ازيكم يا أحلى رشيقات
وحشتونى جدا جدا
آسفه لتأخرى عنكم بس كنت فى الأجازة وما عنديش نت
بنت مكه برافو عليكى انا كنت سيباكى وكان وزنك 83 ونصف فالنتيجه كده ممتازه واستمرى وما تكسليش
يا بنات انا عيزاكم تغيروا نمط حياتكم
الرجيم مش فترة وتنتهى ولا هو عقاب للذات لأ ده نمط حياه لازم نحبة ونستمر معاه
الحمد لله انا مازلت رشيقه وكمان بآكل كل اللى نفسى فيه فى الوجبه المفتوحة يوم واحد بس فى الاسبوع وباقى الاسبوع التزام تام بكل الأكل الصحى مع رياضه المشى او الأوربت تراك حسب المتوفر لمدة ساعه يوميا ما عدا الجمعه وكله تمام وصدقونى علشان معدتى أخدت على الأكل الصحى بقيت بأتعب جدا لما أخرف فى الوجبة المفتوحة وبأحس بالتخمه والتعب والانتفاخ والاقى جسمى بيطالبنى بالتوقف عن الأكل الغير صحى والرجوع فورا للخضار والفاكهه والزبادى والشاى الأخضر
ياللع شدوا حيلكم ومنتظره مشاركاتكم
آه على فكره مش هأقدر أدخل تانى الفتره اللى جايه لحد ما الظروف عندى تتعدل واشتراك النت يتظبط
سلامى لكن جميعا
04-10-2010, 01:34 AM
ضوابط المشاركة
العرض الشجري