والله انا حاسة بيكي ومقدرة حالتك
بس صدقيني الحل الوحيد انك تتكلمي معاه بصراحة
يمكن هوه مش واخد باله
او لانك دايما بتبيني انك ما زعلتيش هوه افتكر انه عادي انه يقولك علي كل حاجه حتي لو كانت تزعل
بالنسبة لاخواته ولا تهتمي انتي اهم شيء عندك زوجك وطبيعي انهم يغيروا لما يلاقوا اهتمامه بيكي زايد
بس والله يا مصرية الحل انك تتكلمي وتفضفضي معاه لانه كدد هيتعود منك انك ما بتزعليش
اقولك علي حاجة والله انا زيك مش بحب ابين ان انا مدايقه وافضل ساكتة زوجي لما يلاحظ يفضل يسألني وانا اقوله مفيش
بس مش بقدر اخبي اقول لو انا ما تكلمتش معاه هتكلم مع مين
الحمد لله انك هتعيشي بعيد عن اهله ده هيقلل المشاكل جدا
تعرفي انا الحمد لله عايشه بعيد عن اهل جوزي
الحمد لله هما ناس طيبين لابعد الحدود بس لو مرة حصل موقف بقوله لزوجي بس بعدها بفترة
انا مش بحكي عن حياتي ولا اي مشكلة مع اي حد حتي مامتي لانها قالتلي مرة (لو الواحدة حكت مشكلة بينها وبين زوجها لاهلها بيشيلوا في قلبهم منه والزوجين بيتصالحوا والاهل هما اللي يفضلوا زعلانين)
المهم مرة اول زواجي كان اهل زوجي عندي و اخت زوجي دخلت المطبخ وانا ما كنتش فيه
لما دخلت لقيتها فاتحة الدوايب بتتفرج علي الحاجات اللي انا جايباها طبعا انا ادايقت جدا وما بينتش خالص ان انا ادايقت
(طبعا الموقف ممكن يكون عادي )
بس انا احب يكون فيه حدود واحترام ليا يعني كان ممكن تستاذن مني او تقولي وانا افرجها علي كل حاجه
المهم بعدها بفترة انا قلت لزوجي انا خلاص كنت نسيت بس كنا بنتكلم علي اليوم ده وافتكرت وقلتله
لازم يكون فيه حدود واحترام لي
اللي انا عايزة اوصلهولك انك لازم تتكلمي مع زوجك في كل اللي بيدايقك
وزي المثل ما بيقول جوزك علي ما تعوديه ( يعني لو اتعود انك ما بتزعليش خلاص كله هيبقي عادي عنده
والعكس طبعا انه هياخد باله بعد كده من كل كلمة علشان ما يزعلكيش )
ويا ستي ربنا يهنيكم ببعض
__________________
اللهم بارك لي في زوجي وفي ابنتي واجعلها ذرية صالحة
التعديل الأخير تم بواسطة nouga masria ; 16-01-2009 الساعة 06:30 AM
16-01-2009, 06:25 AM
ضوابط المشاركة
العرض الشجري