نورين ............منوره

الله يهديكى كف بحاله........ده انتى جباره

نورين اقولك حاجه انا تقريبا انسانه بافقد كنت كل حواسى عند الغضب.......جنون

كلام ولسان طويل وقلة قيمه والله العظيم وتهديدات وحاجه منتهى الجنان .......

بكوره قالت لك استغفرى انا كنت بعمل كده .....بس انتى عارفه ان الله لا يغير ما بقوم حتى يغيروا ما بأنفسهم
فبديت على طول اقول لا اله الا انت سبحانك انى كنت من الظالمين
لاحظت ان غضبى بيزيد كل ما اترك له العنان
تخيلى الغضب حصان من غير لجام هيطيح وما يخلى حد الا اما يصيبه
خليكى انسان ما فيش حاجه تتحكم فيه بالعكس انتى اللى تتحكمى بكل حواسك ومشاعرك بالطريقه دى هتروضيها وتبقى طوع ومع الوقت ...والوقت ده كتير ومجهود خارق ........هتلاقى انك متحكمه وانك انتى اللى بتعرفى الى حد كبير تحكمى مش متساقه.وقت ما هتعرفى تتحكمى هتبقى اقوى ..........وهتفرحى بروحك جدا وهتتبسطى ان قوتك لها رابط انتى اللى بتحكميه.
حاجه كمان ممكن تساعدك حاولى قبل ما تنفعلى تقولى او تعملى سيناريوهات فى دماغك سريعه وده بالتدريب واسألى نفسك الاسئله دى:
- هل الموقف متعمد وللا لاء؟
- هل انتى المقصوده بالموقف ده وللا انتى حساسه؟
- هل الانسان اللى صدر منه الموقف قدامك ده يعنى لك شىىء وللا لاء؟
- هل هتضطرى للاعتذار .......؟
- هل لو انتى اللى فى الموقف بالعكس تحبى ان اللى قدامك يعاملك بنفس الطريقه؟
- واهم نقطه: ما هى الاستفاده المباشره من ردك .......هيعود عليكى بالنفع وللا تفريغ طاقه وبس
- مدى قوتك وتحملك ومدى قوه وتحمل اللى بتوجهى له العنف......هل انتى حاسبه حساب رد فعل الشخص ......
- هل الشخص ده لو عاتبك في يوم هتحسى بأنك صغيره ومكسوفه وللا عادى ؟
كل الحاجات دى مش هتاخد غير ثانيه بس من تفكيرك وصدقينى هتتحجمى كتير اوى ولما هتنفعلى هيبقى على حق وهتنفعلى وانتى مدركه لكلامك اللى بتقوليه وافتكرى ان الرسول قال مامعناه ليس الشديد بالصرعه ولكن الشديد من يملك نفسه حين الغضب

اصلى انا بصراحه عامله روحى فار تجارب وبحب اوى لما حاجه تنفع معايا انى اقولها...يعنى مش بتفلسف عليكى ولا بقولك حاجه من الكتب ومش واقعيه لا ده عن تجربه

دلوقت لما بنفعل بيبقى انفعال فى اضيق الحدود ومش كتير ...... وحتى اللى حوالى بقوا عارفين انى لما بنفعل معناه انى فعلا متضايقه وبيقدروا ده مش زى الاول ماهى على طول منفعله ....وما حدش بيقدر لان دى كانت حالتى الدائمه
بس يا ستى لو كلامى معقول قولى لى ولو ما عجبكيش برضه قولى لى
سلام