السلام عليكم ورحمة الله وبركاته
اخواتي..حبيباتي..والله اني اشوفكم مثل اخواتي ..واحبكم في الله ..واتمنى لكم الخير دايماً..
عندي اقتراح خاص لكم وودي اعرف رأيكم بصراحه...وايللي بيناسبها ياريت تسعى فيه ..ولا تخجل منه ..لأنه لمصلحتها..
حبيباتي.....الكل يعرف انه فيه مؤسسات خيريه لإستقبال طلبات الزواج وجمع راسين في الحلال ...
ايش رايكم كل وحده منكم تتشجع وتقدم طلبها بمواصفات الزوج ايللي تتمناه ...بس ماتبالغ..(لأنه فيه أشياء صعبه او مستحيله..)يعني خليها في حدود الدين.. والاخلاق.. وحسن الخلقه..
ويمكن تقولولي عيب ..او نستحي ..او صعبه ..اوكيف انا بنت واخطب لنفسي....
لاكن والله مافيها شي انتي تعملي بالسبب وكله باذن الله ...
ويمكن تقولولي ..لو بكره حصل نصيب وحصلت مشاكل بيستهين فيك ..ويقلل من قيمتك ..ويهينك..ومايفكر فيك ..لأنك انتي من تقدم بالطلب...وانتي من خطب..
بقولك لا والله ...لو احسنتي اختيار الزوج الصالح ..العاقل..المتدين...والله مايمسك بسوء لأنه يخاف الله فيك...وياما ناس تزوجوا بهذي الطريقه ..وعايشين أحلى ايامهم مع بعض ..مو احسن من ايللي اهله يختارو له عروسته ..وهي يطلب يدها عريسها ..وبعد الزواج مايكونو متفقين ...وتكون حياتهم عذاب وبعدها يمكن طلاق..
ولا تقولولي انه مافيه في هذي المؤسسات من طالبي الزواج من( الرجال طبعاً )إلا واحد حالته الماديه تعبانه ..او مافي وحده قابله فيه..اوفيه عيوب...اوبس يبغى وحده يتمتع فيها وبعدين يرميها..او..او..او..
بأقول لكم انا سمعت وقريت عن ناس حالهم كويس..لا وكمان ناس على مستوى عالي من الناحيه العلميه والماديه ..وكمان حسب ونسب..يكتبوا طلباتهم عن طريق هذه المؤسسات ...
اخواتي في الله والله ماكتبت هذا الكلام وما اقترحت عليكم هذا الاقتراح الا حباً فيكم ..وأملاً لمصلحتكم..
وانتو لسى ماوصلتو لمرحلة العنوسه(ان شاء الله)..والحياه قدامكم ..الله يطول اعماركم في الطاعات.. وفي ظل أزواج صالحين ..وابناء باريين...........
وسامحوني اذا اخطأت في حقكم..والله يوفقكم دنيا وآخره....ولاتنسوا تدعولي...
اختكم في الله

__________________