طبخات تجنن من عدة بلدان ومفيد جدا للمبتدئات خطوة بخطوة وبالصور وكل يوم طبخات جديدة ان شاء الله يعجبكم
يالا نبدا باسم الله
اولا مع طبق هندي بس ايش خطيررررر

كباب هندي

المقادير::
(الكباب)
لحم مفروم + بصل + بقدونس + ملح + فلفل
صنوبر(اختياري)
**يفرم الحم مع البصل والبقدونس ويبهر ويكون على شكل كباب

*تحطيه في صينيه

وتدخليه الفرن من تحت وتخليه يحمر

ليس المهم أن يستوي

تجهزي::
*بصل مفروم جوانح

+
*بطاطس مقطع مكعبات صغيره

+
*طماطم مطحون
+
فطر (اختياري)
دبس رمان (اختياري)
الطريقة

* أتقلي( البصل)وتشيليه في صحن بعدين تحطي بنفس الجدر ماء وصلصة طماطم

ومكعب ماجي ورشة فلفل
والطماطم المطحون

وتتركيه حتى يغلي وتحطي البطاطس

حتى يستوي نصف استواء
وتحطي ملعقة( دبس رمان)

تحطي البصل والفطر

وتحطي( الكباب)
وتخليه لين يستوي
وتقدري تحطيهم في صينيه في الفرن

وممكن تسوي معاه رز بالشعيرية
والطريقه للي تبي
**تقلين شعيريه بملعقة سمن حتى يشقر

بعدها تحطين الرز وتحركي وخلاص حطي الماي والملح

وخليه يغلي شوي وبعدين تتركيه على نار هدية لحد ما يستوي
وبا العاااافيه عليكم





كوسا باللبن (عالطريقة الشامية)

المقادير سهله :

**نجهز الحشوة وهي لحم مفروم مقلي مع بصل ونبهره
وصنوبر(اختياري)نقلي بسمن ونحطه على الحشوه


**كوسا نختاره صغير وطازج
– نغسله ونحفره (نخرج اللب )

- ونرجع نغسله من داخل عشان الباقي يطلع
- بعد مانغسله نحطه بمصفاه ويكون مقلوب مثل الصوره
عشان الماء يطلع منه

- نحشيه الكوسا باللحم وكل مانحط حشوه تدخلي اصبعك الصغيرعشان الهواه يطلع منه
- وبعدين تقلين الكوسا بالسمن حتى يحمر

- عشان كذا لازم تنشفين الكوسا زين عشان ما يطرش(يطشر) السمن في وجهك من الماء
حتى يصير كذا محمر

**الحين تجهزين اللبن ومقاديره سهله
بيضه + لبن روب (الكمية اختياري) انا استعملت 10 حبات صغيره+ 2 ملعقة نشا

- تحطين اللبن والبيضه
- وتذوبين النشا بملعقتين ماء

- وتحطيهم على اللبن

وتحركي وتحطيهم على نار هادئه
ولا تنسي الملح

- وكل اشوي حركي عشان مايلتصق حتى يغلي

- وبعدين حطي الكوسا حبه حبه

- واتركيه حتى يستوي
& يقدم مع الرز بشعيريه &
بالعافيه عليكم

منقول

يتبع

__________________


لا احلل نقل اطباقي دون ذكر المصدر

(ام علي وريما شخص واحد وهو انا )