السلام عليكم و رحمة الله و بركاته
أول مرة أكتب موضوع هنا، ما تعودت أطلب شئ من أحد..
لكن بعضكم عارفين إنه أمي تتعالج من مرضها السرطان
و هي دحين متنومة بالمستشفى من أسبوع و بتجلس كمان
أسبوع اخر ،، و المستشفى بمدينة تانية و أخواني معها
و رفضوا إني أسافر لها.. و امي ماتتحمل الاطفال دحين
و قالت لي امي اجلس في بيت اهلي، عشان ماحد فيه غير الشغالة.
و لا تجلس الشغالة لوحدها بالبيت و اخليها تنظف الغرف
لإنه أمي مرة تحب يكون بيتها نظيف دائماً .. و عشاني حامل
كمان فقالت لي امي اجلس بالبيت تبعها ..
و أنا بعد 10 أيام ان شاء الله بأدخل الشهر التاسع و تعبانة
مرة عشان فقر الدم و نزول المشيمة و زوجي ترك عمله من شهر
و نص و ماحاولت اثقل عليه او احسسه بشئ
و أنا دحين ماسكة نفسي من الانهيار .. عشان خايفة على
أمي ..
لوحدي جالسة و جيت لكم أطلب منكم الدعاء لها بظهر الغيب
أحس المرة هذه حالتها أخطر و ماسكة حالي لآخر لحظة