تخلصت من الوسواس في العقيده
السلام عليكم
تعرضت تقريباً 11 شهر لوساوس في العقيده
انا الحين اسميها وساوس لكن في الفتره السابقه كنت احسب اني كفرت
بصراحه كانت فتره جداً جداً صعبه من حياتي
ادور الراحه النفسيه وما ألقاها واحس اني ضايعه
واتمنى الموت بسبب الصراع الفكري
مرحله سوداء موحشه
مررت فيها بعدة مراحل إلى ان وصلت لصراع الألحاد
من المراحل اللي مريت فيها
قلدت ناس في فعل معين ما ابغى اذكر تفاصيل هالشي
قبل شهرين ناقش دكتور دين بعض قضايا العقيده
وذكر افعال كثيره من ضمنهم هذا الشي اللي كنت اسويه
وقال انتبهو هذي من افعال عبدة الشيطان
ويدخلون لكم عبر برامج التواصل الاجتماعي ويبسطونها لكم
ولكن بالاصل هي تقدح في عقيدة المؤمن
واللي وقع بهالافعال يستغفر ويتوب من جهله
كنت ابغى اسجل بأسم مستعار في تويتر وأناقش بعض القضايا التي اجد لها صراع في عقلي
واحمد الله مليون مره اني لم افعل
لمن جيت هنا وكتبت مشكلتي وبعض الأسئله اللي كانت تطري على بالي
كان فيه اكثر من رد شدني
وابغى اتناقش معاهم
وبعد رد ام دانه طلبت اقفال الموضوع وخرجت
ولم ادخل معرفي الا امس
انا الحين موقنه ان اللذي صدني عن النقاش هو الشيطان ذاته اللذي ولله الحمد تغلبت على وساوسه
وليس رد ام دانه
طول الفتره العصيبه اللي مريت فيها كنت اطلب من اللي حولي يدعون لي بالهدايه
واذا سويت لأحد معروف وبدأ يدعي لي اقول ادعي لي ربي يهديني لسراط المستقيم
وكنت ادعي لنفسي دايم رغم اني انقطعت عن الصلاه
تقريباً سنه كامله كانت دعوتي الوحيده هذي
والحمد لله الله هداني
دخلت اليوتيوب وسمعت فتاوي الشيوخ عن الوسواس في العقيده
وان شاء الله اني ما اكون اثمه عشاني كتبت لكم هنا
لأن سمعت من واحد من الشيوخ انو مفروض مايتكلم فيها الشخص
انا وقتها كنت احتاج مررره اني اتكلم فيها واناقشها
التعديل الأخير تم بواسطة ريانه. ; 22-06-2014 الساعة 12:32 AM
22-06-2014, 12:31 AM
ضوابط المشاركة
العرض الشجري