السلام عليكم ورحمة الله وبركاته
اتمنى كل من يقرأ موضوعي يفيدني لو بكلمة بسيطة الله يجزاكم خير
أنا لي صديقة.. اعتبرها أخت لم تلدها امي.. مؤدبة خلوقة فيها خير ودين..
المهم انها من سنتين تقريبا تعرفت على بنات من الطبقة العالية جدا جدا جدا ومن بعدها وهي مرة متغيرة
ومتأثر فيهم صارت حياتها مظاهر بمظاهر اهتمامها كله عن السفر والماركات والأناقة...كلنا نحب تكون
أشكالنا حلوة ونلبس أرقى الملابس.. لكن ماهو بشكل ان المظاهر تطغى على تفكيرنا لحد التفاهة
في البداية تحملت وصرت اقولها يافلانة احس كلامنا كله عن الناس ولبسهم وسفرياتهم ما تستحين من
نفسك تبغين تصيرين مثلهم بالضبط لازم يكون عندك رأي وشخصية قالت الحمدالله ربي منعم علي ليه
مااوصل مثل ماوصلو فلانة وعلانة!! مع الوقت تأقلمت وتعودت على تفكيرها الجديد مع اني اتضايق أحيانا
شوي شوي.. صارت تقولي الاسبوع الجاي عيد ميلاد ولدي بسوي حفلة وانت اول المدعوين
قلت لها مايجوز .. قالت وانت كل شي عندك حرام؟ صديقاتي الكشخة ربي موفقهم وحياتهم كلها اعياد
نبي نفرح وننبسط خلاص لاتعتبرينه عيد اعتبريه يوم! مارحت لحفلتهم وطول الوقت تدق علي وتترجاني
وبصراحة مانصحتها ولاشي.. شفتها ماتتقبل خلاص سكت..
المرة الثانية.. رحنا انا وياها لسوق نسائي شفت عبايتها ذهللللللللللللللللللت ملونة ومطرزة
لاشعوريا قلت فلانة وش هالعباية؟ قالت مادريتي هذي الموضة والله ياشوبارد انت ظالمة نفسك كثير
اللي يشوف اناقتك ويشوف عبايتك يقول تناقض عجيب!!!!!!!!! قلت احنا وش هدفنا من لبس العباية ؟
قالت نتستر من الرجال.....قلت وعباتك هذي؟
ارتبكت قالت والله العظيم اني ماالبسها الا لهذ السوق او لصديقاتي يعني من السيارة للمكان
وانا جالسة معاها وربي مستحية احد يشوفني اني جالسة معها شكلها متبرجة مررررررررة
جلسنا شوي قلت لها فيه محل تحت فيه ملابس عجبتني قالت نروح انا وياك نشوفها قلت كيف تنزلين وفيه
رجال تحت وانت عباتك مرة ملونة وحالتها حال....قالت يووووه زهقتيني شفيك طالعة معقدة!! قالت بنزل
قلت مااقدر امشي معك قالت ليه ... قلت اخاف احد يعرفني وانا معك
قالت واذا عرفك شفيه شكلي؟
قلت والله شكلك مثل هالبنات الصايعات اخاف امشي معك ويلاحقنا احد
زعلت وقامت تبكي وتقول شفيك متغيرة علي.. لاتخرب على علاقتنا عباية!! وصارت تسحبني انزل معها
ونزلت واول مامشينا شفت نظرات رجال خفت مررررررة وطلعت فوق لحالي!!
وكبرت السالفة وجلسنا اسبوع مانكلم بعض.. في النهاية قالت ابشرك تركت هالعباية الله يخليك لي والله
محد ينصحني غيرك حتى زوجي طول الوقت يقول لما تروحين او تكلمين شوبارد احس بالأمان وفرحت
بهالخبر كثييييييييييييير..
وبالصدفة شفتها بمكان لابستها!!
شفتها مرة .. قلت لها فلانة حواجبك متغيرة وين مشقرة فيه هالمرة
قالت اخاف اقولك وتزعلين؟....قلت لا ماراح ازعل ....قالت نتفتها
ياااااااااااااااااااااااااااااااااااااااااااااالله !!
كل شي يهون عندي الا االنتف
النتف ملعونة مطرودة من رحمة الله.. والانسان مايدخل الجنة الا بعد رحمة الله سبحانه وتعالى
انا خايفة على صديقتي والله اني احبها واتمنى لها الخير
انا ماعرف انصح.. يمكن لأني علي بعض الملاحظات ويمكن أسلوبي شوي لما أتحمس حيانا اجرح بالكلام
الزبدة اني ماقدر اكلمها الحين مرة منقهرة من تصرفاتها ....البنت فيها خير ودين والله بس ملعوب براسها
واسلوبها لما ترد علي تقهرني تحسسني انها تافهه جدا وعقلها صغير
كل ماقلت لها شي قالت البنات الكشخة يسوون.. والله يهديني.. وان شاءالله بتغير
مع انها كبيرة ومتزوجة وعندها اطفال
ساعدوني الله يسعدكم