ياشوبارد ايش اطلع بس ؟؟؟؟

مايحس بالنار اللي واطيها ومافي احد حاس بي غيرك لأنك جربتي اللي جربت واحس اكثر بعد .....

انا راح انجن من هالموضوع والتفكير فيه ... جد والله خايفه يصير بي شي ...

عارفه اني اهلي بيغصبوني الا اطلع .. لكن والله مو من صالحي .. بس امي الله يهديها عنيده اللي براسها هو اللي يصير .....

وبعدين العم اللي خطب ليه رفض ان شاء الله ؟؟؟؟ انا في بالي انه يشوف الصوره واذا اقتنع مبدئيا يشوفني شخصيا ....

انا مقنعه بالشوفه ومستحيل اصلا اتزوج واحد ماشفته ... لكن المفروض يقبل بالصوره في البدايه مراعاه لنفسيتي على الأقل ....

الله يسامحهم بس .. الله يسامحهم جميعا .....

قرأت مقاله من كم اسبوع عن الموضوع هذا راح ابحث عنه وان شاء الله القاه وانزله في المنتدى .....


موفقه ياشوبارد وان شاء الله كل اللي يصير في موازينن حسناتنا
.. الله يفرجها عاجلا غير اجل

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

وربي جزاك الله خير ...لان هالموضوع كثير يقهرني ودي اتكلم فيه...... كثير يبي جميله وهو مدري كيف...... يجيك واحد كل شين العالم فيه ومع ذلك يطلب جميله والبنت دايم قليل تهتم بالشكل تشوفها جميله وماخذه واحد مو جميل وخلاص صارت عاده....... انا وربي خلاص مثل ماالرجال يرد فتاه جميله مثل الفاناه فلانه ومدري مين وهذا حقيقي انا بعد ابي رجال مثل الفنان الفلاني من جد شي يحرق القلب هو يطلب ويدور اجلمال والبنت لا وان طلبت يسكتونها عيب انتي بنت ..... طيب ليه مايشوف الاخلاق اشياء مقومات اخرى....... انا اكره الي يطلب شي مو فيه خذ علي قدك يااخي مو يجي يناظر الي بالتلفاز ويطلب مثلهم ...انا احس بعضهم يشفون الفتيات الي بالتلفاز حلوه التلفاز مني عموما يشوفهم خلاص يصير يبي مثلهم او يحسب ان البنات كذا يرسم صوره وهالصوره ترسخ في باله عشان كذا.. عموما انا من القهر قمت اقط خيط وخيط ... لو اتكلم من هنا لي بكره عصبيتي ضد هذا الموضوع مدري كيف مشكور اخوي علي الاقل جعلتني اعبر ........

عاد مو تحسبوني مو حلوه الحين انا بصراحه ماقد جربت........ وصدق ماني حلوه بس علي قوله المثل ماني حلو بس ماني شين ........ اخاف تحسبوني متعقده الحين ....... بس لاني انا انقهر من الرجال كل شي بصالحهم حتي في الاختيار اهم شي انه تعجبه والله قهر الشكو لله.......

ياجماعة اعصابكم ماوصلت باذن الله ترفضون الرؤية الشرعية لانها حق للطرفين

ففيها الحق متساوي للطرفين من لم يعجبه الطرف الاخر ينسحب بهدوء

سواء امراة ام رجل

وكملتها شوبارد بالدعاء بالعمى على الضعيف الذي يطلب حقه بالرؤية الشرعية

اسال الله ان يرزقكم ابناء الحلال اللي يسعدوكم باذن الله عاجل غير اجل

__________________

اللهم أجرني في مصيبتي واخلف لي خيرا منها

السلام عليكم أنا من قراء المنتدى الحديث الذي كتبهو الأخ \الأخت SOZII أخطأ \أخطأة في كتابتة وهذا هو الصحيح
والله اعلم ارجو الأنتبا المرة القادمة
قال صلى الله عليه وسلم (تنكح المرأة لأربع لمالها ولحسبها ولجمالها ولدينها فأظفر بذات الدين تربت يداك)
نقلت الحديث من كتاب الثقافة الإسلامية 2 الذي يدرس في الكلية التقنة بجدة

Execlent اخوي نايف لكن هناك ملاحظة بسيطة والله اذا اجتمع الدين والجمال فلما لا

أخواتي لولو وشوبارد بقول لكم كلمه يعلم الله ويشهد انها ليست مواسه ولكن هذا ما حسيت اني اريد ان اكتبه

لماذا الله يعلم .......

صدقوني ان نصيبك مكتوب وراح تجدون ما يسركم

ولا رد من خطبكم الا ان الله كاتب لكم أخير منهم

وانا دائماً احساسي صائب

وانتوا باين انكم طيبات وعلى نياتكم من ردودكم ومشاركاتكم

لا تحاتون هذا اللي تحسون فيه شيء طبيعي وتحس فيه كل بنت شريفه عفيفه تبحث عن الستر

واقول للشباب من أفضل من العفيفه التي تبحث عن الستر والله اني شخصياً اشوف من ردودك التواضع

وانتوا راح تجدون الخير وراح تبشرونا قريباً واتمنى من الله العزيز الجلال أن أشهد هذا اليوم

قريبا وعاجلنا وليس اجل

وفقكم الله لما يحب ويرضى ورزقكم الله الزوج التقي والذريه الصالحه

أخوي انا مارفضت الرؤية.. انا معها وبشدة ومع اني اكرهها واخاف منها

انا مريت بأكثر من موقف للرؤية الشرعية

وموقف واحد اللي هزني.. وش رايك بعد اني مادعيت عليه بالعمى وبس!!

استقبلت القبلة وانا طاهرة وعلى سجادتي ودعيييييييت عليه وانا ابكي

ليه؟ لأنه شافني مرتييييييييييييييين... ولأن الخطبة استمرت 3 شهور.. ولأني اخذت المهر

ولأني قبل الملكة بأسبوع وقف الموضوع بدون اي سبب ولا مبرر

أحاااااااااااافظ على نفسي هالسنين كلها ولارجال قد شافني يجي هو جعل عيونه الحرق مو العمى بس

ويشوفني مرتين ويوافق ويقول قدامي وانا جالسة بكرة بنزوركم انا والوالد

ويستمر الموضوع وبدون سبب يوقف

وانا ادعي من قلبي والله وكنت اقول لو كان السبب اللي فيني عين يالله ياربي لاتقبل دعاي الله يوفقه وييسرأمره

وربي عارف نيتي

لو هذي اختك ياخوي انحرق قلبك عليها


وانا اللهم لك الحمد ماينقصني اي شي من ناحية الشكل والدراسة وعائلتنا..

بالعكس خطابي كثار بس الشكوى لله النصيب ماجا..

--------------------

أخوي سامي العجمي

الله يجزاك خير على سطورك الرائعة ويجعلها في ميزان حسناتك

__________________
اللهم لك الحمد والشكر
"ولئن شكرتم لأزيدنكم"

اختي الفاضلة شو بارد سامحيني لم اكن اعلم التفاصيل المؤلمة للموضوع الذي يخصك

وبصراحة اللي ما يحترم مشاعر الغير ويخطب ويتفرج ويعشم بنات ثم يهون

حسبنا الله ونعم الوكيل عليه والله يحفظك ويرزقك ابن الحلال الذي يسعدك وينسيكي ما مضى

ودمتي بخير