السلام عليكم ورحمة الله وبركاتة
انا من اشد المعجبين بهدا المنتدي الرائع
وحبيت اخذ من خبرتكم في مشكلتي
انا ولله الحمد متزوجه من شهرين
وانا و زوجي متفقين ولله الحمد
المشكلة كالتالي :
انا بنت من وسط 5 بنات وعمري 26 سنة
من اول اسبوع من شهر العسل
رجعنا من السفر و زوجي قالي امشي نروح المدينة المنوره عبيت الشنطة ومشينا علي المدينة
دقت امي تزعق ونكدت عليا وعلي زوجي تقول ليش ما قولتلي انك رايحة المدينة
اصلا مافي وقت وصلنا نما وصحينا وعلي طول حركنا
زوجي قالي خلاص انتي مسؤله مني ما يحتاج تاخذي اذن امك

وسرنا بعدها كل يوم اربعاء امي تدق تقول لو ما جيتي تزوريني راح اغضب عليكي
وانا اصلا مخططه اني اروح لها

بعد كذا هذا الاسبوع ما قدرت اروح لها يوم الاربعاء دقيت عليها قولتها انا مشغولة مع زوجي والجامعه مطلوب مني بحوث اسلمها وواجبات
زعلت وقالت اصلا مو لازم تجي وكلام كثيرررررررررر

رحت لها يوم الجمعه ما رضيت تسلم عليا ولا رضيت تلكمني وتقولي اننتي خرجتي من قلبي
وانا غضبانة عليكي ليوم الدين والله يوريني فيكي عجائب قدرتة وووو
انا ما قدرت استحمل وقعدت ابكي
بالله عليكم ايش الحل في رائكم ؟؟
هل انا عشان ابغا اهتم في زوجي وبيتي واشوف دراستي اكون غلطت
ومين الغلطانة انا ولا هيا ؟؟
علما انها عارفه ظروف عمل زوجي انة يرجع من الدوام تعبان ويبغا يرتاح ما ارح يخرجني الا للضروره

وعارفه ان عملة في الشمس وهوا اصلا لمن يرجع اصلا ما يخرج من البيت

بالله عليكم ايش الحل في رائكم ؟؟
امي دحين زعلانة وماني عارفه ايش اسوي