السلام عليكم ورحمة الله

اخواني عندي مشكلة ذابحتني من فترة طويلة
انا الابن الكبر عمري 24 وعلى وشك اتخرج السنة ان شاء الله
مشكلتي باختصار اني خدوووم لاهلي اودي واجيب من فترة ابوي حملني مسؤولية البيت واخواني وامي
وصار الاعتماد علي في كل صغيرة وكبيرة طبعا هذا الشي يسعدني والساعة المباركة الي اخدم فيها امي وحقيقة اني ما اتذمر من هالشي ابد
لكن احيانا افقد اعصابي بسبب مواقف ترفع الضغط وازفهم كلهم
مثلا اكون طالع مع واحد من اصدقائي يتصلون علي عندنا مشوار ضروري او عندهم ضيوف :: طيب ليه ما تقولون لي من بدري
ومرة كنا مسافرين واكدت على الوالدة انها تجيب معها الجوازات ( لانه حتى جوازي مقفلة عليه )
ويوم وصلنا المطار في اخر البلد تقول نسيت جوازك خلاص انفجرت من العصبية وقلت كلام ندمت عليه
بس ما اقدر امسك نفسي قهررر
يعني أسوي خير واخدم امي واخواني واهدم كل شي بلساني:
حتى الوالدة تقول انا عرفك زين وما تقصد لكن بكرة بنت الناس ماراح تتحملك اذا ماغيرت طبعك


طيب وش الحل كيف امسك لساني وقت الغضب ؟

اخي الفاضل..هل تلك العصبيه التي تعاني منها موجوده في والدك اوالدتك او احد اعمامك او احد خوالك وبمعنى اخر هل هذه الصفه التي تعاني منها متوارثه في الاسره ..لان العلاج يختلف يأعتبار السبب ..

اللهم خفف من عصبيته ..

__________________

الله يعينك عليهم بس حاول تقسم المسؤليات

واعط كل ذي حق حقه

انا افضل انك ما تخلي الاعتماد عليك في كل شي يعني لو عند اخت خلها مسؤله عن اغراض البيت تكتبها لك وتجيبها او واحد من اخوانك

او وومثلا الوالده هي مسؤله عن كل شي في البيت من اولاد ووين راحوا والبنات مين قام ومين قعد وانتي عليك مثلا الثواب والعقاب

ولا تنسى الثواب وحاول تشيل همك بصدرك ولا تقول الا ما يرضي ربك وبالتالي يرضي امك
الله ييسر لك بس انتبه انتبه انتبه انبته اك تعاقب بدون ما تتاكد من صحة الخطاء وتتاكد من ان العقاب يسكفي للخطاء او انت مزودها


وانا من تجربتي مع واحد من اخواني كنت اكرهه واتمنى العمى ولا اشوفه لانه كان مصدر عقابي في البيت حتى لو كنت مظلومه...

عليكم السلام ورحمة الله وبركاته

بما إنك متضايق من نفسك وماأعجبك حالك فهذا بداية العلاج لعصبيتك

أولاً : العصبية طبيعية وخاصة في وقتنا الحالي من ضغوطات الحياة وأغلب المواقف

التي ذكرتها طبيعية عصبيتك فيها ، لكن الخطأ هو أن يفلت لسانك على والدتــــك

لأني أعرف الإحساس الذي يتنابك بعد أن تهدأ تنفسك وتنـــــدم

تحدث مع نفسك في وقت الهدوء بأنك عندما تشعر بأن هناك مايدعو للعصبية أن تسيطر على

أعصابك مثلاً أن تصمت في البداية وتضغط على نفسك وتغير مكانك أو وضعك إن كنت واقفاً

تجلس أو تخرج من المكان بهدوء العملية عملية نفسية ياأخي

تعلّم كيف تمسك أعصابك ولا تثور لأي سبب هذا بالإضافة إلا أنك تتدارك أمرك عندما تُكبر في نفسك

حق والدتك عليك وأن عصبيتك عليها قد يكون من عقوقك لها ونتيجة العقوق ستتضح في حياتك

كن ذو إرادة قوية وأبدأ بنفسك من الآن وحاول مره وأخرى ولا تيأس إن أخطأت

وفقك الله .

شكرا اختي على نصيحتك .. لكن المشكلة اني انسى نفسي وقتها مثلا مرة كنت عند زملائي في الاستراحة توي واصل الا تدق علي الوالدة تبيني اوصلها ورجعت البيت المشوار يمكن ساعة الا ربع من مكاني للبيت ولمن وصلت تقول لي خلاص ام فلان بتسير علي مع سواقها لا تسئليني وش كان موقفي لكن بعد مدة فكرت اني الحين مسوي خير ومتعني لها ليش اضيع اجري ..
لكن مثل ما قلت لك انا انسى نفسي لحظتها

والله كانك تتكلم عني .... أنا مثلك بالزبط ...


يعني مرة , تو لابس تبديلة الكرة , عندي مبارة , وقبل المبارة قلت لاهلي تبون شي قبل المبارة


قالو لا ..

تو بنزل من السيارة , الا دقت قالت تعال


تخيل مبارة , وامك تريدك ..!!


من جد عصبت حدي ... بس الحمد لله حليت المشكلة


أعانك الله

انا زوجى مثلك تماما ولا مره يهنينى على حاجه حلوه عملها لى رغم انه يكون مكلف نفسه عناء ويضيعه بزعيقه وعصبيته
يعنى مثلا من كام يوم راح يحضر اكل من مطعم وانا فرحانه عشان هستريح من الطبخ ومنتظراه يرجع
الا ورجع بوابل من التانيب عشان لقى الاكل مش جاهز فى المطعم وفيه حجات ناقصه عن الى طلبناها وانا ايش ذنبى لا اعرف
ارجوك غير من نفسك لان زوجتك لن تتحملك مثل امك متتحملك والله يهدى جميع الازواج

__________________

اوصيك بوصية الرسول عليه الصلاة السلام للأعرابي حينما طلب منه أن يوصيه فقال له (لاتغضب) وكررها ثلاث مرات