اشرقت الشمس من جديد ادعولى
السلام عليكم
من جديد اشرقت الشمس
وبعد غياب طووووووويل رجعت بخبر حلو وانا قولت ابلغكم لانكم دايما كنتم معايا في افراحى واحزانى
قولوا ماشاء الله تبارك الله
اليوم والحمد لله قد منا الله عليه بالحمل بعد غياب اكثر من ست سنوات والحمد لله
والله اليوم بس عرفت انى حامل واما احكيلكم اد ايه انا تعبت علشان يتم الحمل دة واخد ابر كتيييير
والحمد لله انا مش زعلانه بالعكس انا كتبت دلوقت علشان احكى حكايتى للبنات الي منتظرين الحمل
الله يرزقكم جميعا بالذريه الصالحه
انا عندى بنت عمرها سبع سنوات الان والحمد لله المهم من اكتر من اربع سنوات وانا بحاول احمل
وما في فايدة خالص وفي اخر فترة اخد ابر كتير اووووى علشان يتم الحمل وبردو ما في فايدة ابدا
المهم من شهر تقرينا زوجى قالى تعالى نعمل عمرة وندعى وان شاء الله ربنا هيستجيب وفعلا سافرنا
الي بيت الله الحرام ودعينا كتير اوووى ورجعنا الحمد لله ورحت على الدكتور وقالى علشان يتم حمل
لازم نعمل تلقيح صناعى وعلى فكرة النسبه قليله يعنى 40 % بس وتتكرر اربع مرات علشان وبعد كدة
خلاص نعمل طفل حقن مجهرى لان انا عندى تكيسات كتيرا اوى وما في تبويض خالص
المهم عملت التلقيح يوم 11 /5 والحمد لله اليوم قالى الحمد لله النسبه بتاعت الهرمون المفروض تكون
اكتر من خمس وانا والحمد لله 460 يعنى فى حمل ووالله طول الشهر دة وانا بقرأ سورة البقرة بنيه
الانجاب بقرأ يــــــــــس وبقرأ مريم كل يوم قبل النوم وبدعى كتير
انا بكتب دلوقت علشان البنات يكون عندهم امل والله ما كنت افكر ابدا انى ممكن احمل تانى
والحمدلله على كل حال
بس رجائى ان كلكم تدعولى ان ربنا يثبت حمل ويقر عينى بيه يارب لا تنسونى من صالح الدعاء
ولا تقنطوا من رحمه الله
انا موجودة الي عندها اي استفسار تتفضل تسأل وانا تحت امركم
__________________
اللهم ثبت حملى وفرحنى بيه وارزقه الصحه والعافيه واجعله حسن الخلقه والخلق
27-05-2010, 01:27 AM
ضوابط المشاركة
العرض الشجري