(معاملة والدتي جارحة بعد طلاقي)
انثى-26
علاقتي مع امي بالسابق كنا صديقات كنت افتح لها قلبي وكل شي

لكن بعد طلاقي بكم شهر اي غلط اسويه او اي شي تافه كأي بنت وولد مع اهلهم تكبره
ومره فاجأتني بعد ماقالت يالمطلقه يالتعيسه شوفيني حياتي حلوه وتكش على وجهي

اناااااا مت انصدمت ولا توقعت اسمع هالكلام خصوصا من امي
وبالاخص عارفه ان طليقي جاهل وماعنده مسؤوليه وطلقني لانه موقد زواج

ومن تصير مشكله معها ومع ابوي كأي زوجين لان طول عمرهم يصير بينهم مشكله وزعل
بعد طلاقي لاصرت اتدخل وابين لها انها غلطانه هالمره مع ابوي
ماتتحمل وتقول حامض على بوزك اتطلق

شدخل الحين ! انا جبت سيرة الطلاق ؟؟؟؟

كل مره تعايرني يامطلقه من ادنى مشكله
لاشافتني اتزين احط مناكير اروح صالون او لصديقاتي انتي انسانه تدّعين السعاده وانتي فاقده امور (الجنس) اي نعم هاذا اللي قصدته للاسف


انااااااا امي بعد هالكلام الجارح صرت اجاملها ما افتح لها قلبي اعاملها باحترام فقط ولا اشعر بحب اتجاها كالسابق
مثل مالها واجبات انا ايضا لي حقوق ان ما اسمع كلام جارح وسم

الحمدالله انا واثقه من نفسي وعارفه الخيره بما اختاره ربي

لكن امي مستحيل اسامحها
ولا قد فكرت اواجهها بكلامها القبيح اللي قالته

بس كل اسبوع او اسبوعين ابكي بكاء شديد لاني اتذكر هالكلام خصوصا عايشين بنفس البيت تعبت من المجامله وادعاء ان مافيني شي وهي عايشه حياتها ولا كأنها قالت شي لي

كل مره تتمادى

لاتقسون علي ابي اسلوب لطيف بالرد

تم التعديل ليتناسب مع المضمون

__________________
لا اله الا الله محمد رسول الله

حتى وان كانت امك ، فهي جالسة تجرحك
واي شخص يجرحنا لازم نوقفه عند حده
وبالعادة التوقيف يكون بخربشة هذا الشخص
لكن امك ما ينفع نخربشها
لانها ام وحقها عظيم
بس لا يعني هذا اننا نخليها تتمادى في الغلط والتجريح
لان هالشي بيتعبنا وبياثر علينا مع مرور الايام
الحل : كلميها بهدوء ان اسلوبها جارح ومتعب، وان اللي صار مقدر من الله مالنا يد فيه
وصدقيني هي ام ، الا تتاثر وتراجع نفسها

صارحيها
يمكن مو حاسه بلي تقوله

لا حول ولا قوة الا بالله
انا كمان مطلقه بس الحمد لله امي الله يحفظها ما تعايرني
ممكن نفسيتك تعبانه تعكس عليها
كم سنه لك مطلقه؟
الله يفرجها عليك وعلي يارب

__________________
رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ
لا إله إلا أنت سبحانك إني كنت من الظالمين
اللهم اكفني بحلالك عن حرامك وأغنني بفضلك عمن سواك

سبحان الله
نفس حالتي تغيرت علاقتي فيها مره
صارت أكثر من رسميه و هيي السبب
أصرت على طلاقي و حلفت ماأكمل مع زوجي
تخيلي حاولت بإيدينها و أسنانها سعت في طلاقي و السبب لأنها مو مقتنعه بقبيلته
بعد ماتطلقت و صار إللي تبغاه
صارت تعايرني و تضغط عليي مرررره !
لدرجه لو تشوفني أكلم الشغاله قلبت الدنيا تقول أكيد تشكيلها مني
تشك إني بشكي لكل الناس و أقولهم على اللي سوته فيني
تخاف على برستيجها ههههه
مره وحده بس بعد طلاقي فكرت أزور أحد و أغير جووو البيت
رحت لمرت عمي في بيتها عشاني أرتاح لها و أحترمها مو أكثر
ثاني يوم نكدت عليي من صباح ربنا و صارت تقول انتي مجنونه و انتي و انتي
تصرخ بأعلى صوتها و لما طلعوا خواتي الصغار تخيلي تقول قدامهم حتى اخواتك ماتحبينهم
عشان يوقفون معاها ههههههه
والله من بعدها مازرت أحد
حتى مرت عمي مستغربه إني مازرتها مره ثاني بالله وش أقول لها !
كرهتني كل شي
هي مو مرتاحه لأنها عارفه نفسها إنها ظالمه
ماأكتفت إنها ظلمتني لأ خلت أختي الصغيره و كل أخواني الصغار
يكرهوني و يبعدون عني
صدق الفتنة أشد من القتل
تخيلي من بعد ماكانوا أخواني يحبوني و يحترموني و يحسبون لي ألف حساب
صرت ولاشي بالنسبه لهم ولا ششششي !
والله صرت كل وقتي لحالي
ماأطلع لأحد أتجنب جنانها و مشاكلها معي
أحس نفسي سجينة و أنتظر أتحرر من ظلم و معاناة أعيشها صارلي سنه
فيني حزن و هم لو أظل سنه أحكي و أتكلم ماطلعت ربع إللي بقلبي
عيشتني في جحيم حسبي الله ونعم الوكيل
مو قادره أسامحها و لا رح أسامحها لا دنيا و لا آخره
حسبي الله ونعم الوكيل
لكن لي رب و ربنا قادر ياخذ حقي عاجلاً غير آجل
الله قادر ينصرني على كل من ظلمني
الله يفرج همي و همك و هم كل مسلم

__________________

اللهم أكفني ما أهمني بما شئت و كيفما شئت إنك على كل شيء قدير

اكثرو من الاستغفار والله يغير الحال للافضل


إنما ردي أخبريها كفايه جروح وألم

__________________
http://live.gph.gov.sa/
اللهم اني استودعك اولادي

هذي أم مهما كان اصبروا واحسنو معاملتهم
بس أرجوك ارجوك لا تقولين مااسامحها
ادعي ربك يحنن قلبها عليك ويغيرها للأفضل
شكرا لك

لاحول ولاقوة الا بالله
الله يصبر قلوبكم يارب ويرزقكم الزوج الصالح
الي يعوضكم بلي يسركم

ادعوا لامهاتكم
تراهم بكرب عظيم

__________________
الحمد لله..اللهم صل على محمد و ال محمد

التفريغ المنهجي