السلام عليكم ورحمة الله وبركاته

انا ام لطفلين ربي يحفظهم لي ، ربي انعمني بجمال الكل يشهد عليه لكن ابتلاني بمرض جلدي وهو البهاق لكن بأماكن مخفيه ولله الحمد

بداية بحكي عن زوجي ، محافظ على الصلوات بار بوالديه ، كل الصفات الحلوه فيه ، بس راعي مكالمات وكنت عارفه هالشي قبل زواجنا لأنه قريب لي واسمع من خواته

زوجي خطبني وانا رفضت في البدايه بسبب البهاق ، كنت رافضه فكرة الزواج بسبب للمرض

خالة زوجي حاولت تخطبه لبنتها وهو رفض ورجع تقدم لي مره ثانيه وانا رفضت هو يعلم بمرضي

زوج خالة زوجي الثانيه ايضا عرض عليه يتزوج بنته وتكاليف الزواج عليه وهو رفض وصارت مشاكل بينهم

تقدم لي 4 مرات وانا رافضه ، واختي اللي اصغر مني بسنتين كانت تقول لي ارفضيه وكان كلامها ياثر فيني عشان كذا اصمم عالرفض

وبالاخير طلبت اني اكلمه شخصيا واسمع منه على مرضي وهل هو مقتنع وفعلا كلمته وقال مايهمه ، وتم الزواج والحمدلله ، بداية زواجنا اشوف جواله اتصالات واسماء بنات وكان مايرد عليهن، شخصية زوجي على قولة اهله كتاب مفتوح مايخبي شي

كان اذا رد على وحده يجي يقول لي ويتأسف وانا اعذره بس اخر شي قلت له لو عدتها بيكون اخر يوم لي بالبيت عندك

فترة الملكه وبعد زواحنا كان زوجي مايوقف رسايل ومكالمات كان الكل يتكلم علينا وعلى حبنا وعمي ماكان ينادينا الا روميو وجولييت

بعد فترة زواجنا ب 7 شهور كنت اشوفه دايما ساكت واذا ضحكنا على شي مع بعض يرجع يتغير وكأنه يكتئب وكنت أسأله ومايرد علي ويقول انه يحبني وكذا

اختي من بعد زواجنا كرهتني وماصارت تكلمني ولا تطلع من البيت ابدا ، كنا إذا طلعنا عند ناس هي تحبس نفسها بالبيت والكل صار يتكلم عليها انها حابسه نفسها، زوجي كان دايما يقول انتبهوا على اختكم تراها بتضيع ، كنت ماهتم بكلامه ولا افهم من تلميحاته

وخلال شهرين شفت اختي تغيرت صارت تكلمني وتسولف وتضحك وكنت فرحانه بالشيء هذا واجلس احكي لزوجي انها تغيرت ، كانت فتره تتغير للأحسن وفتره للاسوء

حملت وجبت ولدي وكنا انا وزوجي اسعد زوجين بهالدنيا ، واختي تغيرت واقلبت علي ، وبعد 9 شهةر من ولادتي حملت ولما ولدت وقضيت النفاس عند اهلي ، اختي ماباركت لي وتحاول تخلق مشاكل الين مليت قلت لزوجي تعال خذني مليت من اختي ومشاكلها

جا اخذني ووداني البيت وقال يبيني بموضوع ، طلع جواله وقال انه له فتره ضميره يأنبه وحكالي كل شي وانه غلطان وحاول يعتذر لي ، شفت الرسايل اللي بينه وبين اختي كانت تقوله انه تحبه وليه خطبني وماخطبها وكانت تطلب منه يطلقني ويتزوحها ، وهو يقول لها هذا قسم ونصيب وبعدين صاروا يتكلموا بمواضيع عاديه وهي تقعد تشتكي له انها انحرفت بسببه لانها تحبه وكذا، كل هذا كام لمدة شهرين اللي تغيرت فيه للاحسن ، ولما زوجي ضميره يصحى ويقطع المحادثات اللي بينهم كانت تتغير للاسوء وهكذا
جاني انهيار عصبي وكنت ابكي بهستريا وهو كان يعتذر لي ويحلف ان عمره ماخانني ويقول انا ادري مجرد كلمة سلام لوحده غيرك تعتبر خيانه وانا واللله تغيرت وأنتي اللي غيرتيني للافضل وانا كنت باليوم اموت الف مره لما اشوفك تضحكين واتذكر نفسي واحتقرها مع ان كلامنا كان مجرد اخ لاخته وشوفي المحادثات وكان يحاول يفتح لي الجوال بس رفضت اكمل اقرا ، طلبت انه يطلقني وكان يترجاني ويعتذر لدرجة انه صار يبوس رجلي عشان اسامحه ، يقول انا كم مره نبهتك تنتبهون عليها بس انتي ماتفهمين
ماقدرت من كثر مانهرت اغمى علي وتنومت كم يوم ورجعت بيت أهلي وقطعت الاتصال بيني وبينه وكملت الاربعين وكان يحاول يرجعني وانا رفضت ، وبعد شهرين من ولادتي كلمت أختي واعترفت بكل شي وصارت تبكي وترجتني اسامحها تقول ان الوحده ذبحها وعرضت عليها انها تتعالج عند طبيب نفسي لأنها كاننت مو طبيعية

انا سامحتها بس زوجي ماقدرت اسامحه واختي تحاول تقنعني ارجع له وانها هي اللي غلطت وانها كانتت تهدده تطلع عليه اشاعات اذا قطعها وماتواصل معها

بس انا صعب اسامحه قلبي مجروح منه والله مو قادره اسامحه

اخر رساله سويت له انه يروح يتزوج وحده كامله مافيها مرض عشان ماتخونها ويكون ماعندها خوات عشان ماتجرحها وقلت له اني من يوم يومي احس بالنقص بسبب مرضي وانت جيت اثبت لي هالشي

باقي 20 يوم ويصير لنا سنه واحنا بعيدين عن بعض وهو لحد امس يتصل فيني ويترجاني ارجع ، وبالعيد شفته تغير صار واحد ثاني نحف صار مره هزيل اول ماشفته قلبي وجعني بس مو قادره ارجع مو قادره

اهله واهلي يدرون إني تركته بسبب خيانه بس مايدرون انه مع اختي

ابي اطلع من اللالإكتئاب اللي أنا فيه من الحزن من القهر من الهم من الوجع اللي انا فيه

كل ماشوف أختي احس بنار تحرق قلبي وش فيها زود عني انا أحلى بس هي ماعندها مرض جلدي

احس نفسي بدوامه وابي احد يطلعني منها

ابي ارجع له لاني اشتقت له وربي احبه بس مو قادره انسى ولا اسامحه




مستجد الرد 42





http://www.66n.com/forums/showpost.p...0&postcount=42





مستجد الرد 68




http://www.66n.com/forums/showpost.p...3&postcount=68



مستجد الرد 74


http://66n.com/forums/showpost.php?p...3&postcount=74



مستجد الرد 92




http://www.66n.com/forums/showpost.p...7&postcount=92





مستجد الرد 159





http://www.66n.com/forums/showpost.p...&postcount=159

اسأل الله ان يفرج همك
تعوذي من الشيطان اقري سورة البقره
هدي نفسك تماما ماشاء الله

ماينقصك شي ارفعي معنوياتك
لاتضعفين نهائيا

توضي وصلي لربك ركعتين عادي فرغي الي بقلبك ابكي

احمدي الله دائما غيرنا يبتلى بامراض مالها علاج لاتتذمرين
من نفسك ماشاء الله تزوجتي وربي رزقك بطفل

وعندك اشياء غيرك مايملكها انا مثلك
خاني والف مرا خاني بس بعيد عن اقاربي

انا مو عارفه ايش الحل بالنسبه لك يمكن فيه مختصين يفيدونك بس بخفف عنك


احاول ماتعب نفسي رغم تجي ساعات انحرق بس اصبر نفسي حتى اني كاتبه موضوعي هنا



لاتحطمين حياتك حبيبتي
القران ثم القران انبسطي واضحكي واستانسي الدنيا

ماتستاهل انك تبكين على اشياء

زايله صحتك اغلى شي بالدنيا

قولي بقلبك انا قويه انا سعيده كرريها احمدي الله على النعم الي انتي فيها...انا لي شهرين

والله وفبيتي معطيه طناش وادور حل فقط لهدايته شايفه كيف


لاني عندي طفلين هم اي محزنيني

بحاول اصبر ورائعه قرات البقره والقران كله بركه لا يوسوس
لك الشيطان ....


غيرك مشكلته اكبر من كذا

بس عاد مو على حساب الصحه

ويارب احد يفيد بحل انا عن نفسي مثلك ابحث لاكن للاصلاح ..ويارب يعينا ويعينك...

الله يرفع عنك البلاء يا أختي ويرزقك الرضا والسكينة...موضوعك مؤلم حقا ...وابتلاء آخر لكن لا بد أن تتعلمي بعض الدروس منه..والحل كما أرى والله أعلم :
1_اللجوء الى الله والدعاء أن يصلح بينك وبين زوجك
2_الابتعاد عن كل المعاصي وكثرة الاستغفار
3_ بما انك انتي الي طلبتي الفراق..استخيري واطلبي الاصلاح..زوجك لم يصل للخيانة الجسدية اي الزنا...وبالنسبة للمحادثات ..كنتي تعلمين قبل الزواج بمحادثاته مع البنات الاجنبيات ووافقتي عليه..أما ﻷنه هذه المرة مع اختك ..نأتي للعدالة...خطأ اختك اكبر واشنع بكثير من خطأ زوجك ومع
ذلك سامحتيها..اما زوجك لم تسامحيه مع انه هو الي صارحك بسبب تأنيب ضميره..سامحيني اختي أرى انك غير منصفة...الصدمة كبيرة حقا ولكن من اختك اكبر
..استخيري وعودي لزوجك والايام ومعاملة زوجك كفيلة بالنسيان بإذن الله
وفقك الله

الحمد لله دائما وابدا، ربي يفرج همك وهمي الله يجزاك خير اختي ، الحياه صعبه بوجود الخيانه

مداومه على القران وقيام الليل جدا مريح ولساني مايوقف من الدعاء والاستغفار، بس قلبي يوجعني يوجع بالحيل

طبعا الشهرين هذي يتابع افلام
اباحيه لاكن مكالمات لا ماحصلت عليه شي لاني جالسه احاول اصلحه
ولا حتى واجهته..

نسيت اكتب نقطه لاتكررين عنده لو سبحان الله رجعتي اني فيني وانا فيني استمتعي بالثقه بالنفس


واعلمي ان الخيانه ليس بسبب التقصير لا انهي هذا الشي من تفكيرك هذا كلام اخصائيه لي

لما قلت لها انا مو مقصره وجميله

قالت حتى لو كنتي مقصره حتى لو كان فيك عيب

الخيانه مالها مبرر الزوجه مالها ذنب
بفعلته فهمتي يعني انتي

بكل مافيك مو ذنبك هنا انا ارتحت
وقتها علشان تطمنين بس

طيب ايش معنى اختك سامحتيها وزوجك لا؟!
امرك غريب.. الخيانه لها طرفين
امرأه ورجل .. فكيف تسامحي طرف واحد

دامك قررتي تسامحي
سامحيهم اثنينهم
ودام زوجك تاب واقر بذنبه.. انسي
بتقولي صعب انسى صح
تحتاجي مستشار يعطيك طريقة للنسيان
وجربي تمارين الاسترخاء جدا مفيده

اختي بالنسبه لمرضك
ترى ماهو سبب ابدا
خصوصا وزوجك ماخذك وهو عارف فيه
بعدين ياما زوجات مافيها الا العافيه
وخانوهم ازواجهم
فلا تعتقدي ان العله بمرضك
واحمدي ربك الف مره انه باماكن مخفيه
واحمدي ربك البهاق ارحم من الف مرض
أقلها ماتتألمي وتمارسي حياتك طبيعي
وانتبهي لنفسيتك لانها تأثر عالبهاق
الله يعافيك ويريح بالك

نعم لم توصل للخيانه الجسدية، لكن أعطيته فرص كثيره سامحته ومع ذلك خانني ومع من ؟ مع اختي

حاولت ان اسامحه لكن لم أستطع، اختي سامحتها لانهامريضة نفسيا فكان جزء من علاجها ان اسامحها ، هي غلطت انها لم تخبرني بحبها له لو كنت اعلم لتركته لها

انا فعلا أريد مسامحته لكن اجد صعوبه بنفسي

مرحباً أختي

بالنسبة للبهاق .. فأنتِ تقولي أنه بسيط وفي أماكن مخفية من جسمك .. فلتحمدي الله على ذلك .. هناك ناس قد تغير لونهم بالكامل وعندي زميلين كذلك

بل تخيلي أن هناك نساء عميات ونساء أرجلهن مقطوعة ونساء محروقات وغير ذلك .. ومع ذلك متزوجات وماشية أمورهن

وطالما أن زوجك متقبلك وأنتِ أكيد كنتِ تحسين بذلك وقت العلاقة وطالما للآن يجري وراك ويبغى يردك .. معناه أن أمر البهاق لا يمثل له شئ .. لذلك عليك أن تتجاوزي هذا الأمر ولا تجعليه عقبة

بالنسبة لزوجك .. ذكرتي أن هناك من كان يعرض عليه الزواج ويرغبون فيه .. لذلك إعتبري أن أختك من ضمن الناس الذين عرضو عليه كذلك .. وخلي بالك أن أختك كانت متجهة له لرغبتها بالزواج منه وليس للخيانة معه ثم يرميها

وبالنسبة لزوجك .. من الخطأ فعله أن يجاري أختك ويتحدث معها وكذلك من الخطأ أن يفضح نفسه ويعترف لك .. بل كان عليه أن يصد أختك وينهاها ويبتعد عنها بسكوت .. ولكن طالما أنه إعترف لكِ .. فهذه ربما تحسب له أنه فعلاً كان متورط مع أختك ولا يرغب الإستمرار معها .. وربما كان يعتقد أنه بإعترافه سوف تسامحيه وتقدري موقفه وتقفي بجانبه .. ولكن للأسف كانت ردة فعلك قوية جداً لم يتوقعها زوجك

أخيراً
مشكلتك أنك تربطي الأمور ببعض وتزداد عندك التحليلات مما يجعلك كلما هان في نفسك أمر وجدتِ أمر آخر ينغص عليك

لذلك أختي
إعتبري أن فترة السنة هي عقاب له .. فعليك أن تشاوري نفسك بجدية للرجوع له


أعانك الله

اولا لازم تزرعين الثقه بنفسك .. ولا تقارنين نفسك بأحد ثاني .. يعني ارضى بما قسمه الله لك تكن اسعد الناس ..

ثانيا .. تزوجك وهو عالم بمرضك .. لذلك لا تحطين اللوم على مرضك وتربطينه بموضوع الخيانه ..
كنتي تدرين عنه راعي بنات ومكالمات والله العالم اذا مو طلعات .. مع ذلك قبلتي فيه وما اعرتي الموضوع اي اهميه ..

ليش سامحتي اختك وهو ما سامحتيه !!! مع ان الغلط منهم الاثنين .. !

انتي بس لا يذبحك التفكير والمقارنات اللي ما تجيب الا الهو والغم .. وشوفي اذا زوجك يستاهل الرجعه والا لاء .. يعني القرار بايدك ..
بس ما تضمنين انه يرجع يخونك لو رجعتي له .. يعني القرار بايدك ..

اللهم امين حبيبتي

حاسه فيك والله
يابنت وسعي صدرك

الله يعين بس هذا حال الدنيا ماحد مرتاح ..بس بضحك اشويه

انا كتبت موضوعي هنا تعرفين كلمة مقفله اخلاقي لو جات ذبانه ذبحتها

هههه المهم دخل قال ويش تسوين قلت لا بس اطقطق على الجوال ....ههههه مادرى اني كاتبه معروض عنه هههههه

ادور حل وكنت كاتبه بموضوعي ماني طايقه اكلمه لو كلمني انفجر والله سكتني باسكريم ههههه

هذا الي تقول ماني مكلمته ولا اقوله بلاه بكرا بروح للعرس ولا متشيكه له

والله دخلت موضوعي اقرا واضحك

هههه يعنني مابي اكلمه اخرتها يمزح معايه واضحك معاه