وعليكم السلام ورحمة الله وبركاته يا عطر الليل
وتفضلي هذه طريقتي في عمل البسبوسة
وترى كل من يذوقها يطلب مقاديرها بس مو كل وحدة تقدر تضبطها وأنا راح أقول السر
المقادير
3 بيضات
1 روب ندى أو أي نوع ( ويمكن استبداله بالقيمر (القشطة)
وبعدين بنفس علبة الروب أو الزبادي تقيسين باقي المقادير
ا سكر
ا سميد
1/2 ناريل مطحون ( يعني مجرد ثواني في الخلاط علشان يصير ناعم )
1/2 زيت
1/2 ملعقة صغيرة بكم بودر
وإذا حبيتي تعملين صينية كبيرة ضاعفي المقادير وأنصحك تحطين 1 علبة روب + 1 علبة قيمر تصير جداً لذيذة
الطريقة
تخلطين جميع المقادير مع بعض بالسلك وعلى طول في تصبين الخليط في صينية الفرن من غير ما تمسحين أسفل الصينية بالزيت يكفي الزيت اللي في الخليط
وتدخلين الصينية في فرن ساخن متوسط الحرارة وفي الرف العلوي (ضروري) لأن الخليط راح يصير سائل والمطلوب إن يستوي على مهل
وبس تاخذ 25 دقيقة أو على حسب حرارة الفرن
وبعدين تحمرين الوجه وتخرجينها من الفرن وتتركينها تبرد وبعدين تقطعينها
ولعمل القطر:
كأس صغير إلا ربع ماء ورد + 3/4 فنجان سكر + نصف ملعقة صغيرة هيل مطحون وكم نقطة برتقال + شوية زعفران
ونخليهم على نار هادئة وبمجرد مايسخن الماء نسكر عنه النار ونحرك القطر علشان يذوب السكر
ونتركه يبرد شوي وبعدين نشقي البسبوسة به
وبالصحة والعافية
24-08-2007, 01:09 AM
ضوابط المشاركة
العرض المتطور