عزيزتي ..بنفسج ..أنت لسه على البر..صحيح صار ملكة...بس ما صار زواج...و دخلة...ولا تخلي عمرك يكون سبب في قبول اي شخص متقدم حتى لو ما كنت مقتنعة به...أو فيه مشاكل كثيره..يرعاك ويحفظك اللي خلقك و سواك..توكلي على الله..و ربنا هو اللي راح يتولاك بوجود أهلك أو بدونهم......و لا تخلي أملك على الزوج..لأنه ما تدري كيف يكون و لا هل يعيش لك و لا لأ...الأعمار بيد الله ياما حريم اترملوا وهم شباب...

ما ينفع تستمري معه و انت تشكي فيه..الشك عدو للحياة الزوجية..سواء من الرجل او المرأة..
لازم تتأكدي أنت و أهلك من عدم صحة الإشاعات...و لا تنخدعي بالمظاهر أو التمثيل...أو تصدقي كل من يحلف لك..أسألوا عنه و اتقصوا كويس و أعملوا له اختبارات من غير ما يحس..و أستخيري الله عزوجل في الثلث الخير و في أوقات الإستجابة...إنه يلهمك الصواب..و يهديك الحق..

المهر...( أيسر النساء مهرا أكثرهن بركة)..بس المفروض من أهلك يحددوا..و لا تقولوا حط اللي عندك أو اللي يجي منك حلو..لأنه في بعض الناس تبخس العروس في المهر...و لا ترضوا باقل من اللي حددتوه و لو بريال..يدفعه مع عقد القرآن..((والله عجايب في ناس لمن يأخذوا من قبيلتهم يدفعوا أحسن مهر..و أحسن قهوة للأم..و ذهب أغلى و أحسن ذهب ...و غيره من عاداتهم..ولمن يخرج من برا بده يحط أرخص مهر..و أرخص زواج..و مرررة ما يجيب طاري زواجاتهم و لا عاداتهم..كأنه مسترخص بنات الناس..))...

الشقة..كم راتب زوجك؟؟ هل أنت موظفة؟؟ فكري بالمستقبل هل يستطيع زوجك تحمل المصاريف مع إيجار شقة ..و مصاريف أبناء...الإيجارات دي اليام ناااار و الشقق مهي على قد سعرها من حيث الجمال و الديكور ..ليش ما تفكري بأنه تحتاجوا يكون لكم بيت ملك..بدلا من ضياع الفلوس في الإيجار..أنا أرى الشقة مع تأثيثها نعمة...لكما..يحسدكم عليها كثيرين...

السيارة أطلبي يغيرها...قول له مهي عاجبتك..

ممكن تفسري لي كلامك أكثر لأني ما فهمتك..مابده يسويه في قاعة أفراح مثلا؟؟
و ايش الشيء اللي يبغاه؟؟

في كثير من الناس ما ترضى تسوي الزواج إلا في بلد الزوجة...عيب الرجل يسوي الزواج في بلده و الحرمة تروح له..إذا كنت أنت من هذا النوع فأشرطي عليه الزواج يكون في بلدك..في قاعة تختاريها أنت و اهلك..يدفع هو فلوسها...


مدري بس أحس شيء طبيعي..أتوقع أغلب الرجال كذه...



لا تخلي هذه الوساوس تسيطر عليك...

كيف عرفتي إنه بده يتزوج عرفي...ما بده يسوي زواج في قاعة..و يعزم ناس..وأهلك يعزموا اللي يشتهوا؟؟

عزيزتي المشاكل تكثر بسبب قرب الزواج و الإختلاف على ترتيبات الزواج..الله يعدي دي الفترة على خير..

دي فعلا مشكلة عند كثير من الشباب مو بس خطيبك.. الله يعينك على ترويضه بعد الزواج...على فكرة حاولي تعرفي هو كيف في حياته الشخصية..مرتب و لا لأ...كم مرة يستحم؟ ...كم مرة يفرش اسنانه...؟؟
كيف غرفته؟ أهله كيف طبعهم؟؟مرتبين ..؟ نظيفين...أو مستوى نظافتهم يناسبك؟؟ في كثير من الشباب يكونوا حسب ماهم متعودين عن اهاليهم..و ممكن يكون مدلع و أمه مو قادرة عليه...
و من هنا تعرفي لأي درجة حتتعبي في تغيير سلوكياته...


============

أيش الأشياء اللي حددها و رجع في كلامه فيها...ممكن توضحيها؟؟


============

هذه مشكلة الكلام في فترة الخطوبة...مشااااكل...و الرجل بده يفرض نفسه...ليش ما توقفي الكلام معه و تخلي أهلك يتفقوا معه على كل شيء..و اكيد راح يلتزم بكلامه معهم...و لا تسمحي له يتطاول على أخووك ...وحتى لو هو متضايق من أخوك في أمور في العمل لازم يفرق بين العمل و بين الحياة الأسرية...و إنك مالك دخل في اللي يحصل بينه و بين أخوك في الشغل...ولو هو يعزك من جد راح يحترم أهلك و يقدرهم و حتى لو شاف منهم ما يضايقه...لجل عين تكرم مدينة..

============
أنا أوافق راي الأخ :


عن تجربة شخصية زوجي كده جاب قرض وخسر في الزواج..و حفلته...و الآن شوفينا بالقوة ممشين بسبب القرض اللي راح على الكلام الفاضي..
وعلى فكرة أغلب مهر العروس الله يهدي جميع العرائس يروح في الخروق (الملابس ) اللي كلها تقريبا ما تجي عليها بعد الزواج و الحمل خصوصا لو حملت بسرعة... يعني في النهاية كل فلوس العريس تروح في أمور مالها داعي و يدفع ثمنها أحلى سنوات الزواج في الضيق المادي...

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..