احلى بنات عملت اليوم كبة نية هيك نحنا منسميها وعملت تبولة ويا سلاااااااااام صورتلكم خطوة خطوة يالا نبدا



نبدا مع الكبة

لعمل الكبة نحتاج

حبق
نعنع
بصلة
نص فليفلة حمرا
فنجان زيت زيتون



نحتاج برغل مغسول انا حطيت كباية وربع



نحتاج للحمة هبرة هيك احنا بنسميها وهيدي صورتها



الطريقة

نفرم الحبق والنعنع والبصلة والفليفلة ونحط عليهم رشة ملح



بعد ما نفرمهم نحط اللحمة فوق البرغل ونحط فوقهم الحبق والنعنع والبصلة والفليفلة



ونبدا نخلطهم واثناء الخلط نضيف شوية ماء عشان يساعدنا وعشان ما تطلع ناشفة



وقبل ما ننتهي من الخلط عالاخر نضيف فنجان زيت زيتون يعطيها طعمة لذيذة ونخلط



وبعد ما ننتهي من الخلط نقسمها وندورها بهالشكل عشان ما يخرب شكلها واحنا منمدها



ومديها على صحن التقديم وزينيها بالنعنع ويم يم يم



وهي طريقة تانية للتقديم الاولاد كتير بحبوها





وهيك خلصنا من الكبة يالا نبدا بالتبولة

للتبولة نحتاج

بقدونس مغسول ومفروم ناعم



4 بندورة مفرومة صغير
4خيار مفروم صغير
4 بصل اخضر مفروم
نص كوب برغل
4/3 كوب عصير حامض
4/3 كوب زيت زيتون
رشة ملح



الطريقة

نضع البصل والبندورة والخيار والبرغل بالتدريج فوق البقدونس






نضع فوقهم الملح وعصير الحامض والزيت





ونخلط جيدا



وبالنهاية نضعها بصحن التقديم ونزينها





ها كيف بعرف وجعتلكم راسكم بالصور سامحوني واعطوني رايكم

__________________


لا احلل نقل اطباقي دون ذكر المصدر

(ام علي وريما شخص واحد وهو انا )

ما شاء الله .. روعة .. تسلم إيديكي .. حبيبتي .. rima

__________________

بسم الله الرحمن الرحيم

تسلم الايادي ... جزاكي الله كل خير

__________________

سلمت يداك بالفعل اكلات رائعة.
ملاحظة للفائدة: يستحسن ان يضاف الماء البارد للكبة عند الدعك وشوية كمون يعطيها نكهة طيبة .
اما بالنسبة للتبولة عن نفسي انقع البرغل بعد غسيله بالطماطم المقطعة ناعما والمضاف لها الملح والليمون والزيت وعند التقديم يتم الخلط لان خلطها قبل التقديم بوقت طويل يغير شكلها وطعمها .
المهم ان (نفسك طيب بالمطبخ )جزاك الله كل خير

__________________
دائما وابدا ,كل مكان وكل زمان.
الحمد لله والشكر لله .
ولا اله الا الله.

الكبة النية طيبة كتير انا اليوم ماكلة كبة صينية يسلموا ايديكي يا ريما العزيزة

مشكووووووووووووووووووووووووووووورة

أنا شكلي بطلع الاكل من الشاشه وباكله

حرام عليكم انا حامل وماعرف اطبخ فاشله ف الطبخ احاول بس ساعات اشياء تضبط

خاطري ف هالتبوووووولة شكلها يقول اكلووني

وانا اشوف الطريقة اقول اشدخل الحين هاي تبوله ولما شفت الصورة الاخيره انبهررررررررررررت

تسلم يدج تسلم يدج تسلم يدج

متى بتعزميني على هالتبوله

الف شكر اخواني الكريم جزاكم الله خيرا

__________________


لا احلل نقل اطباقي دون ذكر المصدر

(ام علي وريما شخص واحد وهو انا )