السلام عليكم ورحمة الله وبركاته
بسم الله ماشاء الله ايوه كده يالله خلينا نفرح بالأخبار الحلوة ونتشجع كده وتزيد الهمة
حبيبتى نورا برافو عليكى ايوه كده ماشاء الله معدل نزولك اكثر من رائع ويمكن ان الرضاعة مساعدة معاكى لأنها تعتبر تمرين فى حد ذاته استمرى وربنا معاكى وسعدت جدا بنتيجتك. وضحكتنى كلمتك عايزين نبقى زى القلم ههههههه.
حبيبتى أم لؤى ربنا يخليكى انتى بجد بتشجعينى وتحفزينى ويالله انا كمان عايزه اشجعك وتقولى لنا نزلتى قد ايه صدقينى لو حتى نزلتى جرامات مع الوقت هتبقى الجرامات كيلوات وهتحسى بفرق كبير فى صحتك يارب ربنا يعطيكى العافيه والصحة ويشفيكى يارب.
أختى helwaya أهلا بيكى معانا منورة الصفحة انتىمعاكى حق انا فعلا حاسه بأن الهدوم بدأت توسع على سنه صغيرة يعنى انا عندى بنطلون ده كان بتاع ايام الرشاقه وكل اسبوع بأقيسه وأشووفه دخل ولا ايه فى الأول كان مش بيدخل من الأوراك أصلا لكن دلوقتى بقى بيدخل بس السسته بتقفل بالعافيه وان شاء الله كمان كم اسبوع تبقى بتقفل على راحتها.
سعدت بمشاركتك يا قمر.
حبيبتى الغربة مرة كنت مستنيه اخبارك من الصبح برافو عليكى يالله احنا مستمرين واسبوع ورا اسبوع هنحقق هدفنا باذن الله انا بقى باقى لى 18 كيلو على هدفى ربنا يعين
باقى البنات فينكم باريسا اخبارك ايه وlove of life وحبيبة قلبى ام جوجو يالله عايزه اعرف آخر التطورات .
على فكره انا هأنزل لكم كم أكله للرجيم من الأكلات اللى أنا بأطبخهم فى رجيمى ومعهم حساب كامل للسعرات بهم انتظرونى فى عالم الطبخ قريبا جدا.
16-03-2009, 05:20 PM
ضوابط المشاركة
العرض الشجري