تحيه لجميع الاعضاء ....
اسف على الازعاج وترددت كثير في طرح موضوعي بعد انقطاعي عن الكتابه والردود وليس السبب اشغال او السفر
بالعكس تماما انا موجود يوميا لكن مالي نفس ارد بصراحه مو بس المنتدى كل شي بصراحه وهذي مشكلتي
عندي حاله احباط ويئس واحساس بهم عظيم في قلبي وعقلي ولا لي خلق شي ابدا لا كلام ولا ضحك ولا شغل قسم بالله اروح شغلي مكشر من كل الي حولي ادخل بيتي مالي خلقه حتى زوجتي مالي خلقها ولا احب اجلس مع احد حتى زوجتي واهلي مدري احس فيه شي غلط بس شعوري الداخلي مسيطر على تماما من الشهر تقريبا
زهقت من نفسي كرهت كل شي ليش مادري ساعات اجلس مع نفسي واقول وش الي صار ما القى اجابه
لدرجه اني جبت ورقه وقلم وكتبت كل الي اتمناه ولقيت كل شي عندي بس انا مهموم ليش مادري
حتى النوم اصير مزعوج فيه ولا ارتاح ابدا ودايم احس اني تعبان وراسي يوجعني وظيقه بالصدر مايعلم فيها الا الله
حتى الكلام صار قليل ياناس انا محافظ على ديني وصلاتي والكل يعرفني ويعرف صلاحي من يوم كنت صغير
ودايم اذكر الورد لكن احس فيني ضيقه غير طبيعيه مهما تكلمت ما قدر اوصفها ودايم جسمي تعبان واشتكي من المفاصل ورجولي ويديني واروح للمستشفى يقول سليم