السلام عليكم
انا جديده في هل منتدي و الصراحه ما دخلت الا لانني واصله لمرحله مب قادره استشير اي انسان من هلي او ربيعاتي.
انا من الامارات و صار لي 3 سنين متزوجه مع سعودي و زواجنا كان بعد قصه حب دامت 10 سنين.
كان في عيني كل شئ و انا اعرف ان هذه كانت غلطتي انني نسيت نفسي و ركزت عليه
عموما عقب الزواج بديت اكتشف فيه اشياء ما كنت اتخيله فيه:
بخيل لدرجه كبيره مع انه ماشالله هو عنده خير بس يبخل علي و على بيته و يتوقع انني انا اصرف على البيت مع ان راتبي ع قد حالي
كثير السفر و يخليني بروحي بالايام و الاسابيع و ساعات حتى ما يتصل
عصبي و اناني في تعامله معاي
اكتشفت انه يكذ علي و ساعات يكون في الديره بس يقضي الوقت ويا ربعه و يقول كنت مسافر
للحين الله ما رزقنا بالعيال و العيب لا منني و لا منه العله ان هو كثير السفر ففي الايام اللي لازم نكون ويا بعض يكون مسافر
احس ان ما يهمه حتى يكون عنده عيال مع ان عمره 45 و انا 37
احس انه ما يعتبرني زوجته و قطعه منه .. يعتبرني غريبه عنه
حاسه انني مقهوره و المشكله مو قادره ارد بيت هلي لانه كان اختياري و اصريت عليه
حاولت اتكلم وياه و اتفاهم وياه بس ما منه فايده
قبل شهرين طلعت لي دوره في الخارج و كان المفروض هو يساعدني في مصاريف السفر.. تخيلوا سافر قبل سفري ب 3 ايام و خلاني من غير بيزات و حتى ما سال عنني
حاسه انني تحت ايدين انسان ما يحب الا نفسه و البيزات
هل فات الاوان انني اطرده من حيالتي؟
هل كوني داشه 38 لازم اصبر و ما افترق منه؟
انا خايفه و مب حاسه بالامان معاه
ساعدوني