق له الزواج من قبل ....
سبحان الله