السلام عليكم

لي صديق بل هو اخ دنيا وعضيد اوشكت حياته الزوجيه على الانهيار هذا اذا لم تكن انهارت تماماً

تزوج قبل سنه بعد ألحاح شديد من والدته تقريباً من بداية زواجه الى الان لمن اسأله شخبارك ان شاء الله مرتاح يرد علي كل مره بنفس الجمله " مو مرتاح كل حياتي مشاكل مو قادرين نتفاهم ابداً ابغى انهي كل شي "
واعتقد انه بالفتره الاخيره اتفقو على الطلاق

قبل كم يوم جاني يقول لي على مشكله استجدت بينه وبين زوجته
وهي المره الاولى اللي يقول لي فيها عن مشكله بالتفصيل
يقول كنا متفقين على الطلاق خلاص بس جالس اجهز لسفرها عند اهلها
وبلحظه حنيت لفلانه " هذي بنت تعرف عليها قبل سنين اتذكر انها يتيمه مجهولة الابوين تعرف عليها بالابتعاث وانقطعت علاقتهم قبل حوالي سنه وعليها "
المهم يقول حنيت للبنت هذيك ودورت رقمها وكلمتها وجلست معاها ساعه وبأخر المكالمه قال لها انه متزوج وردت عليه بكلمه وحده "فمان الله "

اليوم الثاني واجهته زوجته انها تدري عن المكالمه وعن بعض الصور اللي مازال محتفظ فيها بهاردسك وانها نسخت كل شي وقالت انها بتفضحه وبتفضح البنت وانها كلمتها وقالت لها كذا

رجع كلم البنت يتأكد ان زوجته كلمتها قالت له " اي كلمتني وكلامها كله مايهمني وياليت ماعاد تكلمني ابداً حتى لو انهيت مشاكلك "

أجل سفر زوجته وكلمني بالمشكله على اساس اشور عليه
وانا اخاف اني أقول له حل معين وأكون خاطئ وأخذ ذنب


انا الاحظ بصديقي انه يحن لكل شي قديم
ويخاف انه يجيب اولاد ولا يستقر في حياته ويطلق ويكون مصير اولاده نفسه ونفس اخوانه واعتقد هالشي هو اللي خلاه يقرر انه يطلق خصوصاً انه من بداية زواجه وهو يفكر بالطلاق بعد كل مشكله
شخصية صديقي واسلوبه بالحياة ممتاز لكن عنده نقاط ضعف بسبب ظروف الحياه اللي عاشها انعكست غالبيتها بزواجه

ايش رايكم تتوقعون المشكله بتنحل

تعديل العنوان بما يتناسب مع الموضوع

__________________
أبـو صـبـــآ ..