السلام عليكم

انا غير متزوج وغير خاطب حاليا


لكن شبه معروف عندنا في العائلة ان فلانه لفلان.... وفلان لفلانه


ولا انكر اني سعيد بهذا الامر... كما استشفيت انها هي سعيدة ايضا به

هي قريبتي وانا اعرفها جيدا .... وكل شي تمام لكن عندي شيئين متخوف منهم


اولا انا ادرس حاليا وناوي اكمل الماجستير والدكتوراه وعندي حب كبييييييييييير للمعرفة والقراءة

لكن هي يا دوب خلصت الابتدائية ... وما اظن انه عندها ثقافة كافية

خايف من هذا الشي انه يسبب تباعد بطريقة التفكير

ومفكر انه بعد الزواج ممكن اخليها تدرس بشكل خاص


لاني احب ان تكون زوجتي مثقفة

كما احب ان تكون عندها هوايات بالرسم او الشعر او الخط او التصوير ...حتى تشاركني بها واشاركها


الامر الثاني


انا عارف اني مهووس بكل معنى الكلمة بالاتيكيت والترتيب

اكره جدا واتنرفز كثييييييييييييييير اذا شفت شي ماهو في مكانه

اذا شفت شي غير مرتب او غير نظيف

ومثل ما لاحظت انهم كعائلة ما عندهم اهتمام بهذي الامور

يعني ما اتوقع انها تهتم بهذي الاشياء

يعني ممكن تكون متعودة على الفوضى والاهمال وانا ما اقدر اتأقلم مع هذا الوضع ابدأ


فــ اش رايكم ؟؟

السلام عليكم ورحمة الله وبركاته

بصراحه معك حق في كل ما قلته ففارق العلم والطموح واضح بينكم وأخشى من عواقبه حتى أنني قرأت من فترة صغيرة في المنتدى قصه أحداثها قريبه من قصتك وفعلاً الزوج يشكو من الفارق بينه وبين زوجته أخي فكر ملياً قبل أن تقدم على الارتباط واحسبها زين في راسك إن كان لديك طولة بال وصبر وقدرة على التعليم فأقدم على الارتباط بها إن رأيت منها جوانب أخرى تجذبك وتشجعك على الإقدام على الزواج بها وإن كان تفكيرك في الارتباط مجرد أن فلان لفلانه فأنا أقول إضرب بهذا الكلام عرض الحائط واتبع عقلك

والله يوفقك لما فيه الخير والصلاح تحيااااااااااااااااااااااااااااااتي

__________________

شكرا اخت دلع على مشاركتك

بصراحة االصفات الي فيها كاملة والكمال لله فقط النواحي الي انا ذكرتها متخوف منها


انا بصراحة مفكر ان لو كانت ظنوني صحيحة ممكن ادخلها معاهد للتدريب على ترتيب البيت والاهتمام بأمور الزوجية

وما اخفيك اني ما اقدر اضرب بكلام الاهل عرض الحائط بعد سنوات


انا بصراحة احلم ان تكون زوجتي مثقفة وتشاركني اهتماماتي

لكن عندي الامل لو ما كانت كذا فانا عندي القدرة اني اغيرها

مو يقولو الحب يسوي كل شي

ما ادري انا على حق ولا لا

معك حق فى مخاوفك



عليك بصلاة الاستخارة قبل أى شىء



وفقك الله

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

اهلا اخت ام عبد الله

والله ما ادري انتم زدتوا مخاوفي


طيب هل من الممكن اني اغير طباعاها ... ولا لا؟؟

اخي آخر الفرسان 1..

راح اعطيك رايي بخصوص موضوعك وهذي وجهة نظر فقط ..

اولا : موضوع المستوى التعليمي والثقافي بينك وبينها بصراحه انا اشوفه كبير جدا يعني هي تعليمها ابتدائي
مثل ما ذكرت .. وانت ما شاءالله عليك واضح انك شخص طموح جدا .. يعني راح يكون بينكم فجوه كبيره في طريقة التفكير وحتى في المواضيع اللي راح تتكلمون فيها هي لها اهتمامات وانت لك اهتمامات بعيييييده كل البعد عن بعض ..
وشي حلو منك انك تبغى تساعدها عشان تكمل تعليمها .. بس يا ترى هي راح يكون عندها نفس الحماس وراح تساعدك او هي راضيه بوضعها كذا .. لازم تعرف اول ..

ثانيا : موضوع الاهتمام في البيت والاتيكيت .. اتوقع انه مو صعبه انها تتغير لان اي بنت تتمنى يكون بيتها اجمل واحلى بيت خصوصا اذا عرفت انك تحب الشي هذا .. يعني راح تحاول ترضيك وتسعدك اذا كانت تحبك ..
انا اعرف وحده نفس وضع خطيبتك الحين كانت عايشه في الديره وما تعرف عن الاتيكيت شي وزوجها العكس منها عايش في المدينه والولد ما شاءالله فاهم مرررررره وتزوجها .. وبعد الزواج والله مااقول الا اللي صار .. صارت احسن من خواته في اللبس والاهتمام ببيتها ونفسها .. كل هذا لانها تحب زوجها وتبغى تتغير عشانه ..

وفي الاخير والاهم اوصيك بالاستخااااااااااره قبل كل شي ..
والله يكتب لك اللي فيه الخير ..

احلى من العقد ... ....................

ريحني نص ردك ونصه الاخر ما ريحني ^_^

المهم انا اذا الله وفق ناوي ارتبط بالنت لان حسناته تشفع لها عندي

وانا ما اتصور نفسي ارتبط ببنت غيرها

لاني من الاول حاط عيني عليها ^_^

حتى اني كنت خايف يحصل شي وترتبط مع شخص .... كان اتخيل اني اضيع لو حصل هذا الشي

المهم بالنسبة للتعليم اعتقد اني اقدر ازيد ثقافتها مع الوقت وخليها تهتم بنفس اهتماماتي من رسم وشعر وغيره

لاني احب البنت تكون عندها هذي الاشياء .... احسها تعطي انوثه اكثر

اما بالنسبة للترتيب والله جوابك ريحني لانه مثل وضعي بالضبط

وكلي أمل انها تصير اكثر وحدة في العالم اناقة وترتيب ... مثلي

ما ادري فيه معاهد للتدريب على الاتيكيت والطبخ ... تعرفي هذي الاشياء...الي تخلي الرجال يحب زوجته اكثر

اموت بهالاشياء .... التفاصيل الصغيرة في البيت.... الحلويات والمشروبات الساخنة ...الخ

وعسى الله يكتب الي فيه الخير

أخي الكريم يرجى مراعاة حدود التخاطب بين الجنسين
المشرف / شاطئ المحبة

هلا اخوي

باااين عليك انك حاط البنت في بالك بقوه .. وهذا واضح من حماسك انك تساعدها ولانك متقبلها بكل صفاتها
( الله يهنيها فيك )

بس اخوي حابه الفت انتباهك لنقطه :
انا ملاحظه انك ماشاءالله عليك تحب الرسم والشعر وعندك هذي ((الهوايات ))>>>> لاحظ قلت هوايات يعني الشخص ينولد ويكبر وهي معه ما يتعلمها ولا تنفرض عليه يعني اذا انت عندك هذي الهوايات مو ضروري تكون عند غيرك .. يعني لا تحاول تفرض عليها الأشياء اللي انت تحبها بس عشان تصير مثلك ومثل ما تبغى .. لا هذا غلط ..ويمكن تكون النتيجه مو حلوه بعدين ..
يعني حاول بعدين اذا الله جمع بينكم انك تكتشف وش تحب هي بعد وتسويه لها عشان ما تحس بعدين بإنك من البدايه مو عاجبك طبعها وانك تحاول تغيرها .. يمكن تعتبرها فرض رأي او تحكم منك ..

واذا على امور البيت والترتيب فيبغالك تطول بااالك عليها دامك تحبها وتساعدها .. يعني تجيب لها كتب طبخ خلها تدخل منتديات راح تستفيد كثير صدقني ..

والله يوفقك اخوي

اخي الفاضل الرجاء فتح رساله باسمي في عالم الرسائل الخاصه...

__________________

شكرا لك احلى من العقد

والله يوفقك يا رب

عاد تصدقين رغم كل الي في بالي
عمرها ما شافت مني نظرة توحي لها بهذا الشي يعني كاتمه كله



وضحتي لي اشياء مهمة

طبعا هوايات لكن ممكن الانسان يشاركها ... ما اعتقد انه في احد لما يشوف رسم حلو او يسمع بيت شعر حلو او صورة طبيعة حلوة

ما يحس بالجمال صح؟

انا ما ابها تصير بيكاسو ... بس ابيها تشاركني عرفتي

ان شاء الله يصير الي قلتي عليه

وما اخبي عليك اني حاط قلبي على يدي انه ما تصير هذي الاشياء

اخاف تكون فوضوية .... ولا عندها اي اهتمامات .. او هوايات

والله اني اتحطم

ان شاء الله الله يكتب الي فيه الخير

شكرا لتواجدك الكريم
..........................
هدوء المشاعر

ما لقيت شي بقسم الرسائل