السلام عليكم ورحمة الله وبركاته
انا سبق وكتبت لكم والله لي الحينه اكثر من سنه ونصف وانا مطلق زوجتي اللي عن حب
طبعا ما اقدر ارجعها لامه طلاق بائن
طبعا انا مسافر عمل خارج المملكه كل هالفتره وبرجع ان شاء الله الشهر الجاي
طبعا انقطعت عنها اول خمسه شهور وبعدها ردت وراسلتي ونراسل بعض والحينه نكلم بعض
والله تعبت من هالشي
ما ادري هل ببقى طول عمري على هالحاله ما اقدر اتركها وهي تحسسني بالذنب واني سبب كل شي واذا تركتها تدعي علي
والله تعبت ما ادري ايش الحل
اتزوج وانا موضوع الزواج هاذا شايله من بالي وربي كرهت كل شي
وحبها ما ادري ايش اسميه مسيطر علي اضعف اذا جيت ابي ابعد
كم مره حاولت ولاكن وربي تفشل
تكفون اللي مر بحالتي او عنده فكره يطرحها علي
والله يعين

تم تعديل العنوان ليتناسب مع المضمون

ارجع بلادك و كلم كم من مفتي ثقه و قول اللي حصل كامل و بكل تفصيله لعل الله يحدث بعد ذلك امرا

__________________

الله يجمع شملكم
ويردكم لبعض ردا جميلا



اسمع لأخر الفديو

نصيحتي لك ارجع لمفتي ...وارجعها دامك تحبها وهي تحبك..

دام طلاقك لها بائن خلاص انتهى
منتوا اول ولا آخر من يتطلقون
هذا الشيطان يوسوس لكم بالحب عشان تستمرون على الخطأ وتتعدون على حدود الله
خلك مؤمن قوي ولاتسمح لابليس يضعفك ويهمّك
ولاترد على اتصالاتها
انت الآن رجل غريب عنها خلك حازم معها
ولاتخاف من دعاءها انت ماسويت غلط
تحمل واشغل نفسك بالطاعات والإكثار من ذكر الله عشان تقوي ايمانك وتخف عنك الوسوسه
ولو تقدر على الزواج تزوج بإذن الله راح تنسى ويجبر قلبك
فرج الله همك

اخي

اذا سجل بصك شرعي انتهاء الامر والله يعوضك خير

__________________
سبحان الله وبحمده سبحان الله العظيم

اهلين ياخوي
والله حاولت وربي حاولت وادعي ربي
وربي حالتي ما ادري ايش اللي فيني مو قادر انساها وهي تحسسني بالذنب

طيب اسأل اكثر من مفتي يمكن في حل لموضوعكم ...واذا الموضوع خلاص منتهي ومافي عودة لكم
الخيرة فيما آختاره الله ...

يا ليت من يفكر بالطلاق أو من تفكر بالطلاق يتعظ من قصتكم ولا يستعجل بالطلاق
أو على الاقل تكون طلقة واحدة حتى يمكنه ان يرجعها لو ندموا

اذا طلقتها 3 مرات طالق طالق طالق مره وحده وبوقت واحد

هذا يندرج تحت قسم (الطلاق البدعي)

وفيه مشايخ مثل ابن باز وابن عثيمين تكلموا عنه

وقالوا الطلاق البدعي ممكن ترجع لها

وهذا رابط الفتوى

http://www.binbaz.org.sa/node/12736

لكن يجب عليك ايضا ان تسأل المشايخ
واكثر من الاستغفار تفتح الاقفال