اخواني وخواتي

في اعتقادكم ما هى الاسباب اللي تمنع الزوجه من المبادره ؟

أكيد الحياء سبب رئيسي

والسبب الثاني ان الزوجه ماتشتاق لزوجها... وطبعا هذا اما يكون برود من الزوجه او شي ثاني

عاد انا ابي اعرف ايش الشي الثاني ؟

انا بصراحه بيني وبين زوجي مشكله كبيره واخاف من المصارحه ...لكن انا بصارحكم انتوا وباخذ برايكم وان شاء الله اتفيدوني

اخواني اتمنى تفهموني ...
انا لي ست سنوات متزوجه وبأول السنوات كنت اشتاق لكن كنت استحي من المبادره كان في البدايه جهل مني وبعدين كنت استحي من ردة فعل زوجي وكانت اتمر ايام واشهر اشتاق فيها لزوجي واااايد واايد لمجرد انه يطلع اشتاق له وتفكيره كان دايما معاه وكنت ارسل له المسجات عشان اعبر عن حبي له

بالسنتين اللي فاتوا زوجي وايد كان يعاتبني لاني ماابادر والحين مايمر اسبوع من غير عتاب ... لكن انا الحين الصراحه اقول لكم اني ما اشتاق له واحس اني مااحبه مع اني صدقوني متأكده اني احبه ... صدقوني اكتب لكم والعبره خانقتني لاني صج تعبانه ومتضايقه وخايفه هاليومين من كثرة عتاب زوجي

ياجماعه بالسنتين اللي فاتوا زادت الخلافات بيني وبين زوجي لدرجة ان ما يمر يومين الا واحنا متهاوشين ... انا لاني حساسه ازعل واتضايق غصب عني لكن هو ناااادر جدا مايزعل ... واذا زعل يزعل لاني حساسه وامكبره الموضوع ويقول لي انا ماكنت اقصد او اني حساسه

خلافاتنا هذا على اشياء بسيطه وعاديه وانا اعترف لكم بهالشي بس خلافاتنا كثيره ... خاطري اتكلم معاه واتناقش في موضوع وواحد فينا يقنع الثاني ... دايما بنهاية النقاش واحد منا يسكت وخلاص مو لانه مقتنع لكن لانه مل

دايما مانتفق على راي ...

انا حاسه ان حياتنا الحين صارت ممله وروتينيه ... ليش ماادري يمكن عشان الاسباب اللي قلتها لكم ... احيانا افكر واقول ان اسبابي مش مقنعه وهي مب من اسباب عدم اشتياقي له او احساسي بحبي له

صرت امسك التليفون واستخسر ابعث له مسج غرام...

احيانا اقول هو السبب في اللي صار بينا او بالاحرى فيني ... وفيه اسباب ثانيه انا ذكرتها في مواضيعي في المنتدى سابقا واذا قريتوا موضوعين او ثلاث من المواضيع والمشاكل اللي اتصير بيننا وطرحتها بتعرفون ان فيه سببين رئيسيين لحالتي هذي

الاول : المصروف

والثاني : الهدايا

يا جماعه انا احيانا اقول ان الاسباب اللي عندي مش مقنعه وفكرت اني اصارحه لكن خايفه لان في اعتقادي ان بتكون صدمه له مع اني واثقه انه متفهم

ياجماعه ساعدوني وانصحوني ... هل اسبابي مقنعه ؟ هل اصارحه ..؟؟

انا بانتظار ردودكم باسرع وقت .... ارجوكم لا تبخلون عي ابنصايحكم ؟؟؟ واذا فيه اسباب ثانيه انا جاهله بها قولوا لي عنها



وتحياتي




الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى

وحتى يفهم مشكلتك كل اعضاء المنتدى ..

http://www.66n.com/forums/announcement.php?f=3