السلام عليكم اخواني واخواتي..ابي منكم مساعدة لاني احتاجكم فلا تبخلو علي بالرأي ..أنا مملكة على خطيبي لنا شهرين وزواجنا بشهر ذي القعدة..بصراحة هو انسان طيب مرة وعاقل كثير كثير وحطو ألف خط تحت هالكلمة..بعد الملكة مباشرة صرنا نكلم بعض ودايم مع بعض عالواتس كان متعلق فيني مرة وأنا بعد شوي شوي حبينا بعض لانه انسان طيب ورومنسي وانا انسانة جدا عاطفية صرت ادلعه واهتم فيه خاصة إنه عايش في مكان بعيد عن اهله بحكم وظيفته ولانه عانى كثير في حياته ولانه يستاهل بصراحة الحب والدلع..بس بصراحة في الاسبوعين الاخيره بديت احس إنه ثقيل مرة معي كأنه صار ضامن حبي له..هو صح يحبني ويسأل بس مو زي قبل .. ولما اسأله يقول مافي شيء من الي افكر فيه بس لاننا بعيدين عن بعض تحسي بكذا وإننا إذا صرنا في بيت واحد وإذا صرتي بحضني راح تشوفي الحب والدلع والاهتمام..قلت له بس أنا احب احس باهتمامك في هالفترة اللي هي الملكة قالي راح تشوفي الحب والاهتمام وحنا مع بعض..احيان اعذره عشان اشغاله وهموم الزواج والترتيب له .. واحيان اتضايق واقول في نفسي ماراح اسأل ولا اهتم أبي احسسه فيني بس ارجع وادلله واهتم فيه خاصة لما يسمعني كلمتين حلوة.واحيان يطنش مايهتم ولما أسأله يقول أنا متعمد اطنش عشان تتخلصي من حساسيتك الزائدة لانه عارف إني عاطفية وحساسة مرة..مع إني كبيرة وعاقلة وجامعية وفاهمة بس ماأحس عقلي مثل عقله .. هو عقله كبير واحسه ثقيل وماله بحركات الدلع وأنا عكسه تماما انسانة عاطفية كثير..ساعدوني كيف اتعامل معه؟هل أطنشه وخليه يحس فيني ويحتاج اهتمامي؟ ولا اتعامل معه بكل حب وحنان واهتمام عشان اأسر قلبه أكثر وأكثر؟؟
اعذروتي طولت عليكن بس مالي غيركن فلا تبخلو علي بالرأي والمشورة لان مالي غيركم.انتر ردودكم