هم بعد انا اوافق اطياف الرياض على الرد =)
سالفة ربة منزل او عاملة يعتمد عالمجتمع .. في مجتمعات اجباري او يفضلون ان البنيه ما تكمل دراستها , و بالتالي بتكون ربة منزل اوتوماتيكلي .. نادرا اللي يكملون دراستهم و ما يشتغلون .. هذي وحده ..
وفي مجتمعات لازم البنت تكمل دراستها .. في هالمجتمعات نسبة العاملات فيها عالية جدا ..
عن نفسي , انا كملت دراستي الجامعية ,بعدين اتزوجت, بعدين خذيت دراسات عليا, والحين اشتغل , و منصبي كثييير حلو و الحمدالله , وساعات العمل مرنه و غير متعبه ابدا ..
ابد ابد ما حسيت ان الشغل يمكن يعرقل حياتي , بالعكس .. و ماني مجبوره اعمل , الحمدالله زوجي دارس اعلى مني, و وظيفته كثير حلوه, و اهله الحمدالله عندهم .. هم بعد عيلتي كثير ميسورين و معروفين و عمري -ان شاءالله- ما راح احتاج , أو اتعب و لله الحمد ..
قبل الدوام جهزت فطور مثل بقية العالم , مو بس سندويشات , على حسب طلب زوجي ..
وقت الغدا عندي ساعتين غدا . فهالساعتين اسوي فيهم غدا عالاصول ( الحمدالله مقر عملي و بيتي 5 دقايق) , لو ابا شي في بصل او سمك اقدر اعمله فالليله اللي قبلها, وقت الغدا الحق اغسل الصحون و ارتب المكان و ارتب حالي , فما ارجع الدوام و ريحتي بصل مثلا .. زوجي يرد البيت يتغدا و طالع هم بعد مره , و انا ارجع , بس ارد بعد 3 ساعات .. و هو يرد بعدي ..
لما ارجع الحق اعمل الي اباه .. من تنظيف , و ترتيب , و طبغ عشا , و اقرأ ,و كل شي .. فماني فاهمه اللي يقول ان العاملات ما عندهم وقت .. بالعكس ..
ما ابا اعمم , بس اشوف اللي حواليا : اللي ما تعمل , لااازم نومة الظهر , و يمكن زيارات الصبح , و غيره ..
صج انه في دوامات صعبه , و توقيتها صارم .. الحمدالله انا لا , شغلي مرن , و ممتع , و مكسب لأخر درجه ..
زوجي عمره ما اشتكى, بالعكس , يستشيرني في كل اموره الماليه, و كل عيلته بعد و عيلتي ..
ما اصرف عالبيت , زوجي يصرف على كل شي , جزأ من فلوسي كفلت يتيمين , و جزأ لجدتي كل شهر, وجزأ لاختي اللي فالجامعه, وجزأ بنيت بيهم شقق .. الباقي لمصاريفي الزايده .. الحمدالله لو احتجنا مبالغ بالمستقبل , ليش نقترض , ديون , و جمعيات و غيرها ؟
انهي كلامي ان لو في أي وقت حسيت ان شغلي يمنعني من تأدية واجباتي كوزجه, و كأم - راح اترك وظيفتي في لمحة و بدوووون تردد =)
19-10-2008, 11:24 AM
ضوابط المشاركة
العرض الشجري