أكره زوجي وأفكر بالانفصال
السلام عليكم ورحمة الله وبركاته
اخواني واخواتي اعضاء منتدى الاسرة والمجتمع
من فترة ليست قصيره ادخل هذا المنتدى واقراء مشاكل الاعضااء وجميع المشاكل او اغلبها اجد لها حل
ففكرت كثيراً حتى اكتب مشكلتي فقررت عندما يئست من كل شي ان اسجل واشارككم واستفيد منكم وافيدكم باذن الله
انامتزوجه من تسع سنوات زواج تقليدي كنت جالسه مع ابوي وقالي ترى زواجك بالصيف على ولد عمتك انصدمت وبكيت رفضت لكن انجبرت وتزوجت ومن ثاني يوم زواج وزوجي ينام بالمجلس يحب يسهر عند التلفزيون ويتركني لوحدي والله ثم والله العظيم بحياتي ماجلست انا وياه بمطعم او بمقهى بحياتي ماحسيت انه زوجي مشكلته يحتقر المراءه بشكل جنوني وكل يوم يزعل مني على اسباب تافهه بداية حياتي حاولت احتويه وادلعه بس لا حياة لمن تنادي كنت ادرس عند اهلي اغيب عنه بالشهور ولا يسال عني ولاحتي يتصل يتطمئن علي خواتي وامي وحريم اخواني يقولون زوجك مايشتاق لك شلون يصبر عنك شهور اشوف العيون تنظر لي بنظرات شفقه و اشوف خواتي وصديقاتي يروحون ويجون مع ازواجهم وانا محرومه وحتى مصروفي من ابوي واقول في نفسي حسبي الله ونعم الوكيل
بعد ماتخرجت وجلست انا وياه في بيت واحد صارحته وقلت له انا وش مقصره عليك فيه ليش ماتهتم فيني ليش ماتسال عني ومن القهر جلست ابكي واصيح وقالي اوعدك اتغير انا كذا مااقدر على نفسي!!
بعد خمس سنوات من زواجي جبت مولودي الاول بداء يتقرب مني في وقت انا خلاااص كرهته والله ثم والله اني كرهته وحقدت عليه حقد عظيم لدرجة اثناء الجمااع احس اني بستفرغ
حاولت اجبر نفسي بس مااقدرت كل ماتذكر احلى ايام عمري ايام شهر العسل واول سنوات الزواج وكيف حرمني منها اكرهه زياده
وجبت المولود الثاني بنت والى الان وحتى الان اكرهه
والله اول مره اكتب مشكلتي وانا قلبي متقطع لاتفكروني قبيحه ولا شينه لا والله اني جميله وماناقصني شي ومتعلمه بس حظي كذا
ابي مشورتكم اصارحه اني اكرهه اقوله ماابيك؟؟مااقدر اعيش باقي عمري تحته ابي اتمتع بحياتي مثل باقي البنات ومادري وش اسوي
...................
تم تعديل العنوان للتوضيح
الاشراف
التعديل الأخير تم بواسطة ليتني اسلى ; 29-06-2008 الساعة 02:53 AM
28-06-2008, 02:34 PM
ضوابط المشاركة
العرض الشجري