السلام عليكم ,
بداية أطلب من كل شخص يمر ويقرى مشكلتي ويشوف ان عنده كلمه أو فكره تنفعني مايبخل علي فيها,وبكون شاكره وممنونه,
انا متزوجه من 5سنوات ونص,أقدر أعتبر زواجي ناجح,على الرغم من ان حياتي مع زوجي مرت بفترات جزر ومد,لكن قدرنا نتجاوز جزء من خلافاتنا أو بالأصح(أقنعت نفسي بأننا تجاوزناها)
أنا وزوجي متشابهين الى حد كبير في الأطباع(عصبي وأنا عصبيه ,مزاجي وانا مزاجيه,قوي شخصيه وأنا مثله قوية شخصيه عنيد,وأنا عنيده)وغيرها وغيرها من نقاط التشابه بينا,
نلتقي في أمور مشتركه كثير,بس نختلف عالأمور الأكثر أهميه بشكل كبير,
المشكله هالحين ان صار لي فتره أحس بنفور غريب من زوجي,وجالسه أتعامل معاه بأثر رجعي (يعني احس اني قاعده استحضر وأسترجع ذكريات مؤلمه ومشاكل حصلت بيني وبين زوجي وتعاملي معاه الفتره هاذي على أساسها)بالمختصر (حاطه الماضي بين عيوني)الشعور الي عندي ماهو عشوائي أو فجأه ظهر,في أمور بسيطه تحصل بشكل شبه يومي تقوي وتجدد عندي هالاحساس,
أنا أحب زوجي وهو يحبني ,بس مشكلتي اني أحب وأفكر يعني قلبي وعقلي يشتغلون في عاطفتي تجاه زوجي ,
حالة البرود والفتور الي أمر فيها مقلقتني واذا استمرت بتأثر على حياتي بالتأكيد,أتمنى منكم التفكير معي لايجاد مخرج لي ,
للمعلوميه آخر 6شهور مرت علينا أنا زوجي مشاكل قويه آخرها كان قبل 3أسابيع,المشكله الي حصلت زوجي قال فيها كلام ماتخيلت ولو للحظه ان ممكن يطلع منه,وبعد انتهاء المشكله ماتناقشنا بس تعاهدنا ان الماضي ماضي ولا راح نقلب صفحاته,بس للأسف ماقدرت أتقيد بالشرط أو حاولت بس ماقويت نفسي

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

اختي الله يبعد عنكم المشاكل ويسخركم لبعضكم ويسعدكم ويهنيكم دنيا وآخره

أختي موضوعك والي تمرون فيه انتي وزوجك كثير أزواج يمرون فيه

بس المشكله في آخر الموضوع :

للمعلوميه آخر 6شهور مرت علينا أنا زوجي مشاكل قويه آخرها كان قبل 3أسابيع,المشكله الي حصلت زوجي قال فيها كلام ماتخيلت ولو للحظه ان ممكن يطلع منه,وبعد انتهاء المشكله ماتناقشنا بس تعاهدنا ان الماضي ماضي ولا راح نقلب صفحاته,بس للأسف ماقدرت أتقيد بالشرط أو حاولت بس ماقويت نفسي

أختي من رايي ان الحل يبدأ بانك تقعدين مع زوجك في وقت مناسب وحوار هادئ بدون عصبيه وتقولين له تذكر يوم تعاهدنا اننا ننسى الماضي.. أنا ما نسيته ساعدني ابي أنساه وطلعيله كل الي في خاطرك مع كم دمعه من دموع التماسيح

والله يوفقك لكل خير

الله يسعدك ويجزاك كل خير على دعواتك الطيبه,ولك بالمثل ان شاءالله,
بالنسبه للنقاش والحوار,أنا الفتره هاذي مش مستعده نفسيا,غير كذا كثير تكلمنا وقلنا الي بخواطرنا بس للأسف (الكلام يظل مجرد كلام) بس لازم يكون فيه حل باءذن الله

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

انا مع كلام الاخت (( وانا اموت فيه ))

اولا...لازم تجلسين معاه في مكان هادي او اي مكان يحبه وتحبينه وتتناقشين معاه بكل هدوء وتقولين اللي في خاطرج لانج
اذا كتمتي بتضرين نفسج وبتتأثر حياتج الزوجية..
ثانيا... لا تعطين الشيطان فرصة ان يوسوس لج ...عزيزتي اذا بينكم حب فلازم يكون بينكم ثقة واحترام وتفاهم وتعاون..واذا
تواجدت هذي الاشياء بتكون حياتكم الزوجة سعيده وناجحة بإذن الله...اذا تبين تحلين المشكلة ابدئي بنفسج وحاولي
تنسين الماضي....اكثري من الدعاء خاصة في هذا الشهر الكريم واطلبي من رب العباد ان يريح قلبك وبالك ويفرج همك
وأن يعينك على نسيان الماضي ....
اتمنى لكم حياة سعيده وموفقة

اختج ----- لمني بشوق

__________________

الحب والثقه والاحترام الحمدلله موجودين,بس التفاهم والتعاون للأسف أفتقدهم جدا في حياتي,أنا مسؤله عن تربية العيال وسد الفراغ الي هو تاركه في حياتهم,أنا الطرف الي لازم دائما أسلم وأقبل الواقع وكل التغييرات الي تحصل,زوجي للأسف موجود ومش موجود,الحياه الماديه وحياته الأجتماعيه ماخذته منا,
ربي يوفقك حبيبتي ويشرح صدرك ويسرلك أمورك,شرفني مرورك عزيزتي

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

أختي هل تتعاملين مع زوجك كانه جنتك ونارك ام تتعاملين معه بندية ومثلية

لأنه من كلامك انك تعارضينه وتردي عليه بالكلام , حقيقة مثلك لا يستطيع الرجل

العيش معها , لأنه لا يجد احساس الرجولة عندها , فمن البديهي ان يسمعك

كلام يعوض به عن رجولته التي فقدها امامك ...

أختي المراة التي لا تحترم زوجها , ليس لها الحق أن تطلب الإحترام منه والحب والتقدير

وهي لا تعطي اي اعتبار لشخصية كزوج ...

أنا ماراح أكون أمه غير للي خلقني,ولا أبي من أحد كائن من كان يكون لي عبد,
بالنسبه لي الحياه كلها آخذ وعطا(وهاذي قاعدتي الي أتعامل فيها مع الناس)والزواج يخضع عندي لنفس هالقاعده,متى ماواحد من الزوجين سمح لنفسه بأنه ياخذ أكثر مما يعطي اختل التوازن في العلاقه بينهم,

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

هلا فيك أميرات,أحترم تجربتك وخبرتك بالزواج, بس بقولك نبذه مختصره عني وعن تربيتي والي فيها جزء كبير من أساس مشاكلي مع زوجي وشعوري الحالي تجاهه,
أنا تربيت في بيت هادي الحمدلله مشاكله بسيطه أهلي ماقصروا معي أعترف بأنهم دلعوني لأني بكريتهم ماكنت أحب أسمع كلمة (لأ)واذا قيلت لي ماأسكت لين آخذالي أبي,على فكره دلع أهلي ماضرني أو صنع مني انسانه سطحيه الأ بالعكس فادني كثير وقواني,
أهلي من النوع السمح,ماكانو حكرين أو صعبين,كنت عايشه حياتي ببساطه أطلع وأروح وأجي ,بحدود طبعا ,
تزوجت من هنا وحياتي تغيرت من هنا , أقدر أقول(زوجي حطني بقفص ذهبي )يبني ملكه لحاله ويبي يكون محور حياتي والفلك الي أدور حوله,ما يقصر علي لا بالفلوس ولا بسفر ولا بطلعات معاه,بس موته وسمه الهاري أقوله باطلع مع خواتي أوزميلاتي ,أو بزور صديقاتي,أو بسافر مع أهلي كم يوم,أو بغيب عند أهلي كم يوم أرتاح,(ماأدري تعلق زايد فيني ولا ماخذني ومعي صك ملكيه)يبي يشاركني بكل حاجه,وأنا ما أقدر على كذا,أنا أحب يكون لي حياه مستقله, أمور أسويها لحالي ,حياه اجتماعيه طبيعيه,أدري ان هالأمور من صلاحياته كزوج بس ماأحب الطريقه الي يمارس فيها هالصلاحيات, ماأحب أسمع( لأ )وبعدها يتسكر باب النقاش ,رافض رفض قاطع فكرة عملي أو الاستقلال عنه بأي شكل من الأشكال,مع العلم ان زوجي مهندس ومتخرج من بريطانيا وأهله ناس منفتحين ويختلفون عنه ويستغربون تفكيره,
الي مضايقني وجارحني اني قبلت بأمور كثير وغيرت من نفسي أشياء واجد ماتخيلت اني راح أغيرها عشان اي أحد,والمقابل فرض حصار اكبر علي ,(في بعض الأحيان يتنازل ويقبل ببعض الأمور بس بعد ماتنشف عيوني من البكا وتتلف أعصابي وأنا أترجى)زوجي لف فيني العالم ومغرقني هدايا ومايقصر بالطلعات اذا طلبته,لكن هالامور ماتغنيني عن الحياه الطبيعيه الي أتمنى أعيشها ببساطه>

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه