رد : لست أدري كيف صارت الأمور إلى هذا الحد ؟ [مستجدات في الرد 352-392-398-4
اخي ساري
ارجوك ارجوك لاتهدم كل مابنيته من حب وايام جميله
انا امراءه
لاتاخذ النصائح من رجال مايدرون ولايحسون بشعور النساء وتصرفاتهم انا فاهمه زوجتك وفاهمه شخصيتها وفاهمه تصرفاتها
زوجتك تحبك جدا
وانت ايضا تحبها
لكنك افسدتها بدلالك الزائد لها
لاتستغرب !!
تعودت منك الاهتمام و الدلع انك تداريها
ويوم تغيرت وبديت تعاملها بالمثل زعلت وحست انك ماعاد تبيها
وامها كملت الموضوع وهي الان تسمع من امها واهلها
صدقني هذا مو قرارها ولاتصرفاتها
تلقى امها الحين تقول
ماعليك منه انتي الف من يتمناك خليه يولي اذا يبيك مو مطلقك عاقبيه ادبيه ووووووو ...
صدقني هذي افعال اهلها الي تسويها معك مو افعالها هي
هي غرضها من كل هذا تأدبك تعطيك درس عشان تمشي مضبوط وسيدها !!!!
لانها تدري انك تحبها ماراح تطلقها
بكل بساطه والله لو ترجع لبيتك وترجعون لبعض بتلقى حياتكم رجعت مثل قبل واحلى
نصيحتي لك من مره وفاهمه زوجتك لانها مثل شخصتي وتصرفاتي
الان كل ماعليك
انك تنتبه لاالفاظك تجاها ولا تتلفظ باي شي يجرحها ويكرهها فيك ويخلها تصدق اهلها
كل ماعليك هو الحوار الحوار بكل ادب وحط تحت ادب مليون خط
انتبهه لاتعاندها لاتقول لها انا عفتك وانتي فيك وفيك
اذا كنت شاريها
اتركها فتره عند اهلها واقطع تواصلك معها ومعهم نهائيا
خلها مثل القرصه لها عشان تتادب ماعاد تطلع من البيت بدون اذنك
لان هي تعودت تطلع من البيت بعد كم اسبوع انت بنفسك ترجعها وتجيبها
وهذا اكبر غلط هذا الي خلاها تتمرد وتتطلع مره ثانيه وثالثه ورابعه وخامسه
غلط تصرفك المفروض
اذا طلعت من نفسها خلها تطول عند اهلها بالشهور عشان تتادب تدري اذا طلعت ماراح تركض وراها وتجيبيها
هذا درس لها
المهم
الحين خلها عند اهلها لو طولت المده وحتى لو اكثر من شهر تحمل لان النتيجه بتكون حلوه
صدقني بتكون تادبت وتابت
والاهم اذا خليتها تكون بدون اي تواصل طنشها وبين انك زعلان عليها
يعني خلها عند اهلها شهرين ثلاثه بدون سؤال ولاتواصل ولارسائل ولارد عليها ولاشي
راح تاخذها االافكار ماتدري انت بتطلقها بتخليها بترجعها بتمووووت
وبعدها بعد ماتبرد السالفه وتهدئ الامور شوي بادر انت برسائل لها
بدون ماتعتذر فقط حوار ونقاش
شوي شوي بالرسايل واخذ وعطى بتلقى الامور رجعت مثل قبل واحلى
وبتلقها طاح اللي برسها وبتلقاها كانت تتنضر منك مبادره
بعد ماتركتها شهور لاسؤال ولااتصال
حتى وان كابرت وعاندت تلقاها من داخل تبي تنهي الموضوع وترجع
ورجعها واذا رجعتها عوضها عن الشهور الي راحت بايام حلوه تنسيها
بتكون هي اخذت درس وتابت عن الخروج وصار الي تبي
اما الانفصال لا حرام عليك الي بينكم مو بين اي زوجين والمشاكل ملح الحياه
صدقني نحن النساء نجيب طاري الانفصال بكل صغيره وطالعه ونازله ومن داخلنا لانريد ذلك نهائيا بل نتمنى الموت ولا الطلاق
وهي تحبك صدقني لكن اهلها وامها هم من يتدخلون بقرراتها
وهم اساس مشكلتكم اهلها
التعديل الأخير تم بواسطة صدمه عمرر ; 23-05-2013 الساعة 08:25 AM
23-05-2013, 08:21 AM
ضوابط المشاركة
العرض الشجري