السلام عليكم ورحمة الله وبركاته
انا بعرض مشكلتي واتمنى تساعدوني لاني تعبت من التفكير😢!
المشكلة هي انا متزوجة لي 6 شهور وعمري22، زوجي انسان ماعنده احساس بالمسؤولية ابداً
يعني عادي يطلع مع اصحابه من العصر لما الفجر وانا طول هالوقت لوحدي بالشقه صح اخاف من الوحده بس مستحيل اتصل اقول وينك تأخرت من هالحكي! اعرف هالاشياء تزعج الرجل لكن برضو مستمر في السهر والطلعات وانا دايم لوحدي حتى والله العظيم تمر اسابيع ماطلع من الشقه ولا يطلعني، والله افتح الشباك ابي بس اشم هوا.. برضو لما يرجع ريحته شيشه ودخان، سألته مره انت تشيش؟ قال ايييه مو عاجبك؟ تقدرين تشكيني عند اهلك...
رضيت بقدر ربي وماعلقت..
ثاني شي بخيل معاي بشكل! يعني عادي يعطي امه اصحابه لكن معاي وعلى بيته بخيل جداً، والله ماتصدقون لما اقولكم للحين البس ملابسي من بيت اهلي اللي قبل زواجي ولا عمري رحت السوق ولا اشتري زي الاوادم!
ثالث شي انا طلبته يوديني مكه يومين من اول ماتزوجنا لكن يأجل يأججل وانا اسكت، اتصل عليه صاحبه قبل اسبوع قال بروح مكه تجي معاي! قال اوكي تم! وجا قالي انا رايح مكه الويك اند الجاي هالاسبوع اجلسي عند اهلك بالرياض لاني بطير من الدمام! (يشتغل بالدمام واهلي واهله بالرياض)
طبعاً قلت له انت وعدتني توديني مكه قبل 5 شهور ولما طلبك صاحبك مافكرت انك واعدني؟ قالي هذا اللي عندي تبين ولا ازعلي، سكت ومشينا الرياض
لما وصلنا وارتحنا وكذا قلت طيب ابي السوق بشتري هديه لبنت عمي ملكتها الاسبوع الجاي! قالي بصوت عالي ماعندي فلوس ولا تطلبيني شي وانتي طلباتك كثيره وانا والله ماطلب شي وان طلبت ماطلب الا الضروري واللي ناقصني وهو عارف! قلت طيب مارديت ولا رفعت صوتي ولا شي
لما جا يوديني لاهلي قالي شوفي تبين غيري بتلقين كثير ترا! انصدمت! قلت ايش يعني؟ قال افهميها! سكت مدري ايش ارد عليه...
نزلت عند اهلي واللحين لي اسبوع ماكلمني ولا اتصل ولا سأل، مدري ايش اسوي ومدري ايش غلطت فيه اصلاً!
والله مامدح نفسي لكن انسانه محترمه ودايم بيتي نظيف والبس له واتكشخ له رغم انه مايمدح ولا كأنه يشوف اصلاً! لكن مايهمني اهم شي انا راضيه عن نفسي..

كل يوم اقول بيسأل بيتصل لكن ابداً مافيه امل!

__________________

التعارف كان من قبل خالته جت وخطبتني وصارت شوفة شرعية
وملكة (سنتين)!
اعمارنا متقاربه كلنا 22 سنه لكن انا اكبر منه ب3 شهور فقط..
الحياة الخاصه هاجرني تقريبا من شهر لا اعلم مالسبب..
من ناحية الدين يصلي لكن يسمع الاغاني ويشوف مقاطع اباحيه واتس اب وسناب شات كم مره انصحه لكن لا حياة لمن تنادي ..
علاقته بأهلي سيئه مايحب اخوي ولا امي ودايم يسبهم عندي وانا من داخل احترق، لكن ابوي مره رسمي معاه عشان كذا ماحصلت مشاكل بينهم
وعلاقتي بأهله ممتازه امه تحبني واحبها جداً
والحمدلله على كل حال..

__________________

شاكره لكم جميعاً جزيل الشكر ولدعواتكم ونصائحكم
الى الان ماحصل تواصل بيننا لكن افكر بمحادثة الوالد والله المستعان ..

فترة الملكة كنا ممتازين وعلاقتنا من احسن مايكون
وكان انسان محترم جداً ولطيف
ويأتي لزيارتي كل اسبوعين تقريبا او مره بالشهر
و لما اقترب الزواج خرجنا لوحدنا فقط لمطعم او مقهى
وكان يحصل تبادل الهدايا بيننا..
من ناحية تكاليف ابداً ماحصل، الزواج عائلي جداً
والاثاث ما ارهقه ابداً لانه كله هدايا من اهله واهلي
والمهر 60 الف مو اكثر..

ومن ناحية ديني الحمدلله قريبه من ربي جداً
صلواتي بوقتها وحجابي على الراس ولله الحمد ..

__________________

مكانه الانسب

__________________
أشهد أن لا إله إلا الله و أشهد أن محمدا رسول الله صلى الله عليه و سلم

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

انتبهي تطلبين طلاق

كلمي ابوك عن الوضع يوقفه عند حده قبل يتمادى

وعطيه قرصه محترمه لأنه ماراح يحس بقيمتك الا اذا حس انه بيفقدك

الله يسخركم لبعض