اولا وقبل كل شي انصحك نصيحه لاااااتفردينه .. لو مهما كان شعرك لاتفردينه .. ومثل ماقلتي ان كثير يقولون حلو يعني مو سيئ للدرجه هذي ....وحتى لو فردتيه ماراح تستغنين عن السشوار ابدا بما انك متعوده عليه اصلا ....
بالنسبه للفرد انا شفت كثير فردوا شعورهم .. واغلبهم اذا مو كلم ندموا اشد الندم . لأنه فتره بسيطه يريح وبعدها يرجع اسواء مما كان ... واللي يخوف انه يبدا يتساقط بشكل كبير .... يعني اذا مصممه على الفرد وتبغينه لازم يكون شعرك غزير وكثيف جدا علشان يبقى لك شعر اذا تساقط بعد الفرد ....
الي تحتاجينه عزيزتي من تجربتي هو التالي ...
اولا المداومه على عمل حمام زيت للشعر مع كل غسله للشعر .. او ثلاث مرات في الأسبوع كافي .. وطريقته تعرفين طبعا الفاشكول او اي نوع ثاني كلهم واحد بس تختلف النكهات .. بعد ماتغسلين شعرك عادي ضعي حمام الزيت للشعر وافركي شعرك خمس دقائق علشان يوصل للشعر كله .. وبعدها اربطي شعرك بكيس بلاستيك وخليه لمده ربع ساعه وان كثرتي احسن والأفضل يكون فيه بخار علشان يستفيد منه الشعر اكثر .. وعليك بالأستمرار عليه دااائما علشان يرطب شعرك ....
ثانيا بالنسبه للفرد او التنعيم ... اذا كنتي تعرفين الكثيراء فهمي غاااايه الروعه بتنعيم الشعر وكأنها تفرده لكن بطريقه طبيعيه . يعني لاتساقط ولا غيره .. غير كذا انها تطول الشعر وتكثره .. نصيحتي لتنعيم الشعر الكثيراء ....
ثالثا جفاف الشعر .. حمام الزيت راح يساعد ه كثير .. وايضا زيت الذره والمايونيز ممتااااااز لترطيب الشعر <<<لاتضحكين علىالمايونيز ترا مفعوله عجيب اذا استمريتي عليه ...
وايضا لازم تستخدمين كريم للشعر اللي يناسب لك قبل السشوار وبعده لأن السشوار هو اللي ينشفه ....
هذااللي اذكره الحين واذا تذكرت شي ثاني ان شاءالله اكتبه لك واذا بغيتي شي اسألي لاتترددين ..