دودى يا حبيبتى ولا يهمك والله حاسه بيكى لأنى الاسبوعين او الثلاثه اللى فاتوا من اول ما بدأت رجيم نوع الجسم وعندى الاحساس ده وفعلا بيزيد لما نقطع الرجيم يوم الجمعه ونأكل الوجبة المفتوحه وبيبقى يومى السبت والأحد من أصعب الأيام لكن صدقينى اصبرى على نفسك ويمكن على يوم الاثنين الحالة تتحسن انا الاسبوع اللى فات فضلت كعايا الحاله دى من يوم الثلاثاء حتى يوم الجمعه عذاب وتوتر رهيب لدرجة انى كنت بأقول لابنى انا جعانه وانا بآكل وفعلا كنت بآكل وجعانه حتى وقت التهام الطعام ( فجعه يعنى) وما ارتحتش من الحاله دى الا يوم الجمعه لما اكلت وجبة الغذاء المفتوحة لدرجة انى سبقتهم واتغذيت لوحدى جوزى وابنى رجعوا من صلاة الجمعه ولسه مش جعانين وانا قلت لهم لاما تأكلوا معايا دلوقتى لإما هآكل ومش هستنى حد وفعلا حطيت كل الأكل قدامى وقعدت آكل زى المحرومين ياحرام .
بس انتى شدى حيلك واهزمى جوعك وافحى برشاقتك آخر الاسبوع وعلى رأى جدتى ( جوعه على جوعه تخلى الصبية زوعه) يعنى فتله خيط يعنى.