افتقد زوجي حيل وافتقد حبه لي ..


حسبي الله على إللي كان السبب .. إللي يسعون بالتفرق بينا بالسحر . .بس الله موجود.. واملي بالله كبير .. وبصبر وبتحمل وانشاءالله يرجع لي زوجي مشافى معافى من كل شر ..

موضوعى موجود بعالم الثقافة .. وشكرا على هالموضوع

انا صراحة متزوجة وكنت جدا سعيدة مع
ولكن هالايام ما ادري وش فيه دايما عابس بوجهي وما يقول لي كلام حلو مع اني مو مقصرة في شي والله يعلم داااااااااااااااااااايما ادلعه واغرقه حنان واعطيه هدايا ، وصارحته في يوم من الايام وقلت له عن مشاعر وسألته عن سبب تغيره من اتجاهي فاجابني بتعسف انه مو متغير وقال لا اتكبرين الموضوع ، ومع اني كلمته مرة وثنتين وثلاث ولكن دووووووووون جدوى واحس خلااااااااااص راح انفجر
وما يصير خنون علي الا وقت الجماع وانا اكره هالشي احس اني اداة لشبع رغبته ومع اني قلت له عن اللي احس فيه الا انه انكر وقال انا دايما ادلعج
والله العالم اني ما اقصر عنه بشي ودايما اساعده واقدر ظروفه
حتى اني دايما احسسه بتعبي ولكنه لا يهتم لي
عطوووووووووني حل لمشكلتي الله يخليكم

__________________
ليس كل ما يلمع ذهبا

على فكرة اللي اتكلم عنه زوجي

__________________
ليس كل ما يلمع ذهبا

ارجوكم ردوا علي ابي حل بسرعة حياتي صارت صعبة

__________________
ليس كل ما يلمع ذهبا

السلام عليكم

أختي بنفسج ............الله يعينك تغير الزوج فجأه شين بالحيل ..............

يمكن توكم متزوجين و كان دلعه لك عشان توكم عرسان و دلع العرسان بسرعه يروح من يتعود الزوجين على بعض .............

أو يمكن يكون فيه فعلا شي شاغل ذهنه بالعمل و مو حاب يضايقك فيها ........... بعدين استغلي فرصة تدليعه لك لما يكون يبغاك للفراش و طولي فترة الدلع عشان يطول تدليع لك ..........

و فكره اخيره ... ليه ما تغيبين عنه يومين اذا تقدرين زوري اهلك و لا تبينين له انك متضايقه ... و لما يجي ياخذك تحججي انه البنات بيباتون عند اهلك ( بنات عمانك .. خيلانك .. صديقاتك ... ) و باتي عند اهلك و لا تتصلين علية ابد اذا احتجتي منه شي ارسليله مسج و بس .... راح بأذن الله يتجدد شوقه و غرامه ... و ترا هذي الفكره مجربه و جابت نتايج ... لان الزوج بيفقد تنظيم زوجته للمنزل و حظنها الدافي و كلامها العسل و بيحس بقيمه النعمه اللي عنده و بيخاف لا تزول عنه مره اخرى ..........بس نصيحه جيبي شغالة اهلك معاك لان البيت بيكون فوضى عارمه الرجال ما ينفع عزوبي

اختي طمنينا شيصير معك و ارجو اني افدتك

اختي بنفسج .. كل إللي اقدر اقدمه لج هو اني حاسه فيج .. انا نفس مشكلتج يعني بعد الحب الكبير والدلع والرومانسية انقلب الحال !! لكن الفرق في حالتنا ان التغير كان وراه سبب كبير وهو عدم قدرة على الجماع وهذا شي طبيعي ان النفسية اتغيير .. بغض النظر عن الاسباب إللي هي السحر والحسد .. لكن انتي التغير ماذكرتي شنو اسبابة!! هل في شي تغير بحياتكم عشان يتغير من ناحيته عليج ؟

انا مثلج صارحت وحاولت بكل طرقي الانثوية واخذت كل نصيحة تنقال لي .. بس ماكو فايدة!! لكن هم اعذرة إللي يمر في شي مو هين !!

بس املي بالله كبير .. ادعوه وانتم موقنون بالاجابة .. وبإذن الله يرجع لي زوجي مشافى معافى ويرد مثل ماكان واحسن بعد .. والله يسخر لج زوجج ويخلية حنون ويصير مثل ماتبينة واحسن بعد .

__________________
انا مع الحزن موعود ...

خواتي العزيزات على قلبي (ميني مواس) و(الحزينة83) مشكورين على اهتمامكم في موضوعي انا :0بالصراحة مثل ما قلت الكم ما اعرف اسباب التغير في زوجي وحاولت قدر المستطاع اني اعرف الاسباب منه ولكن دووون فائدة احنا صار لنا متزوجين 5 سنوات وعندنا ولد واحد عمره سنتين ، مشكلة زوجي انه كان انسان بارد وانا تعبت في تغيره والحمدلله نجحت وصار انسان حنون وعطوف وذويق ويعرف يدلعني لكن للاسف رجع الحين مثل ما كان وبدون مقدمات (يعني بدون اسباب واضحة) اختي العزيزة (ميني ماوس) مشكورة على هالفكرة الحلوة بس انا بغير هالخطة وبسافر مع اهلي وبدون زوجي بعد نصف شهر ولمدة 20 يوم وانشالله زوجي يرجع مثل ما كان وعلى فكرة البارح طلعت رحت معاه الى بيت اهله لان اخوه مريض ومسوي عملية وكان جدا محترم لانه عاملني قدامهم بحسن خلق وقام اشوي يدلعني وانا طرت من الفرح:14: واستانست واستغليت الفرصة هاذي وقعدت ادلعه وما ارفض له طلب
اختي (الحزينة 83) الله يكون في عونك ويصبرك ويشافي زوجك ويسود حياتكم الفرح والسعادة يااااااااااااااااا رب يا سميع الدعاء ولا تزعلين يا حبيبتي واعتبريني صديقتك من اليوم والله يكون في عونه ويوفقناز

__________________
ليس كل ما يلمع ذهبا

اختي بنفسج ((وانا اعتز بصداقتج))




فكرة السفره حلوه تدرين ليش ؟ لان الزوج يشتاق ..

تذكرت طريقة بعد تخلي الزوج يصير رومانسي وصاحب حركاات !!

شاهدوا افلام رومانسيه .. ودايمن اذكري جدامة انج تحبين هالحركة الرومانسية وانج تحبين كذا وكذا .. خليه يحس ان تفرحين من هالشغلات البسيطة .. طبعا هالطريقة انجحت معاي قبل.. كان زوجي يركض اليوم الثاني يسويلي هالشغلة إللي شفنها وإللي بينتها له . سواء ورد او هدية او كلمة احبج او حتى يسويلي جو وشموع .. لكن تعرفين شنو إللي حصل بعدين ..!!

والله كريم باذن الله زوجي يرجع لي ..

__________________
انا مع الحزن موعود ...

اختي العزيزة والغالية (الحزينة83)
حبيبتي الله يصبرك ويعدل اليك امورك ، مشكورة عمري وبحاول اسوي اللي قلتين لي عليه والله يسهل انشالله

اختي ما قلتين لي شخبارك الحين وش صار بينك وبين زوجك، انتظر ردك على احر من الجمر

__________________
ليس كل ما يلمع ذهبا

اخر تطور ان زوجي باجر عند سفرة للعلاج .. الله يرجعه لي بالاسلامه..


هذا اللنك

http://www.66n.com/forums/showthread.php?t=128742

المفروض ترى ما احط اللنك .. سامحوني ياالمراقبين هذي اخر مرة ..

__________________
انا مع الحزن موعود ...