زوجي مايقصر في مصروف البيت لكن الكماليات والاشياء الثانية يشوفها شيء مو ضروري ونبدأ بالتسويف اللي ما ينتهي كيف ممكن يقتنع من اول شيء ياليت في عصا سحريه نستخدمها مثلا دولاب العيال متهالك صحيح واقف ومتحمل بس يبغاله تغيير له ثلاث سنوات بيغيره دورت على محل وكلمته وارسلت له الصورة واتفقت معه وبعدين كلمت زوجي قال لا غالي بفصل فمنطقتنا غيرت اشياء واشتريت عن طريق مندوب لاني طفشت وانا انتظره بس مو عاجبني هالحال فكرت اني اخذ منه 200 ريال شهريا واحط انا عليها 200 للكماليات او بنغير شيء مثلا هل هالحل ممتاز اخاف اجني على نفسي واندم بعد فترة

استخيري الله و استشيري زوجك ، فان وافقك الرأي توكلي على الله و ان راى غير ذلك فلا بأس ....و خذي الامور بمرونة بارك الله فيك ..

__________________
أشهد أن لا إله إلا الله و أشهد أن محمدا رسول الله صلى الله عليه و سلم

إنت أدرى بزوجك ممكن يستغلك أو يقدرك.
إذا تتوقعي يستغلك ويرمي تدريجياً كل شي أو أغلب المسؤوليات عليك خلي فلوسك في جيبك عشان ماتندمي ولا تمني عليه في يوم من الأيام.

بشكل عام لا تعط إلا وأنت مقتنعة وراضية وبمحبة ورضا ولا تنتظري مقابل وإلا احتفظي بفلوسك عشان ما تصابي بإحباط وخيبة أمل..

بحاول اقنعه مو هذي المشكلة اخاف بعد فترة يقولي انزنقت كم صار المبلغ او يعتمد عليها فكل شيء وانا مو هذي فكرتي

اختي الاخت تقول كماليات يعني مو واجب على الزوج
وين الاستغلال في الموضوع؟


اختي نرجسيه اذا انك تقدرين تساعدين الله يقويك في النهايه هذا بيتك
ولاتنتظري ان زوجك يسوي كل شي بخاطرك فـ بادري الله يوفقك ولو بمبلغ بسيط مثل ماقلتي وشوي شوي راح يكون جمعتوا مبلغ تقدرون تغطين كل الكماليات اللي نفسك فيها

انا ماعندي مشكلة فالكماليات تحف ومثلها بس انا زي البنات ابغى اغير واعدل فبيتي واصلا شقتي مرره مو عاجبتني طبعا الرجال هالاشياء عندهم مالها داعي مع اني ما اضغط عليه وارتب اموري انا مو من النوع اللي اصرف بدون نظام بس محد حولي افكر بعد رمضان باذن الله اغير شقتنا ابغى شيء مرتب بغير فالاثاث وابغى اجمع مبلغ لوقتها او اشتري بعض الاشياء من الان
بس اخاف مع الوقت يؤمن ان هالشيء مو من مسؤلياته

انا مثلي مثل باقي الحريم اللي زوجها يغير لها الدهان ويغير المجلس ويجيب ادوات المطبخ الكمالية انا جبت وجبت بس ما ابغاه يتعود

انا ما اكلف عليه باحتياجاتي بس ما ابغى اشيل هم الكماليات وحدي ابغى اطلب بجرأة وقوة وما اشيل هم المماطل او التحايل لانه مو اسلوبي

كيف وضع زوجكِ المادي إجمالاً؟

ومن الذي سيتكفّل بإيجار الشقة الجديدة؟ .. وهل الزيادة في الإيجار ستكون كبيرة؟

__________________


اللهم طِيبَ الأثر .. وحُسْنَ الرحيل.

طيب هل الموضوع انه الفلوس مابتكفي عشان كدا يماطل ويتحايل ؟؟
والا هو بيشوفها حاجات غير مهمه او لسا ماجا وقتها ؟؟
او بنظره في حاجات مهمه لازم نشتريها .

اتوقع فكرتك حلوه حطي لو 300 وهو 300 وكل شهرين اشتري حاجه حبه حبه يعني م اتوقع في مجال تبقى الفلوس ويقول انزنقت واحتاجها لانك حتشتري اول بأول .. كل شهر او كل شهرين .. خلو المبلغ دا للكماليات ..
احسن شي لما تخططو وتخصصو مبلغ لكل حاجه ..
جرب الفكره لأول شهرين بعد اتفاق بينكم وشوفي تنجح معاكم او لا

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

هل أنت موظفة؟

ماهي مساهماتك في المصروف؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم