سؤال اطرحه لكل شاب

لماذا يرفض الشباب الفتيات فوق سن30!

فانا استغرب رايي الشباب وكانها لاتستطيع الحمل والانجاب ولا تستطيع القيام بدورها كزوجة وام

باختصار لان الصغيره غالباً أجمل وأكثر دلع

لية والكبيرة مو دلوعة واتكيت ربما تكون الكبيرة انضج واعرف امور الحياة

سا محني على التعبير

انا ضد راي الاخ سارحل يوما الزواج قسمه ونصيب انا عمري 32 سنه ولم اتزوج بالعكس انا عن نفسي ارحب باي بنت سنها من فوق 30 لتقارب الافكار وثقافتها بالحياة وتقارب السن لكن عاد لكل رجل وجهة نظر

صح اخوي كلامك عين الصواب هذا المفروض للي يقال وش ذنبها بنت الثلاثين وما فوق

المشكلة اكثر الشباب لايريدونها المجتمع والناس ظالم ظالم ظالم اكتب ودمعتي تسبقني

فعلا حقيقه لكن سبب تاخرها بالزواج ماهو عيبا فيها ولكن انما شي بيد الله سبحانه وتعالى والزواج قسمه ونصيب بغض النظر عن السن اللي وصلت لها وماتزوجت اعرف بنت تقدمت لها عمرها من عمري انا اكبر منها بسنه وملكة جمال وبياض وكل شي وتقدمت لها لكن للاسف تزوجت بالسرعه ملكت وكم شهر سوت عرسها وانا ابكي ندم عليها لكن عاد كل شي قسمه ونصيب وانا راضي بنصيبي وقدري ماهي مكتوبه لي بالعكس انا اشوف اي بنت كبيره بالزمن هذا هي اكثر انوثه خصوصا سن 30 وفوق جمال انوثه مكتمله عقل حكمه ماخذه من الحياة خبره تقارب لافكار وليس صغيره بالعمر تطفشني بطيشها لكن عاد لكل رجل وجهة نظر وننتظر الاعضاء يقولوا رايهم واعتذر على الاطاله وشكرا على مروركم ,,,,

رئي اعجبني بارك الله في قلمك النير

السلام عليكم والرحمه
حيا الله حلم تبلغين هالعمر والى الان تفكيرك بمستوى تفكير البشر
من قرر ماتتزوجين!ومن قرار ماتاخذين الا فئه معينه!!ومن قال ومن قال!!
احيانا اعذريني تشعيريني ان الشخص كرجل يحق له يتزوج وحده ع الاقل جامعيه حتى لا يتسبب على نفسه بالمشاكل بمستوى تفكيرك اللي كل يوم طارحه موضوع حول اكثر من امر تاخذين اراء اعضاء منهم متزوج وغير متزوج ومنهم صغير لك يبلغ 20 ومنهم من بلغ 40 مثلا ومازال تفكيره محدود ومنهم من يعطيك رد تقولي بنفسك ياهناي لو يرزقني الله بواحد من مثله وانت نسيتي انه حكي منتديات وبالواقع كان واضع شروط تعجيزيه
من خلقك في هالحياه مو قادر يرسل لك من يناسبك اذا كنت واثقه بعطاياه ثم واثقه بنفسك

عزيزتي هل تملكين وقت فراغ!!ام ممن هو حساس لااراء الاخرين حولك!هل تعمقتي بقراءه موضوعات تخص امور الدين منها الايمان بالقضاء والقدر وهو من اركان الايمان.
هل عملتي برنامج لمدى الحياه مع ربك بالقربات ممكن لا انت ولا انا واي عضو هنا عندنا علم غيب اننا راح نستمر بالحياه وهل بنقضي 1434 كلها
هل انت فكرتي بالاخره !!فكرتي باعمال تطوعيه!مشاريع خاصه بك!دخل مادي واستقلال!دراسه!حفظ قران!!
صفي لك كيف تقضين يومك !!
هل تطلقتي او الى الان!!
ولاانسى انت هنا تاخذي مشوره رجال ليسوا هم انفسهم المتقدمين لك بتلاقي الوجهين هنا وراح يعجبك تماما اللي بيوافق رائيك لكن سالتي نفسك طيب كل الردود ايدت تفكيرك وهواك هل كذا انت حليتي مشكلتك!!
كم من حالات طلاق قبل الدخله وكم من بنات قبض الله ارواحهم قبل الزواج او بعده بدقايق وكم من فتاه اصابه عاهه مستديمه وكانت ملكه جمال من كان يرغب بها تخلى عنها!!
كم من فتاه تبلغ العشرينات يعالجون بالاشعاع مصابات بالخبيث وكم وكم وكم!!
تريدين ان تتعايشي مع الوضع
اطلبك ان كانت ظروفك تسمح والله ثم والله راح تزهدي بالدنيا كثير وبتحمدي الله كثير على النعم اللي عندك
زوري السجون وشوف كم قضيه للبنات وكم سنه عاشوها محبوسات !!
عيشي مسشفيات الامل هناك بنات تنصرع وتتكشف يملكون من الجمال والاجسام والاعمار تحتاري فيهم لكن اين العقل ومالفائده!!
زوري العنايات المركزه وشوفي كم طفل وكم فتاه وكم شيخ كبير تحت الاجهزه واللممرضات يقلبون فيهم ع الاسره منهم من يجد الاهمال ومنهم من يتمنى يرجع للحياه حتى يقضيها بالقرب من الله!!
زوري الاحياء القديمه بمنطقتك هناك من هم فالبرد مايغسلون الا بالمويه البارده ومنهم بعض بيتهم مافيه اضاءه لانهم ماسددوا الكهرب ومنهم ومنهم!!
ومنهم من يبحث عن اكله بين القمامه اعزكم الله
كل السبق يتمنى الستر والستيره والعافيه واداء العبادات بشكل صحيح ويرضي الله لانه يفقدها
فانت وممن اكثر نعمه يمنى اشياء اخرى ويعتبر هالاشياء معتاد عليها خلاص موجوده عند الكل
استمعي لمحاضرات الشيخ عبدالمحسن الاحمد لاترفع وفي خاطرك شي واغني فقير
الداعيه عمرو خالد محاضرات باسمك نحيا اسم الله الجبار الرزاق القضاء والقدر
الدكتور نوال العيد
هناك مقاطع ع اليوتيوب رائعه جدا حول موضوعات انت ترغبي الاستزاده منها

انتظر تعقيب واعذريني ع الاطاله ان كنت خارج الموضوع لكن لابد نرى جانب اخر

اختي كلامك لا غبار علية وسليم لكن انا اشتقت لضمة طفل من صلبي اشتقت لتكون لي مملكتي الخاصة لما ذا المجتمع قاسي اليس من حقي الزواج اليس من حقي ان ايوح بما في خاطري . اما كلامك عن المستوى التعليمي والثقافي انا مثقفة ومتعلمة بشهادة الجميع والله ما اقول شهيد

من حقك!!
لكن يمكن الله مايريد لنا ماتكلم عنك بالتحديد ..هل نحن نتجه مثلا الى جانب سيئ او ننتحر او نعمل ايش بالضبط
قرئت ولااعلم مدى صحتها عائشه رضي الله عنها لم تنجب حتى تتفرغ لنقل الحديث.يعني لدي رغبه ملحه انك تقريين كثير بقصص الانبياء بتمعن وتطبيق مايرد فيها من ادعيه وغيره
××طيب فضفضتك ليه ماكانت ع السجاده!!كلما فكرتي بالفضفضه والبكاء لاتكتبين موضوع بل قومي توضي وصلي ركعتين والحي بالدعاء والشكوى لله منها تحسين كل اتعابك طرحتيها ع ربك هو المتسبب باللي فيك ومنها كسبتي اجر الوضوء والصلاه ومنها نلتي اجر الصبر
كم هي الاجور لكن نحن مازلنا بغفله الله يهديني ويهديك ويهدي الجميع لكل خير
ليه تشكين امر كتبه الخالق عليك ع الخلق
اليس الاجدى العكس
وغير كذا ماجاوبتيني ع بعض استفساراتي كيف قضاء وقتك وغيره..
انت مشتاقه لضمه ابن طيب هناك بنات متزوجات من سنين ماجاهم ابناء بالله اسئلك ايهم اصعب انت ام هم!
انت تاخر نصيبك هم بيحاربون من مجتمع باشد منها هناك من يخبي عياله عنك حتى لا تحسدين!!هناك من يطلب من زوجها يتزوج عليها!هناك من يطلب منهم الانفصال!!والاشد لو صاروا اخوات متزوجات بنفس العائله او بنفس السنه واحدهم تاخر انجابها والثانيه عيالها بالابتدائي!!البشر مازال يعيش بعيدا عن الدين,,يعني كل شي لا يتم ينسبونه للبنت
وهناك وهناك
ليس ردي كطبطبه لكن هو الحقيقه التي لابد النظر فيها بكل جديه
ياعزيزتي عيشي يومك مع ربك يوميا بمختلف الاشكال ودعي كل شي بوقته ان تم الزواج كان بها وان ماتم الشكوى لله مالنا يد بشي صدقيني
انبسطي وعيش سن الثلاثين بكل نضج وسلامه من الاتعاب واهتمام بنفسك واللي مانت عاجبته عمرك ماعجبتيه خساره عليه
اعذريني ياغناتي اذا كان مستوى ثقيفك وتعليمك مازلتي تنسبين الاقدار للمجتمع فانت ثقافه ورق ..عمر التعليم مايكون فهم ودرايه بكل شي وحيال التطبيق اعجز
ومن يحصر الثقافه ع معلومات في جانب معين!وهناك من يقيسك على مستواه هو!!وهناك من يقولوها كحديث رفع معنويات وهم بالحقيقه اول من لمسنا منهم الضرر وهناك وهناك
اعذريني ع صراحتي والله الحديث معك جميل لكن لاارغب بالاطاله

الحياه والله ثم والله مافيه اجمل منها اذا عقدتي صداقه وقويتي حبلك مع ربك
لااريد كلمه ماعلي حديث غبار اريد همه الان ماهو جدولك الايماني اللي راح تسيرين عليه او تحتاجين اي نصيحه ام اسلوب الانهزاميه او الاحباط او الياس ابعدي عنه كل شي خير السعوديه بكبرها مافيها واحد بيناسبك
وهل اللي كلتيه اليوم في احد وجباتك هو نفسه قبل اسبوع او شهور طبعا لا اذن 1435 ممكن يكون هالطفل بين جناباتك
هل انت مستعده للزواج من كل جانب ام اذا تقدم فلان فكرتي تبحثي عن دوره وغيره!!
هل انت مستعده للتربيه هالطفل ترى التربيه مو الضم بس!!
وهل حضرتي او قرئتي ف مايخص الزواج والتربيه واستغلتي فرص بقائك فارغه لان ممكن زواج يكون بين شهرين فقط يمكن ياللي يمديك تلحقي ع جهازك الشخصي لكن هل جهزتي فكري واداري لهالشي
لاريد كلمه انا مثقفه او استعين يتجارب الاخرين بل استعين بالله ثم بكتب استشارين ثقه بالاضافه
مثل مانت اسمك فلانه بنت فلان لااحد يحمل نفس اسمك ولك توجهك فاللي ينطبق عليك لا ينطبق على غيرك
النظره التفائليه لابد من حضورها دائما
الله يوفقك عذرا لكوني اسهبت