السلام انا عندي مشكلة كبيييييييييييييييييييييييييييييرة

عمي بيتزوج على خالتي بعد كل هالسنين بدون ادنى سبب ومو مقصرة معاه في شي ابد وجايبة له

الصبيان والبنات ومريحتنه ولاتطول لسانها عليه يعني ماشاء الله عليها مسويه اللي يبيه واكثر

تخيلوا خطب وهي ماتدري وسمعته وهو يكلمهم ويقولهم انا اسماء اخواني كذا وكذا عشان لما يسألو عنه

بس هي سكتت عشان اولادها واختبارات وماتكلمت الا لما خلصوا نتايجهم يعني من شهر ذي الحجة قبل

العيد حتى لما قالها قامت تصيح بس ماسوت معاه مشاكل

والله لو تشوفوها تكسر الخاطر ضعفانة ومهمومة وعيونها سوده من السهر

هو يسافر لحاله لعباده وهناك يتعرف على ناس قاموا قالوله ليش ماتجيب معك زوجتك قالهم ماتقدر عشان

العيال قالوله تزوج وجيب معك زوجتك الثانية ورسخت في باله الفكرة وخطب وعقد ويمكن بيتزوج في ربيع

خالتي مو عارفة شنو تسوي لانها طيبة ولاتقولوا خلها تروح بيت ابوها لانها كبيرة وعاقلة وعندها بنت متزوجة

وانا تعبانة كثير من اللي صار احس عمي طاح من عيني تخيلوا لما قالولي قعدت اقولهم مستحيل تمزحوا

هذا آخر انسان اتوقع منه يسوي هالشي وضليت اصيح وماعندي ثقة بالرجال احس مهما عطيتيهم ومهما

حافظتي عليهم يغدروا بك احسهم كلهم مثل بعض لان ابوي تزوج على امي يوم كنت بالابتدائي وتاثرنا كثير

وضل وياها شهر عاقدين بس يعني مادخل عليها وبعدين تركها بس بعد ماتعبنه وصارت مشاكل وغيره

وصارت الناس تعرف عنه وغير لما شفنا عنده في جواله رقم جارتنا اللي امي معاها علاقتهم حلوة

وصارت مشاكل وبعدين انتقلنا من بيتنا وابتعدنا عنهم بس صارت امي علاقتها بذيك الجارة مو مثل الاول

وانتهت الحين انا خايفة اذا شاف عمي تزوج مايصدق على الله ويتزوج هو بعد

عمي هو ابو خطيبي وخالتي زوجته وهي اخت امي

خطيبي مسافر وبيرجع بعد اسبوع وخايفة عليه كيف بينصدم في ابوه

اما من جهتي اثنينهم طاحوا من عيني ابوي وعمي وماودي اروح بيتهم واشوفه

ساعدوني يناس والله تعبانة ومهمومة