هذا ملف [blink]نقلته[/blink] لكم وبالصور لأنواع الكبة
وخصوصاً إن الكثير من الأخوات في الفترة الأخيرة شفت إنهم يسألون عن أنواع الكبات
تفضلوا على طـــــول


أول شي تجهيز عجينة الكبه:


تخلط المقادير وتفرم وتعجن مره اخرى باليد وتتبل بالبهارات والملح


طريقة الحشو :

طريقة الحشو في جميع الكبب تقريبا متشابهه ... بس لكي فيها بعض الخيارات ... اما انك تحطي بالحشو الزبيب او تحطي صنوبر او بدونهم انتي وذوقك يعني


ونشوف الطريقه :

نص كيلو لحم مفروم ... 2بصل مفروم ... 2 فص ثوم مفروم ...بعض الخضراوات مثل الكزبره أو الاشبنت .. وملح وبهارات مشكله وكركم ... إضافة الكشمش أو إضافة الصنوبر ... وطبعا الفلفل الأسود

نحط اللحم على النار ونحرك فيه لما يطلع مائه ... بعدها نضيف البصل والثوم وقليل من الزيت ونحرك فيه لما يذبل البصل اشوي ...وبعدها نضيف الخضره والبهارات والكركم والفلفل الاسود والملح ولما يختلط باللحم جيدا ... واخر شي نضيف الصنوبر او الزبيب ونحرك فيه اشوي ونطفي
عنه النار ..



وعند التكبيب او التشكيل :

نضع بجانبنا ماء مثلج ... ونبلل اليد ونشكل فيها شكل الكبب

عند القلي :

الزيت يكون غزير وساخن ... وعند وضع الكبه نوطي على النار وخاصتا لو كانت مثلجه ... حتى تستوي على مهلها من الداخل وماتكون الحشوة بارده ... ونضع اربع حبات فقط حتى ما يبرد الزيت ... واتففت الكبب بعدها ... وتقلى حتى تتحمر من كل الجوانب ... وتوضع على ورق نشاف وبعدها تقدم

هذى تقريبا أهم الخطوات بالكبه ونتـــــــــــــــــابع باقي الكبب




¨°o.O (كـــبة البرغــــــل ) O.o°

2 كاس برغل ينقع في الماء لمدة نص ساعه ويصفى جيدا بعدها

1 كاس رز بسمتي عادي يسلق في الماء نص استوااااء

ربع كيلو لحم مفروم

وبصله وحده مقطعه لارباع

وبهارات مشكله وفلفل اسود واشوي كركم والملح

الطريقه :

نفرم البرغل بالفرامه ... وبعدها نخلطه مع باقي المقادير .... ثم نفرمه بالفرامه مره اخرى ... وبعدها اخلطي المقادير جبدا في ايدينك حتى تتجانس مع بعضها .. وهنا راح تلاحظي سهولة تشكيل العجينه

وبعدها نقسم العجينه إلى كور صغيره وتفرغ وتحشى ثم تشكل مع بل اليد بالماء المثلج



















¨°o.O (كـــبة الجـــريش) O.o°

1كوب رز
كوب جريش
1 بطاطه متوسطه
نص م ص كركم
م ص ثوم مفروم
ملخ

نضع الرز والجريش والبطاط في ماء مع الملح والكركم ونطبخهم نص استوااااء ... ثم نفرهم بالمفرمه وتشكل بعدها يهذا الشكل







الكبه هذى حلاتها تصير حاره... يعني فيها فلفل ... وهذى طبعا حشوتها تكون بالزبيب


وهذى صورة حب الجريش





وعلى فكره يا بنات في ناس تحط بدل الرز برغل وتطلع بعد اطيب من الرز هالمره راح اسويها بالبرغل والجريش


ونتابع




¨°o.O (كـــبة البطاط) O.o°

بطاطتين كبيره سلقتهم بالماء لا تخلينها تصير لينه وايده

وحطيت كوب واحد رز (الكوب= كاس الجبن) وسلقته لمدة خمس دقايق بس

وبعدها حطيت البطاط والرز في صحن لما يبردون وطبعا صفيتهم من الماء قبلها

وفرمتهم بالفرامه مره وحده بدرجة الوسط

وحطيت الملح واشوي كركم عشان تاخذ لون بس وبديت اشكلها

وما شاء الله كانت العجينه مضبوطه

وكانت تحتاج القليل من الماء المثلج بس عشان اشكل فيها

وبعدها قليتها بزيت غزير واخليه اشوي وبعدين اقلبها عشان لا تتفتت وكانت مقرمشه ولذيذه

ونتابع الصور













¨°o.O (كـــبة الرز بالشبت) O.o°

ومقاديرها سهله وبسيطه

2 كاس رز

2 بطاطه متوسطه

كركم وملح

وشبت

كل هذى المقادير تفرم مع بعض

وتكبب بغمس اليد بالماء المثلج



هذى المقادير



وهذى العجينه



وهذا تشكيلها ... وتشكل على حسب الرغبه مو شرط اقراص





وهذى بعد القلي ..

ونتابع




¨°o.O ( كـــبة البطاط بحشوة الدجاج ) O.o°











طبعا نفس مقادير كبة البطاط السابقه بس هذى بحشوة الدجاج

والدجاج يكون مسلقو وبعدها يقطع قطع سغيره ويحمس مثل حشوة اللحم ... بس هذى ما نضيف لها زبيب او صنوبر



ونتابع




¨°o.O ( كـــبة الرز والعدس ... اطلعت روعه) O.o°



مقاديرها


2 كاس عدس اصفر

1 كاس رز


الطريقه :

نغسل الرز والعدس نظيف وبعدها نخليه منقول بالماء


نطبخ الرز والعدس ونضيف الملح حتى يستوي نصف استواء


نصفي العدس والرز بالمصفاة لما ينزل كل الماء ويبرد


نفرم الخليط بمفرمة اللحم


وراح تتكون عندي عجينه قابله للتشكيل



والحشوه معروفه طريقتها للجميع


وممكن نحط صنوبر بدل الزبيب



اهني كببتها بهذا الشكل الاسطواني




اهني بعد ما قليتها





وكانت لذيذه ومقرمشه


بس يبيلها وقت على ما تتحمر بالزيت


وطبعا الزيت لازم يكون ساخن وغزير يغطي الكبه كلها


ونتابع