السلام عليكم ورحمه الله وبركاته
ملكتي كانت من سبعه اشهر جلست شهر بس بالسعوديه وبعدها رجعت لبلد الابتعاث
في الفتره كلها كنت اشتكي من طناش خطيبي وبروده احاول اقرب منه مافي تجاوب اطنش واسحب بالاسابيع عادي عنده ولا تفرق معاه ولا يسال
طلعت معاه وانا بالسعوديه كم مره مافي اي محاوله انه يقرب مو زي مااسمع من كل المملكات والمتزوجات ان رجالهم بيتجنو عليهم وبعضهم يغلطو ويصير بينهم علاقه كامله
انا هدا الرجال ما حاول حتى يمسك يدي
كلمته اكتر من مره ورسلت له روابط ومواضيع عن التعامل مع الانثى ويتأسف ةيةعدني ان بعد الزواج راح اشوف شي ثاني
وكم مره اشتكي ل اخوي الكبير واقوله ان هدا الانسان ماله نفس بالزواج ولا متحمس
جالس يقولي بعد الزواج بيومين انتي سافري وانا بجلس بالسعوديه اشتغل واجمع فلوس
عروس تجلس مع زوجها يوم والثاني تسافر ؟
ليه اتزوجت طيب مدام مالك نفس
قبل الزواج بكم يوم قالي ترا مابنسوي دخله اول يوم عشان ثاني يوم السفر واخاف تتعبي ولا تبغي مستشفى او شي
طبعا بدون اسلوب الكلام ولا شي
وانا صدقت انه خايف علي
يوم الزواج دخل يتصور معاي وكانت اول مره يشوفني من بعد سفري خمسه شهور
وربي وقف جنبي وقعد يتصور على طول ولا حتى كيفك
ولا صافحني ولا سلم ولا شي
بعد ماانتهى الزواج رجعنا الجناح واعطاني ظهره ونام !
شهر كامل عدى وانا مااشوف الا ظهره واسمع شخير
ما يبوس مايمسك يدي مايلمس وربي ما قال كلمه غزل ولا مدح
وانا قلت يمكن مايعرف يستحي
كسرت الخجل وصرت اقوله كلام حب واتدلع عليه
البس ملابس وربي تدوب الصخر لكن هدا الرجال مايحس
وربي ما قد لمحت بعينه نظره رغبه او اعجاب فيني
اسفه عالكلمه لكن ما حسيت عنده اي شهوه
بيوم من الايام وهو نايم قطع شخيره وهجم علي يبغانا نسوي العلاقه الزوجيه
كدا بنص الليل لا احم ولا دستور هجوم وبس
لا كلام لا دلع ولا شي قمت من نومي عالهجوم حسبي الله ونعم الوكيل
يا كثر الاحاديث الي تتكلم عن ملاطفه الزوجه والرفق فيها ) وآيه وقدموا لانفسكم)
:\" لا يقعن أحدكم على امرأته كما تقع البهيمة ليكن بينهما رسول ، قيل ما الرسول ؟قال : القبلة والكلمة .
ونفس الشي اليوم الثاني
بعدته بالمرتين بالدف وجاتني حاله بكاء هستيريه :sm1: حسيت الموضوع اغتصاب
يقوم مفجوع ويرجع يكمل نوم وشخير
انا معاه في بلد الكل يحلم فيها واحلا مكان لشهر العسل
بس يبغانا نتمشى ومانقعد بالبيت من يوم مانصحى مانرجع الا مهدود حيلنا ويقولي تعبااااان بروح انام وفعلا نوم وشخير كل يوم
كاننا اخوان مسافرين مع بعض
بيوم طلعنا فندق والحجز طلع سريرين بالغرفه
وربي قومني من السرير وقال هدا لي روحي السرير الثاني
من جدك بتنامي بسريري؟
في عريس ماكمل اسبوع يقوم عروسته من جنبه ؟:sm1:
امسك يده بالبرد لان الدنيا ثلوج يدفها ويقول يدك بارده
احط ايدي بجيوب الجاكيت برضو عشان اتدفى يطلعها ويقول لاتطيحي فلوسي من الجيب تراها اهم منك ( اشك بين ثقل الدم او من جد عديم احساس )
ثاني اسبوع زواج قالي بسافر انا واصحابي اندنوسيا بالصيف ويقعد كل شوي يعيدها مايمزح
فوق كل دي البلاوي
طلعت دراسته ببلد البعثه بعد شهرين
وهو مضطر يرجع السعوديه لمده اسبوع ويرجع
قالي بجلس الشهرين .. ماابغى اجلس هنا مااسوي شي
المشكله يبغى يرجع ويسكن بشقه اصحابه حتى مو بنفس المدينه الي فيها اهله
سالته لو رجعت السعوديع الشهرين تقدر تكلم الدوام وتشتغل دي الفتره وتستلم راتب؟ (لاننا مبتعثين والحاله الماديه تحت الصفر ف راتب الشهرين راح تساعدنا )
قال لا مارح يشغلوني لكن عادي اجلس بالسعوديه شهرين مااسوي شي ولا اجلس هنا مااسوي شي!
عريس ماكمل شهر عادي يسافر ويخليني ؟
سالته يقول مااقدر اجلس هنا مااداو وانتي تداومي اموت من الزهق !
الرجال بايع
ومو مهتم فيني
ماله رغبه ماله شهوه
مدري ليه اتزوج
سالته كم مره ليه اتزوجت يقول سنه الحياه
كل مااقرب منه يبعد
اروح الصاله يروح غرفه النوم
اروح غرفه النوم يرجع الصاله زي توم وجيري
حريص ينام قبلي
او لو نمت بدري يخليني كم ساعه لين يتاكد اني نايمه من جد ومارح احس فيه ويجي ينام
...
انا بموت من الحيره
والقهر
ماادري ايش الحل معاه
اتطلق ؟ العيشه موت للحرمه لو رجال مو محسسها انها انثى وربي موت
ماله رغبه
عديم احساس
مايبادر ولو قربت منه طار
بنجن وماني قادره اجمع افكاري
ابغى رد من رجال رجاء
رجال فاهم وعاقل ينورني

مواضيع سابقه لي
http://www.66n.com/forums/showthread.php?t=240985

http://www.66n.com/forums/showthread.php?t=241749


انا اتزوجت ابغى استقر عاطفيا
عافه نفسي طول عمري واخرتها اتورط الورطه دي
لا استقرار نفسي ولا عاطفي
ولا اعفاف
يارب يفرجها عليا وعلى كل مسلم

لاأعلم لما أكملت مشوراك للزواج وكانت لديك الكثير من المؤشرات في فترة الملكة إنه إنسان غير طبيعي مزحه بالزواج من رجل . إرساله لمقطع الشواذ لك .. كلها توضح أن سلوكه غير سليم ... بنوتة حبيبتي الله يعظم أجرك والله أحس إني محروقة عشانك ..عاجزة عن نصحك مدري أخاف إننا ننظلمه وإنت ماتأكدت لكن بأسألك كيف علاقته مع ربه صلاته صيامه .. علاقاته الإجتماعية كيف ...

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

اختي بنت جدة ....
الله يخلفك في مصيبتك خير .... بسألك ، هل صارحتي زوجك بشكل مباشر ؟؟ هل قلتي له انا اشتكي و اعاني منك و انت ما تهتم لاحتياجاتي ؟؟
جربي تكونين صريحة معاه الي الاخر و اختاري الوقت المناسب و قولي له كل اللي بخاطرك بصراحة لان الرجال يكرهون التلميح ويحبون التصريح ...

والله يعينك و يهديه ...







نواف

تبين الصدق مافي احلى من الصراحة

امسكيه و كلميه عيني عينك ..

يابن الناس .. ليش تزوجت .. لا عاطفة و لا علاقة جسديه .. ولا تقول سنة الحياة

سنة الحياة عشانها مودة و رحمة و مشاركة وجدانية و اعفاف .. اذا هذه الاشياء مو موجودة ماعاد زواج

ارجع بيت ابي احسن لي .. اذا عندك مشكلة عضوية صارحني و ندور لها على حل .

اذا شاكك انه فيك عين او شي .. بصبر و بنشوف حل

لكن اذا عاجبك وضعك وناوي تقعد على هذه الحال .. لا تتعبني و لا اتعبك و كل واحد يروح بطريقه ..

اذا تستحي تقوليها لوجهه .. اكتبيها برسالة و اعطيها ياه ..

لا تحرقي اعصابك و تضيعي عمرك .. و تفقدي ثقتك بنفسك .. العيب مو فيك

العيب فيه هو ..

ولا اي رجال طبيعي .. دام انقفل عليه باب مع زوجته حلاله .. كان بيتحرك ..


صارحيه وشوفي جوابه .. و حسب جوابه يكون تصرفك ..


الله يكتب لك الخير

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

أم يوسف كفت ووفت
اخذي بنصيحتها ربنا يسهل أمرك يارب ويفرج همك
والله احسست بك حبيبتي الله يكون في عونك

__________________

اللهم فرج همنا ونفس كربتنا يا ذا الجلال والاكرام
اللهم اجعل القرآن العظيم ربيع قلوبنا وجلاء أحزاننا وذهاب همومنا وغمومنا

__________________

السلام عليكم اختي بنت جده انا بنصحك نصيحة لوجه الله

لي صديقه نفس مشكلتك بالضبط وجلست مع زوجها ثلاث سنوات والله اراد انها ماتخلف منه عيال

تخيلي ياختي اكتشفت بعد فتره انه حق اولاد والله الذي لا اله الا هو حتى خاله اخو امه قالها لابو البنت بالفم المليان

ولد اختي حق اولاد وهي تحكيني نفس تصرفات زوجك مهمل مايهتم مايعاشرها ابداااا ابدااا ابداااا

يعاكس اولاد اكثر شي

خذيها مني نصيحه قبل كل شي تاكدي تثبتي شوفي اذا صحيح ابعدي عنه لانه مافيه لو نص او ربع امل انه يتغير

وهذا صحبتي تطلقت وارتاحت وربي مرتاااحه مررره ومبسوووطه كذا وعادي لو تركتيه مافي الكون الى عون الغلط الي تستمر

مع شخص زي كذا لاكمان طلب منها يجامعها من الخلف وكل مره تكتشف شي وبالاخير اكتملت الصوره قدامها طلع حق اولاد نفسسسسس اسلوووب زوووجك بالضبط

لاكن مثل ماقلت لك تاااااااااااااااكدي عشان لانظلم الرجال واسال الله ان يفرج عليك همك وان يجعل لك من كل ضيق فرجا واكثري من الاستغفار فوالله انه نفعني انا امامك وفتح لي ابوب كثيره

اراء الاعضاء على عيني وراسي
لكن يا صاحبة الموضوع اسمحيلي بكلمه
اول شي حرام نرجم بالغيب ونشك في اخلاقه (من لواط وما اليه)
والعياذ بالله

ممكن برود بس
والدليل ان حاول معاك مرتين وانت رفضتي
يعني تتوقعي ان نحن كل المتزوجات
كانت اول علاقه بتفاهم وانسجام
لا والله

بس لان لقى منك صد
ويا اختي اتفق تماما مع ما قاله الرسول عليه الصلاة والسلام
لكن في العادة اول مرة
حتى لو حاول الزوج لن تجد الزوجه اي متعه
الا ما ندر
وعني ماسمعت عن وحده لقت متعه من اول يوم ولا اول اسبوع حتى

هل انتِ وجهتيه وقلتيله هالكلام اللي كتبتيه
ان الرجل لايقع على امرأته و.............


اذا كانت اجابتك نعم
معناها هذا السبب
لان حس بالنقص

ابن قريبة لي طلق زوجته لانها
تقول له مثل هذا الكلام

عزيزتي اجد كلامي قاسيا جدا وآسفة لهذا
ولكن انبكيك الان افضل من بعدين

سامحيني بس التوجيه للرجل في هالنقطه
امر خطير جدا جدا
انت كفتاه اذا اتهمتي بشرفك لاسامح الله تكون ردة فعلك قوية جدا اليس كذلك
توجيه الرجل في هالمجال
نفس ردة الفعل للفتاه وشرفها

وواضح هروبه منك و.....
هو حس نفسه ناقص ولا يجيد التعبير
وممكن حتى لو صارحته لا يفهم من كلامك سوى انتقاص اكثر

الزبدة
ابدو من جديد
وخلك قوية
وافرضي نفسك عليه
اكسري حاجز الخوف اللي عندة لانه خايف من الفشل

والتعليم للرومنسيه والكلام الحلو خليه المرحلة الثانية


الله يسهل امورك
وآسفه اذا زعلتك
بس صدقيني كلامي لا اريد به الا مصلحتك

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

:*

للأسف الشديد عزيزتي كل تصرفاته لاتوحي بخير
فليس هناك رجل بكامل رجولته يجعل زوجته
تقوم من سريره ويتهرب منها بهذا الشكل ولا يهتز
لأنوثتها ولبسها وكلام الحب من فمها إلا وهناك
سبب كبير يقدح برجولته

وحرصه على العودة بمفرده للبلد وحرصه على
رفقة أصحابه أكثر من زوجته مؤشرات خطيرة

واجهي الرجل بكل صراحة وأسأليه لماذا تزوج..؟؟
هل ديكور إجتماعي كما يفعل الكثيرين من أمثاله
ليغطو سوء جريرتهم وأفعالهم ويغضوا نظر المجتمع
عنهم..؟!!

لاتضيعي المزيد من الوقت
جلسة مصارحة واضحة وسؤال مباشر له لماذا تزوج
مدام غير راغب بالإعفاف كبقية الرجال ..؟!!

وأحذري من الحمل حتى تتوثقي جيداً من نوعيته
وصنفه وهل هو شاذ أم لا لأن هناك من يمارس
هذا الأمر حتى لو كان متزوج أي يجمع بين الأمرين
وليس كما يعتقد البعض أن الشاذ لايأتي إلا الذكور
بل هناك صنف يجمع بين الأمرين

:*

__________________