زوجي مقصر في حقي الشرعي
السلام عليكم ورحمة الله وبركاته
اخواتي واخواني اعضاء وعضوات المنتدى
ارجو منكم حل مشكلتي
مشكلتي كتبتها في المنتدى من قبل وارد اكتبها مره ثانيه لاني لي حد الحين وانه اعاني منها
زوجي الحمدالله مو مقصر علي ماديا لا في صرفي الشخصي ولا مصرف البيت
مشكلتي معاه ان مقصر في اعطائي حقوقي الشرعيه...
يعني يطلبني في الشهر مره وهذي شي نااااااادر ان يطلبني...وبعض الاحيان تمر علينه 3 شهور ما يصير بينه شي...مرات اطلبه يردني..مره رحت طلبته قالي انه مو مستعد الحين وانه تعبان يعني طلع لي كم عذر والله اقتهرت عليه وقمت عنه صرت ما احب اطلبه لان دايما يفشلني...تكلمت معاه قلت له انت شفيك عندك مشكله يقولي اذا انه بارد شاسوي..يعني مو جواب الصراحه...اتعدل له واتكشخ له ما اشوف منه حتى نظره اعجاب ولا ردة فعل ولا كلمه حلوه يعني عادي يخليني ويطلع اقوله الحين انه متعدله لك تخليني وتطلع عيل حق من متعدله يقولي انشالله تبيني اقابلك 24 ساعه....اروح له اقرب منه كلش ما يتجاوب معاي احسه يبي يشرد عني بس..والله تعبت.. الحين منعت نفسي عنه انتظره يبادرني لي حد الحين ما اقترب مني..هو يعرفني ان احب ااقرب منه يعني ما حس بتغيير مني في تصرفاتي انه متعمده اسوي جذي عشان ابي اشوفه هل بيحس بهالشي او لا للاسف ما جوف منه اي شي...انه استخاريت ربي اذا اواصل معاه حياتي او لا وبارد استخير ربي مره ثانيه.. هذي واحنه تونه في بداية حياتنه ..صار لنه سنتين من تزوجنه عقب 5 سنين شلون بيكون حالنه.. الله ما رزقنا بعيال والحين نعالج وبعض الاوقات افكر ان يمكن في صالحنا ان ماعندنا عيال...صرت وايد افكر في الطلاق.....اتمنى احصل منكم الحل ولكم جزيل الشكر
تم تعديل العنوان
والخط
الاشراف
__________________
استغر الله الذي لا اله الا هو الحي القيوم واتوب اليه
التعديل الأخير تم بواسطة فيافي نجد ; 05-04-2008 الساعة 03:14 PM
05-04-2008, 04:52 AM
ضوابط المشاركة
العرض الشجري