°¤ الباستا الإيطالي من مطبخ شمعة الجلاس + حلا تك (حياكم شوفو الصور ) ¤° - منتدى عالم الأسرة والمجتمع
logo

الملاحظات

مطبخ المرأة اطباق رئيسية،مقبلات،سلطات،معجنات،شوربات المشاركة للنساء فقط

موضوع مغلق
أدوات الموضوع
انواع عرض الموضوع
قديم 02-08-2007, 01:34 AM
  #1
شمعة الجلاس2005
كبار شخصيات المنتدى
 الصورة الرمزية شمعة الجلاس2005
تاريخ التسجيل: Aug 2005
المشاركات: 1,769
شمعة الجلاس2005 غير متصل  
°¤ الباستا الإيطالي من مطبخ شمعة الجلاس + حلا تك (حياكم شوفو الصور ) ¤°







من فترة طويلة وأنا أروح لمطعم معروف عندنا اسمه يم يم تري والطبق المفضل عندي هو الباستا بالدجاج والصلصة البيضاء وكان ودي أعرف الطريقة بالضبط مثل ما يعملونه وجربت وجربت كم مرة



وكل مرة أفشل ما يكون الطعم مثل اللي في خاطري ..



بس هاذي المرة قلت يا أنا يا يم يم تري

والحمد لله عملت الباستا وطلع الطعم أحلى من اللي كنت آخذه من هذا المطعم وبشهادة زوجي وأخواتي :14: ..

واللحين بعد ما قصيت عليكم قصة حياتي ..

نبدأ ( بسم الله الرحمن الرحيم )




*** الباســــــتــا الإيطـــــالـــي ***







ثلاث صدور دجاج مقطع شرائح طولية

2 بصل متوسط مفروم ناعم

2 كوسة مقطعة شرائح طولية
2 جزرة مقطعة شرائح طولية
2 فلفل بارد مقطعة شرائح طولية



كمية من البروكلي
وكوب زيتون أسود
1 كيس خلطة البشاميل
1 قيمر (قشطة )
جبن موزاريلا مبشور
جبن بارميزان مبشور
1 كريمة للخفق ويبنج كريم
3 ملاعق أكل زيت زيتون
كوب خل أبيض
1 مكعب ماجي
فلفل اسود + أوريجانو + توابل إيطالية

مكرونة فارفيللي – Farfale ( مثل الفيونكة )


+ المكرونة العادي أو بينه – Penne( الطولية )


أو اسباجيتي










ناخذ صدور الدجاج ونقطعه بهذا الشكل





وبعدين ناخذة وننقعه في كوب الخل ورشة فلفل أسود مطحون لمدة 1/2 ساعة تقريباً



وهذا شكله بعد الــ 1/2 ساعة



واللحين في قدر نحط البصل المفروم ونضيف عليه الثلاث ملاعق زيت الزيتون وبعد ما يصير لونه ذهبي فاتح والزيت يكون حاااار نضيف شرائح الدجاج بعد تصفيتها من الخل



ونقلب الدجاج لين يتبخر الماء تماماً





وبعد ما يبخر الماء نغطيه ونخليه يستوي على نار هادئة ..

وفي هاذي الأثناء نسلق المكرونة في الماء وشوية ملح وزيت



وبعدين نصفيها



واللحين جا دور البشاميل .. وهاذي صورة لمقاديره



وطريقته

نعمل البشاميل مثل ما هو مكتوب على الكيس










وبعد ما يجهز نضيف له القيمر




ونسكر عنه النار ونخلطه عدل وبعدين نضيف شوية أوريجانو





ونخلطه ونخليه على جنب





واللحين نرجع للدجاج ونلاحظ إن بين كل كم دقيقة نحرك الدجاج علشان يتحمر شوية من جميع الجهات

المهم لما ياخذ تقريباً 15 دقيقة سوى نضيف الخضروات ونبدأ بالجزر لأنه يحتاج لمدة سوى أطول

فنضيف الجزر ونخلطه مع الدجاج لين يذبل شوي لمدة دقيقة





وبعدين نضيف الفلفل البارد ونخلط




ومكعب الماجي




واللحين الكوسا





ونخلط الجميع مع بعض

وهذا شكل الخضرة لما انخلطت وشوفو الدجاج اشلون متحمر اممممم





وبعدين نضيف شوية أوريجانو وشوية توابل إيطالية وما نكثر لأن نكهتها قوية .. ونخلط





واللحين نضيف كريمة الخفق






ونخلط عدل




ونضيف الزيتون الأسود ونخلط


واللحين دور المكرونة المسلوقة ونخلط (( وترى لا تخلونها تنسق مدة طويلة خلوها شادة شوي ))




__________________

التعديل الأخير تم بواسطة مستكة_مستكة ; 02-08-2007 الساعة 11:11 AM
قديم 02-08-2007, 01:36 AM
  #2
شمعة الجلاس2005
كبار شخصيات المنتدى
 الصورة الرمزية شمعة الجلاس2005
تاريخ التسجيل: Aug 2005
المشاركات: 1,769
شمعة الجلاس2005 غير متصل  
واللحين دور الباشميل ونضيف بالشوي ونخلط










وآخر شيء نضيف الجبن ونخلط وعلى طول نسكر النار ونسكب في الطبق








ملاحظة :

البعض يحب الصلصة البيضاء مخلوطة مع صلصة حمراء

ومقاديرها :

3 حبات طماطم صغيرة
ملعقة صغيرة معجون طماطم
فنجانين قهوة ماء
قطعة واحده ماجي
شوية فلفل اسود + شوية سنوت (كمون)
فلفل حار أخضر او احمر ( اختياري )


وطريقتها:

تخلط الطماطم مع مقاديرها في الخلاط الكهربائي و توضع في الطنجرة و تترك على نار هادئه ووقت وضع الصلصلة نخلط الصلصتين ( البيضاء والحمراء ) حسب الذوق مع بعض فوق الباستا اللي عملناها ..

ولكن لأني أنا وزوجي ما نحب إلا الصلصة البيضاء فما عندي إلا صورها فقط

وهذا شكل الباستا بعد التقديم














وشوفو شلووووووون الجبن وانتو تاكلونها اممممممممممممممممم





[blink]
*** وعليكــــــم بالعــــــــــافية ***
[/blink]



وننتقل للحلا على طووووول




*** حـــــــلا تـــك ***





~~~ المقادير ~~~



مثل ما هو واضح في الصورة


2 بسكويت تك
1 حليب محلى
4 ملاعق أكل زبدة



~~~ الطريقــــة ~~~

نفتت البسكويت بهذا الشكل




وبعدين ناخذ الزبدة




ونسيحها شوي ونضيفها على البسكويت




ونضيف عليهم الحليب المركز





ونخلط جميع المقادير




وبعدين نحطهم في صينية بايركس ونسوي السطح




وندخل الحلا في فرن متوسط الحرارة من 10 - 15 دقيقة ولما يستوي نحمر الوجه




ونخليه يبرد شوية وبعدين نقطعه بهذا الشكل




ونصفه في طبق التقديم










[blink]
*** وعليكــــــم بالعــــــــــافية ***
[/blink]



من عمايل يد أختكم
شمعة الجلاس2005
__________________

التعديل الأخير تم بواسطة مستكة_مستكة ; 02-08-2007 الساعة 11:08 AM السبب: اعاده تحميل الصور
قديم 02-08-2007, 01:41 AM
  #3
ملاك الغربة
كبار شخصيات المنتدى
تاريخ التسجيل: Apr 2006
المشاركات: 5,029
ملاك الغربة غير متصل  
وعليكم السلام ورحمة الله وبركاته

ماشاء الله تبارك الله ..

من جد ابداع ..

يعطيك العافية ...
__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..




قديم 02-08-2007, 01:50 AM
  #4
!!حنيين!!
كبار شخصيات المنتدى
 الصورة الرمزية !!حنيين!!
تاريخ التسجيل: Mar 2007
المشاركات: 4,079
!!حنيين!! غير متصل  

ماشاء الله
يمممممممممممممممممممممممممممم
والله ابداع تسلمي يالغالية
قديم 02-08-2007, 02:48 AM
  #5
اعالي الجنان
عضو دائم
تاريخ التسجيل: Jul 2007
المشاركات: 69
اعالي الجنان غير متصل  
روعه الباستا تجنن ودي اطبعها بس الطابعه بالجهاز الثاني
تسلم يد اللي طبخت
قديم 02-08-2007, 03:47 AM
  #6
مها الكويت
قلب المنتدى النابض
تاريخ التسجيل: Feb 2004
المشاركات: 3,437
مها الكويت غير متصل  
بما اني كسوله فعندي اجي البحرين اربع ساعات طريق وجوازات وشنط



واروح مجمع السيف واكل الباستا من يم يم تري



ولا احوس كل هالحوسه واتعب ههههههههههههههههه



عن جد ابداع مابعده ابداع بس اعترف كسوله



سلمت الايادي
__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء
قديم 02-08-2007, 03:50 AM
  #7
اسبريسو
كبار شخصيات المنتدى
 الصورة الرمزية اسبريسو
تاريخ التسجيل: Nov 2005
المشاركات: 7,194
اسبريسو غير متصل  
يم
يم
يم
يم
يم
يم
يم
يم

يا خطيرررررررررررررررررره
لازم ان شاء الل نسويها ونذووووقها


تسلم ايديينك ياعسل

كل طبق احلى من الثاني
__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي
قديم 02-08-2007, 03:51 AM
  #8
أم وداد
عضو نشيط جدا
 الصورة الرمزية أم وداد
تاريخ التسجيل: Aug 2006
المشاركات: 1,771
أم وداد غير متصل  
ماشاء الله تبارك الله ...

اتجنن
__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...
قديم 02-08-2007, 03:57 AM
  #9
شمعة الجلاس2005
كبار شخصيات المنتدى
 الصورة الرمزية شمعة الجلاس2005
تاريخ التسجيل: Aug 2005
المشاركات: 1,769
شمعة الجلاس2005 غير متصل  
اقتباس:
المشاركة الأصلية كتبت بواسطة ملاك الغربة
وعليكم السلام ورحمة الله وبركاته

ماشاء الله تبارك الله ..

من جد ابداع ..

يعطيك العافية ...


الله يعافيكِ ياملاك ..

وتسلمين لي حبيبتي وكل الإبداع في تواصلكم ودعمكم ..

حياك الله يالغالية شرفتيني بمرورك
__________________
قديم 02-08-2007, 04:00 AM
  #10
شمعة الجلاس2005
كبار شخصيات المنتدى
 الصورة الرمزية شمعة الجلاس2005
تاريخ التسجيل: Aug 2005
المشاركات: 1,769
شمعة الجلاس2005 غير متصل  
اقتباس:
المشاركة الأصلية كتبت بواسطة حنيين1

ماشاء الله
يمممممممممممممممممممممممممممم
والله ابداع تسلمي يالغالية


الله يسلمك حبوبة حنيين1 ..

ومشكوووورة على رقة كلامك ..


تشرفت بمرورك
__________________
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:26 AM.


images