أبدأ موضوعي بشكر القائمين على هذا المنتدى اللي فعلا أعتبره بيتي الثاني، أقول اللي بقلبي بدون ما تردد لأن فعلا أحس إن فيه أخوان و أخوات يشاطروني همومي و مشاكلي،،

و ثاني شيء أوجه شكر خاص للأخت أميرات و الأخ إنسان غير على وقفتهم معاي و دعمهم الكبير لي خلال مشكلتي اللي عرضتها في موضوعي"ما قدر أقول غير الحمدلله"..

لكن حبيت أفضفض اللي بقلبي زيادة و أقول إن وصلت لطريق فعلا مسدود، اتبعت بعض حلولكم و صبرت و حاولت أتناسى الألم الوهمي في العلاقة الحميمة لكن بدون فايدة وصار زوجي يتحاشاني و مايرغب فيني و حبه لي صار يمكن دون الصفر و كل ذي انعكس على نفسيتي الأكثر من الزفت...

أحس إن المسألة بالنسبة لي مالهاحل وماقدر أعالجها إلا بالفراق من زوجي و الطلاق،،وصرت أكره الزواج و تحسفت على اللحظة اللي رضيت إني أتزوج فيها، و توصلت لقراري ني أطلب الطلاق بعد ما فكرت طول ليلتي هذي،،

فعلا حاولنا بكل الطرق و لكن بدون فايدة، ولا أبغيكم تحسون إني أتدلع و لا أتظاهر لأن فعلا قريت عن مثل مشاكلي وايد قبل زواجي و كنت أحس إنها مشاكل وهمية إلى أن وقعت فيها و ربي لا يبلي أحد فيها،،

أحيانا أقول يمكن الخلل بزوجي يمكن هو مايعرف شلون يقوم بالعملية بطريقة صحيحة و أحيانا أقول لا العيب مني،، و كلما أشوف البنات اللي من الأهل اللي تزوجي معاي و صار عندهم طفل أقول الحمدلله و ابتسم جدام الناس لكن من داخل قلبي يتقطع على حالي،،

جزاكم الله خير على كل دعم و حل طرحتوه لي،، إنتم فعلا نعم الصحبة و الناس،،
تم تعيل العنوان