والله الصراحة الحكم في أمور مثل هذه صعب جداً خصوصاً وأننا نسمع من طرف واحد فقط..
وعندي تساؤل بسيط يعني لازم الرجل يتحمل ديون فوق طاقته ويفرش بيت كامل ويشتري سيارة جديدة وهو في بداية عمره لازم يذبح نفسه يعني ويقعد يقسط 10 سنين قدام علشان يبين أنه شاري البنت ويحبها..
إذا ربنا يسرها معاه ورزقه ببيت جهاز بالرغم من إنهم أكيد راح يخصموا بدل سكن يعني مو ببلاش وأهم شئ إنه راح يجيب غرفة نوم ..
وأحب أوضح لك نقطة إنه حتى لو كان على خلاف مع أخوانك كلهم والرجل شاريك هذا شئ لا يعيبه بس أهم شئ لا يغلط على أحد يعني مو شرط يحبهم ويجاملهم ومش عيب إنه تفكيره يملك علشان يملك زمام الأمور بدل ما يتحكموا فيه أهلك وجيب كذا ولازم تعمل كذا بس طبعاً يكون تحكمه في ما يرضى الله ومن ثم يرضيك أنت بغض النظر عن طلبات اهلك..
ونقطة أخيرة في الأمور هذه مثل المهر والبيت وحفل الزواج حاولي تبعدي عن هذه الأمور قدر المستطاع وخلي رجل من أهلك يتفاهم معاه عليها وحطوا النقاط على الحروف وعلى فكره مثل هذه الأمور والمشاكل تحصل في أغلب الزواجات بس أهم شئ علاقته معاك كيف؟؟
ملاحظة.. هذا الكلام بعض ما جال في خاطري وأتمنى أن يساعدك في بناء قرارك الصحيح وليس بالضرورة الأخذ به لأنه مجرد إجتهاد شخصي قابل للخطأ والصواب..
وأخيراً أسأل الله أن يكتب لك ما فيه الخير ويرزقك بحياة سعيدة ويرزقك بالذرية الصالحة
16-06-2008, 09:28 AM
ضوابط المشاركة
العرض الشجري