ليش بعض الرجال كذا ؟ - خليك فله وكن مصدر الابتسامه
السلام عليكم ورحمة الله وبركاتهـ
بصراحة انا راح اتكلم عامي شوي <<< ابي اترك اسلوب الخطابه اللي ممتحني في كل المنتديات المشارك فيها
الحين بصراحة استغرب من بعض الرجال ..
اما انه يكون رسمي في التعامل مع الخطيبه
او يكون انسان مايعرف بالعامي ( ينكت ) او يرسم البسمه على شفاتها و اهلها
ياخي والله والله والله ان كل البنات يحبون الرجال الواضحين ..
كن كالكتاب المفتوح تقرأ خطيبتك كل مالديك
لا تحاول تخبي عليها شي .. لانه بكره راح تكون زوجتك
بعض الرجال احسهم دايخين ..
اللي يقول اثقل على الخطيبه لا تكون خفيف <<< سلامات يابو الشباب لا تكون عصير فمتو مركز ثقيل
ماحد يقدر يشربك ..
واللي يقول .. لا تعطيها وجه << اجل اعطيها قفا ؟؟
والله انا كثير ازعل من تصرفات بعض الرجال ..
المرأة والله ماوجدت ارق منها في الارض كلها ..
بس امنحها العاطفة و الثناء و الكلام الطيب .. راح تلقاها كل شي بالنسبه لك
اما انك تسوي دور الرجل اللي يمشي كلمته او الرجل اللي له شخصية وانت ماحولك احد هنا المشكله
احياناً اشوف رجال << احسهم من كوكب المريخ جايين
اقول له .. ياخي ليش ماتكون بشوش و فله و مرح في التعامل
ويكون لديك حس الدعابه .. يقول ما اعرف ..
ياخي شيل النكد من حياتك و الرسميات اللي مالها اي داعي
والله مساكين بعض النساء .. اشوفها خايفه قبل ماتتزوج و شايله مليون هم من زوجها
والشي هذا ماراح يكون موجود لو زوجها من قبل يوم الزواج قدر يكسر كل الحواجز اللي بينكم
اول ماخطبت ( كان الشرط الوحيد من قبل الخطيبه ان الزواج بعد سنيتن من الان )
ولمن كلمتها صارت تقول ( متى راح نتزوج خلاص ماعاد اقدر اصبر على بعدك )
والان لي شهر واحد فقط ...
ليش صارت تقول الكلام هذا ؟؟
لاني قدرت و بفضل الله اكسر كل الحواجز و الاسئلة التي بداخلها و بدون ما اخليها تسألني
اكون لها كتاب مفتوووووح
المرح له وقت
الجد له وقت
الكلام الحلو له وقت
الافكار المستقلبليه لها وقت
انا كتبت الموضوع هذا لغرضين لا ثالث لهما
الاول .. للتنبيه على بعض الرجال اللي ودي اكسر راسهم بحركاتهم البايخه قدام شريكات حياتهم
والثاني .. <<<< والاهم
انكم تدعلوني بأن الله ييسر اموري الماديه في الزواج
لانه وبصراحه مايقف بيني و بين زواجي الا ( المال )
الله يسهل امره و يقضي حاجتي في انهاء ديوني هذه السنه
عشان بعد 3 شهور اقدر املك عليها
ولكم خالص شكري و تقديري
اخوكم
ابتسامه
__________________
ياااارب احفظ لي زوجتي واجعلنا تحت حفظك و لطفك
13-09-2009, 02:05 PM
ضوابط المشاركة
العرض الشجري